Ebrœ̂ 10:29 - Kálara Zyɛ̌m Edwán é mpʉ̌n

²⁹ Bʉr pa taare jʉŋɔ é lɔb ebɨh bé lé esa motie mo Moyiz ɨ, a dwɛʼra e mʉr lé etíile Mwan mo Zyɛm é mobò me si ɨ? Nye ókʉ jala e bɨbebebebe bɨntɨʼa, laa naa! Mpʉ jwɨʼ ye ndɨ ɨ, yé ó yi: motié Krɨst a pyɛl é l'efu ó, Zyɛm deʼ edwan e mpʉn ɨ, mé mu nye ó tɨtoʼo, nyɛɛ yɛɛ si pa pubɔ e tɨ! Bɨn bé ejwɨʼ é yé, tiibe e mʉr a pyeh nteme Mbɨambɨa Sisim, a bɛa lɛʼle nye ncwɨncwɨa ɛ? Mʉr tɨʼ ósaŋɔ nyá ɛ?

Kálar Nzyɛ̌m : Ejwán é Sáá

²⁹ Bʉr pǎ nyɛɛ́ jʉ́ŋɔɔ ɨ́ lɔ̌b ébɨ̌h bé sá métié mé Moyɨ̂z lɨ́, á dwɛʼra e mʉr dí etyéele Mwân mé Nzyɛ̌m sí mebo mé nyá! Nye ókʉ́ jala e bibɨ́bla bíntɨ́ʼá, laa náǎ, ɨ́ lɔ̌b jwɨʼ yé yɨ̂: metié Krîst á pyêl, lɨ́ esâ édwán é sáá e mé má, mé mû nye ó tʉ̂toʼó, nyɨɛ yɨ́ɛ sí pǎ pubɔɔ e tɨ̂! Bɨ̌n jwɨʼ nyá ɨ́ lɔ̌b mʉ̂r á pya Sísǐm mé Nzyɛ̌m wé á nyɛɛ sâ nye mpam wɨ́ nyá? Mʉr tɨ̂ʼ ókǎ sáŋɔɔ nyá ɛ́?

Ebrœ̂ 10:29 ပူးပေါင်းရင်းမြစ်များ

Éfɛsɔs 4:30

Mʉr asa syɛɛla ebebe yé ókwɨɨ Sisim mo Zyɛm ndɨ ti ɨ, empime é leme e. Sisim waa, wé ó mpʉ ejwɨʼ Zyɛm a gba é bɨn ɨ, ejwɨʼ lé elɛʼle ó, nye ódwih bɨn é mpila ebebe lɨn é pololo.

1 Korɛnt 11:27

Sa gwar, ǃɨ mʉr si de bler yaa, nkʉ nyʉl monwoʼ maa, mbi ndɨa ndɨ ajala nɛʼɛ, kʉ gʉa ó, nyi daʼre mobe é nyʉl we, ebe, nyi byaʼ nyʉl mo Da Yesʉs ndwe e motié me.

Lʉkas 12:10

Mʉr nyiwɛh lé epyeh Mwan mo Mʉr ɨ, baa ebebe laa, yé óbɛm pɛʼɔ. Sa gwar, mʉr ópyeh Mbɨambɨa Sisim ɨ, baa ebebe yaa, yé ákwoʼ pɛʼɔ.

Ebrœ̂ 2:3

Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

Mɨlʉmlʉ 7:51

Etyɛn ze ko tɨʼ ó: «Bɨn bé é bul lele mɨlʉ! Mɨleme min, myé ó lwɨŋla e l'egʉʼla; mogwal mɨn mɨndibla. É jɔʼ yiyɛh bɨn bé ó njɨ lé esa Mbɨambɨa Sisim mongan, kʉ be mpʉ bɨmpam ga bina.

Ebrœ̂ 12:25

Ebe no, gʉa di ga ncye, ó bɨn beʼ l'abene mʉr mu lé ebal bɨn ɨ. Molu pihe, bé a si bene lé ejoʼo mʉr a ze é si nwaʼ ɛ. Nye a ze ó, nye bal ó be, bɛɛ l'akpɛl joʼo. É jɔʼ yé a ka be ó, ebebe laa pyala be e, yé a baabana ó, bé syɛhla le. No ó, mʉr a ka ze lwib e bɨna ga bɛɛ ɛ, nye ó ndɨ mʉr a duho é jobo kʉ ɨ. ǃBɨna si bene ga ejoʼo lɔɔ we nɛʼɛ, zê bɨna bé ósyɛhle ga bɨntɨʼa bɨ tɨ, laa be ɛ?

Ebrœ̂ 9:13

É mpʉ ontɔɔ o motie, bé lé elœʼ bé bʉr o tɨʼ é mih mo Zyɛm ɨ, bé lé eka pubɔ é nko paʼ monyʉl mɔɔ ó, e motié bɨntɛɛ ndwe e maa bɨtab, le mofii mo ma myɛl ntɛɛ. Sa opara onɨ, bé a koʼo e, yé a be ó epubo be monyʉl e motié maa.

1 Korɛnt 11:29

ǃƗ mʉr si de bler yaa le enyʉl monwoʼ maa, nye l'adweʼe nyʉl mo Krɨst ndɨ tɨʼ nɛʼɛ, nye ódaʼre mobe é nyʉl we, duho é mbi ndɨa we nɨ.

Ebrœ̂ 6:4

Bʉr o b'a taare kʉnɔ mɨmbah, bé a be ó lé etaare bi-bi mɨndwɛa lé eduho é jobo kʉ ɨ. É til molu yaa, Mbɨambɨa Sisim, bé e boo nɔɔ ó b'a be-be. Bé a be nteme ó, lé ejoʼo-joʼo lɔɔ Zyɛm ndɨ é bul mbɨa ɛ, joʼo monwam mo tɨ. Bɛɛ, bé a si taare dweŋɔ mbi nkul óka kabɔ pie e l'esie e mbi jɔʼ yiʼ ɨ. É jɔʼ mbi bʉr baa ka lɨŋa é buʼo e, bé abe e nkul ebâʼle gbɛlɔ, ó bé óbula gwɨma mobebe mɔɔ, le edwir mɨleme myɔɔ, ebe, bé bʉr o tɨ, bɨ kʉ gbaa ó, bé ócyèl Mwan mo Zyɛm é klos é jɔʼ mba, le esa ó, nye bul lwɨɔ é nkɛŋlɛm.

Ebrœ̂ 2:11

Yesʉs, mʉr lé epubo bʉr ɨ, bé e bʉr nye lé epubo e, bɨbɛh, bé mu ó bʉr o b'a duho é Sɔŋ ngwar ɨ. Ebe no ó Yesʉs ndɨ ajoʼo fwon lé ejebe be ó, obɨɔ bam e l'okɛl bam ɨ.

Yʉanes 17:19

Me etimle go tiʼ yam yiyɛh ó, bé nkʉʼ be mɨsaŋ mɨ bʉr bo, é l'ocyecye tʉŋlʉ.

Mataos 7:6

«Adwe ga ompye sa ndɨ ti ɨ. Bé amu dwibra le elʉ bɨn. Adwe ga onkʉ mɨndwe ndɨ é buo dime e. Bé amu tíile mye.»

Ebrœ̂ 13:20

Neme Zyɛm Sɔŋ ndɨ egba motala paʼra ga wina, nye ó b'a pɛ̀h Tî ga wina ndwe e Kobla bɨntœme nɨnɨ, Yesʉs é foo, pɛ̀ha foo we lé elɛʼle ó, nyi mɛʼle motié nye a sʉ é l'efu ó, Sɔŋ we nkʉʼ de mpʉn njʉmdia e bɨna ga ɛ.

Yʉanes 10:36

A, ebe yé bɨn lé elɛɛ ó, me epyeh nye e? Zê yé ó, ebe, me si gwih bɨn ó, me ó Mwan we ɛ? Me ó kʉ be waa Zyɛm Sɔŋ a pɛh, ntɨh kaʼ é si nwaʼ ɛ.

Ebrœ̂ 9:20

Nye a lɛɛ e be ó: «Maʼ, mé ó motié lé eboʼlo mpʉn Zyɛm mu lé ede e bɨna ga ɛ. Zyɛm, nye elɛɛ bɨna ga ó, bɨna duʼo ga motie ndɨ mɨtila é lɔb mpʉn waa ɛ.»

1 Korɛnt 15:25

ebe, yé a kʉ jala ó, Krɨst diʼe é dia njwɨɨ, to pyal é jɔʼ nye óbe si ntaa bʉr o dɔm be bɨbɛh é nkul dɔm, gba be é mobò me si ɨ.

Rôm 16:20

Zyɛm, waa lé edwe bʉr motala ɛ, nye ó ndɨ waa mu kunokuno le etíile Satan si e mokʉ mɨn ɨ. Mocyɛʼ mo mpom mo Tî ga wina Yesʉs, mé swɨŋɨ é bɨn.

Mataos 26:28

ebe, motié mam ó ma, motié mu lé eswɨɨ é l'efu ó, Zyɛm deʼ mpʉn e bʉr é buobuo, ó nye pɛʼɛ be bɨbaa bɨ ebebe byɔɔ.

1 Korɛnt 15:27

ebe, yé ó tila ó: «Zyɛm a si gba bɨsa bibyɛh é jwɨɨ ye. Byé óbe ó é mobò me si.» Ebe no, yé elɛʼle é sʉlʉlʉ ó, Zyɛm nyɛɛ, mʉr lé egba sa yiyɛh é jwɨ̀ʼa mo Krɨst yaa ɛ, nye abe tɨʼ é jwɨ̀ʼa yaa tʉŋlʉ.

Markus 7:2

No ó bé a ze bee bʉʉ ompʉn be lé ede e mobo oFarizyɛŋ bɛɛ lɛɛ ó, mé ó maa ndɨ «e mobomo» e. No, yé ó, bé a baajwɨ̀ɨ me mpʉ mɨnjwɨr mɨ buʼo oYʉden lé elɛɛ ɛ.

1 Korɛnt 6:11

No nteme ó, bʉʉ bʉr o mbɛr Zyɛm win, bé a be-be e! Sa gwar, bɨn bé a si sohlɔ, pubɔ. Bɨn bɨ bi mokebe é mih mo Zyɛm lé ejyɛʼ taa buʼo yin boo Da Yesʉs-Krɨst, cwɨɨ é zi Mbɨambɨa Sisim.

Éfɛsɔs 5:26

Nye a sa no ó, wé nkʉʼ di waa mo Zyɛm, nye osi pubo we e modibe ndwe e lɔɔ we.

Ebrœ̂ 4:14

Bɨna ga mu ó e njwɨɨ opara ndɨ lʉ sa yiyɛh ɛ: Yesʉs, Mwan mo Zyɛm. É mpʉ yé ndɨ no e, bɨna toʼ ga dolo lé emɛʼle buʼo ga yina. Nye a be ó si ntaa jobo e l'ejyoo le ebantɛn, lé ebula to di é jobo kʉ.

Ebrœ̂ 10:10

Bɨna mu ó si pubɔ jɔʼ gwar é bɨjɔʼ bibyɛh ebe gwɨma yaa, ndwe e kɛha Yesʉs-Krɨst a ze kɛha nyʉl we tɔɔ motwina ɛ.

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.