Ebrœ̂ 10:27 - Kálara Zyɛ̌m Edwán é mpʉ̌n

²⁷ Mʉr lé entaa motie no e, yé eka liʼ nye ó, njɨ ejoʼo bʉa, le ebono ebee mbi mobe Zyɛm ódwe nye e. Nye óto é Bɨ-siʼe ndɨ é diʼa diʼa, yé ódiʼ bʉr o dɔm mo Zyɛm ɨ.

Kálar Nzyɛ̌m : Ejwán é Sáá

²⁷ Mʉr dí egbah métié nó nyá, yé jaá kǎ lîʼ nyé ó, njɨ ejóʼo bʉ́á le ebóno ébeě mbi mébě Nzyɛ̌m ódwe nyé wɨ́. Nyé otô ɨ́ bɨ́ siʼe dí ɨ́ díʼa díʼa, yaá ngá dîʼ bʉ̂r o dí egbɔba e Nzyɛ̌m bá yɨ́.

Ebrœ̂ 10:27 ပူးပေါင်းရင်းမြစ်များ

Ebrœ̂ 2:3

Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

Mɨngwiha 20:15

Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.

Ebrœ̂ 12:25

Ebe no, gʉa di ga ncye, ó bɨn beʼ l'abene mʉr mu lé ebal bɨn ɨ. Molu pihe, bé a si bene lé ejoʼo mʉr a ze é si nwaʼ ɛ. Nye a ze ó, nye bal ó be, bɛɛ l'akpɛl joʼo. É jɔʼ yé a ka be ó, ebebe laa pyala be e, yé a baabana ó, bé syɛhla le. No ó, mʉr a ka ze lwib e bɨna ga bɛɛ ɛ, nye ó ndɨ mʉr a duho é jobo kʉ ɨ. ǃBɨna si bene ga ejoʼo lɔɔ we nɛʼɛ, zê bɨna bé ósyɛhle ga bɨntɨʼa bɨ tɨ, laa be ɛ?

Ebrœ̂ 9:27

Sa Zyɛm a komo é l'efu e bʉr ɨ, yé ó efie. Mʉr, nye edwè njɨ é jɔʼ gwar, ntɔʼ to tiʼɔ mɨlɔb é mih mo Zyɛm.

Mataos 13:50

ntɔʼ guho bɨbɨbla bɨ bʉr é duro e molul. Gʉʼ ó bé ódɨ time le elwaare moje e.»

Mataos 8:29

Bé ntɔʼ lɛɛ okʉkʉ ó: «Mwan mo Zyɛm, go esaa yé e bɨh wâ? Zê go lé eze kab bɨh bɨntɨʼa é jɔʼ etiʼ e mɨlɔb l'apa pyal ɨ?»

Jacques 5:3

Gol ndwe e mɔn yin, yi bil myeŋle. Myeŋle maa, me mʉr tɨ, mé óboʼlo mobebe mɨn. Mé nteme, mé ódiʼ bɨn kono mpʉ siʼe, diʼ-diʼ diʼɨ, ebe, bɨn bɨ komo okum win é komo, komo, dam ka be ó é jɔʼ yi, é dobo le etiʼ e mɨlɔb.

Ebrœ̂ 12:29

ebe, Zyɛm Sɔŋ ga wina, nye ó mpʉ siʼe ndɨ é diʼa-diʼa ɛ.

Mataos 25:41

«Pie tɨ, nye ólɛɛ e baa ndɨ nye é mbo emyɛl ó: “Pʉʼa ga gumo me ndɨ ɨ, bʉr o Zyɛm a bɛa káale e. Toʼ ga é siʼe lé eduo njʉmdia e njʉmdia ɛ, siʼe Zyɛm a bɛa tira é l'efu mo Njwɨɨ moleme bé e beengles be e,

Mataos 13:42

Nye òguho be é duro e molul, gumo bé ódɨ time le elwaare moje e.

Mataos 3:12

Nye e pyɛba é mobo. Nye ólwal mpumo, ntɔʼ pyɛb. Pie tɨ, nye ógwamle duò epyɛb yaa, ntɔʼ komo mɨpyɛba é bɨtaa. No ó, mpʉn nyɛɛ, nye ósyɛŋ nye é syɛŋ syɛŋ, ntɔʼ sʉ é siʼe ndɨ adime-dime e.»

Mataos 3:10

Zwɨɨ, nye mu ó é car lé etwɛ̀l lɨ nko evuʼ. Nye ótwɛ̀l lɨ yiyɛh ndɨ agumo mɨmpaŋ mɨ mpumo e, guho ye é l'ebeʼe e siʼe.»

Lʉkas 23:30

Bʉr, bé ólɛɛ e mocwɨʼ monɨnɨ ó: “Duma ga bɨh é monyʉl ɔɔ!” Bé ólɛɛ e mocwɨʼ motwaʼa ó: “Folɨ ga bɨh ɔɔ!”

Lʉkas 21:26

Bʉa óbul mɛr bʉr é mɨleme, bé ntɔʼ puro mpal lé etoŋlo sa yé óbe, yé mu lé eze syɛɛ é si nwaʼ ɛ, ebe, bɨsa bɨ nkul bɨnɨnɨ ndɨ é jobo kʉ ɨ, byé ólwɨʼlɨ.

Lʉkas 19:27

No ó bʉr o dɔm bam, bé a bene ó, me l'aka cyɛb njwɨɨ é paʼ wɔɔ ɛ, ntaʼ ga me e ba wâ. Bɨn jʉʼo be é mih mam!”»

Lʉkas 16:24

Nye ntɔʼ lwib e nye lé eyɨm twii ó: “Da Abraham ɔɔ! Jwɨʼɨ me nkoo ɔɔ! Lomla me Lazar, nye duba odumo o dine ye é modibe, nye ntaʼ, ze dwe jɨm yam motala ɔɔ! Ebe, me é bul sia e siʼe é mɨnjʉl miʼ ɔɔ!”

Yʉanes 5:29

bé ntɔʼ pàh é mofoo e. Baa b'a sa embɨa ɛ, bé ópàh, ntɔʼ bi tiʼ molu mo mpoʼ mɨmɛh. Bʉr o b'a sa ebebe e, bɛɛ, bé ópàh nteme, ntɔʼ tiʼɔ mɨlɔb le edweŋɔ mobe.