Ebrœ̂ 10:26 - Kálara Zyɛ̌m Edwán é mpʉ̌n

²⁶ Yé be ó, bɨna bɨ gʉa ocyecye é kpɛhla, bɨna ntɔʼ kʉ gbaa ga ó, bɨna sa ga ó syem nɛʼɛ, lɛɛ ó, yé abe e motwina mé óbɛm pubo bɨna ga é nko paʼ mɨsyem myaa.

Kálar Nzyɛ̌m : Ejwán é Sáá

²⁶ Yé bé mɨná bɨ́ gʉ́a gá otyeetye ɨ́ pébébé, mɨná ntɔ̂ʼ kʉ́ gbáa gá ó, mɨná tó gá ó dóló le esâ syóm nó, lɛ́ɛ́, yé abe e mindwéá myé óbɛ̌m pubo mɨ́ná gá e misyóm myaá.

Ebrœ̂ 10:26 ပူးပေါင်းရင်းမြစ်များ

Yʉanes 9:41

Yesʉs, nye e be ó: «Nkʉ bɨn bé a be ó be, be ontim nɛʼɛ, mpa bɨn bé ó, abe e syem. No ó, mpʉ bɨn lé elɛɛ ó, bɨn bé ebee e, ebe no ó bɨn ndɨ bʉr o mɨsyem ɨ.»

Lʉkas 12:47

«Syɛl mosa mu si bɛa gʉa bɨgwɨma bɨ sɔŋ we, nyɛɛ yɛɛ l'akʉmsa, nkʉ loŋlo bɨgwɨma byaa ɛ, nye ófuurɔ mɨmbihe é buobuo.

Jacques 4:17

Ebe no, mʉr waa lé egʉa mpaŋ syɛɛla nye lé ejala le esa ɛ, ntɔʼ bula di, asa ye e, nyi sa syem.

1 Yʉanes 5:16

Yé be ó, mʉr, nyi bee mɨɔ we lé esa syem, gʉa nteme ó, mbi syem waa, wé abe lé esa ó, mʉr dwèʼ amboʼlonkono nɛʼɛ, nye jwɨʼla e Zyɛm é l'efu le. Zyɛm ókʉ tiʼ mɨɔ we waa. Yé e nyɔm ó, é nko paʼ mo mɨɔ ndɨ si sa mbi syem ndɨ abe lé esa ó, bʉr dwèʼ amboʼlonkono e. Sa gwar, guu mbi syem, wé yɛɛ ó tɨ, waa lé eto e mʉr é l'efie cyecye e. Me alɛɛ ó, bɨn jwɨʼla e Zyɛm é l'efu e mbi mʉr lé esa syem é mbi waa ɛ.

2 Tesalonika 2:10

Nye óbɨlan e bɨsyɛɛla bɨ ozyɛhozyɛh bibyɛh é l'efu ó, nye gomla bʉr é bebebebe zi ɨ. Bé ó bʉr o b'a bɛa gʉmla é bebebebe zi waa ɛ. Bé a si bene lé ebuʼla ocyecye. Nkʉ bé a be ó be, kpɛl we nɛʼɛ, mpa wi sa ó, bé biʼe tiʼ molu mo mpoʼ mɨmɛh.

Yʉanes 13:17

Banana, bɨn mu ó si gʉa bɨsa byaa. ǃBɨn si ka sa bye nɛʼɛ, gʉŋa ga ó, bɨn bé óbe ó mbɨmbɨa.

1 Timotɛ 1:13

mɛm yɛɛ mʉr a pyeh-pyeh Zyɛm é molu pihe e, le etíile bʉr be, ndwe le ebul pyeh bʉr. Dam be ó, me a si kʉ sa no, Zyɛm a si bana jwɨʼ me nkoo, nyɛɛ lé egʉa ó, bɨsyɛɛla me a sa-sa ɛ, byé a kʉ duho-duho ó, é l'egʉʼla lam, ndwe e l'abuʼla wam.

1 Timotɛ 2:4

Nye ekpɛl ó, bʉr bɨbɛh biʼe tiʼ molu mo mpoʼ mɨmɛh, le egʉa mɨlɔb ndɨ cyecye e.