Ebrœ̂ 10:24 - Kálara Zyɛ̌m Edwán é mpʉ̌n

²⁴ Mʉr nyiwɛh cwɨa e l'obɨɔ ga bɨna. Yé ó ngo sa ó, mɨɔ nyiwɛh toʼ dolo lé ekpɛl bʉr ofih, le esa be mɨmpaŋ bɨsyɛɛla.

Kálar Nzyɛ̌m : Ejwán é Sáá

²⁴ Mʉr nyɨnyɛ̂h, nye kpɛ́lɨɨ mɨ́ɔɔ́, lɨ́ esâ nyé mpam. Yé ó ngá sâ ó, mɨ́ɔɔ́ waá tôʼ le ekpɛl bʉ̂r oswîh, le ekɛm bê.

Ebrœ̂ 10:24 ပူးပေါင်းရင်းမြစ်များ

1 Tesalonika 5:11

No ó, gbaʼ bʉr nkul é monyʉl é zi motɨɨ monɨ. Dɨʼe gba ga nkul é nyʉl mo mɨɔ nyiwɛh paʼra win, ó nye biʼe nkul waa, mpʉ bɨn lé ebɛa sa-sa ɛ.

1 Yʉanes 3:18

Bwan bam aa! Yé ajala ó, kpɛl ga yina, yé nyinɨ njɨ é mokan mo nʉm bɨna lé elɛɛ ga ɛ. Yé ekʉ jala le ebul nyin ó, é bɨsyɛɛla bɨna lé esa ga é l'ocyecye e.

Ebrœ̂ 13:1

Kpɛl obuʼla, yé toʼ dolo lé egwɨe.

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

Kolosi 3:16

Mɛʼla ga ó, lwib mo Krɨst, yé loŋla mɨleme min. Dɨʼe dweela ga sikʉlʉ paʼra win, yaa ndɨ e l'ocyoo e. Dɨʼe dweela ga motɨɨ paʼra win. Jɛŋɨ ga Zyɛm oSam, e bɨjɛɛ bɨ Mbɛr-Zyɛm ndwe e bɨjɛɛ bɨfih Mbɨambɨa Sisim ódɨ lɛʼle bɨn ɨ. Bɨjɛɛ byaa, byé óduho bɨn é mɨmo si, lé edwe Zyɛm ekiba.

Títos 3:8

Lɔɔ nɨ, wé ó lɔɔ ebuʼla. Me ekpɛl ó, go boʼla e bʉr ó, wé ó tɨʼ cyecye. Yé ó ngo sa ó, bʉr o b'a jyɛʼ taa buʼo yɔɔ boo Zyɛm ɨ, bé dɨʼe sa mɨmpaŋ bɨsyɛɛla ɛ. Bɨsyɛɛla byaa, byé e nyɔm é nko paʼ bʉr bɨbɛh.

1 Timotɛ 6:18

Lɛŋɨ be ó, bé saʼ embɨa. Okum wɔɔ, wé diʼe é nko paʼ mɨmpaŋ bɨsyɛɛla bé lé esa ɛ. Mɨleme, myé diʼe be é ntɨɨɨŋ ó, bé cwɨa e bʉr, lé eto gul be é zi mobi mɔɔ.

Ebrœ̂ 13:3

Toŋla ga mɨmbʉʼ: diʼe ga mpʉ sa lɛɛ ó, bɨn e boo nɔɔ bɨbɛh, bé ó mɨmbʉʼ e mɨmbʉʼ. Toŋla ga baa lé ebɔma e mɨtuu ɨ, ebe, bɨn bé egʉa mpʉ bɨntɨʼa ndɨ ekpaa é nyʉl ɨ.

Galásia 6:1

Obɨɔ ga bam aa! ǃBɨn si bee ó, mʉr fih mʉr kɛ̀l, nyi sa syem nɛʼɛ, bɨn bʉr o ndɨ e Mbɨambɨa Sisim é mɨleme lwɨŋla ɛ, gulɨ ga nye ó, nye duha é mpila mɨsyem waa. Nʉŋa ga nye é motala. Mʉr nyiwɛh é l'esama lɨn, nye dwɛʼa nteme mpʉ nye mʉr tɨʼ ndɨ ɨ, ebe, nye nteme amu duma é mobʉbla.

1 Korɛnt 10:33

Saʼ ga mpʉ me. Me egba nyʉl ó, bʉr bɨbɛh, bé kpɛlɨ me é sa yiyɛh me lé esa ɛ. Me asaa nyɔm wam, njɨ waa buobuo bʉr, ó bé biʼe tiʼ molu mo mpoʼ mɨmɛh.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

2 Korɛnt 8:8

Sa me mu ó lé elɛɛ bɨn yi, bɨn bé abe é nkara ó, bɨn saʼ ye. Me ekpɛl ó, me lɛʼla mpʉ kpɛl yin ndɨ eduho bɨn é mɨmo si ɨ. Me ejwɨʼ ye ó, e yaa bʉʉ bʉr o b'a be e mɨleme é ntɨɨɨŋ ó, bé dweʼ Zyɛm mɨndwɛa myɔɔ ɛ.

Mɨlʉmlʉ 11:29

Ompʉn, bé bʉr o tɨ, bé a nʉa tiʼa ó, bé ótoŋlo obuʼla bé a di é Yʉda ɛ, mʉr nyiwɛh é sama yɔɔ lé egul be lé edu bim nye a be e ye e.

2 Tesalonika 3:9

Dam be no, bɨh bé ó e nkul mojwɨ̀ʼa ndɨ ó, bɨh biʼe bɨsa bin, de. Byé ó dɔɔ. Sa gwar, bɨh bé a be ó lé ekpɛl lɛʼle bɨn mpaŋ ebò e cyen, laa bɨn bé a jala le ekœʼ œ.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

2 Korɛnt 9:2

ebe, me ebɛa gʉa ó, mɨleme, myé ó bɨn é ntɨɨɨŋ ó, bɨn gulɨ be. Me edoʼo e bɨn é mih mo bʉr o Masedwan, lé elɛɛ be ó: «Bʉr o mbɛr Zyɛm ndɨ ɨ Akayi ɨ, bé a bɛa taare mɔɔ mozyɛŋ ó, é mbu pihe!» É jɔʼ me lé elwib e be no e, buobuo bʉr, bé esa zyee lé egul be nteme.

Rôm 12:15

Soha ga, bɨn e bʉr o lé esoho e. Jɨʼe ga modwe, bɨn e baa lé ejɨ ɨ.

Títos 2:4

No ó bé ólɛʼle mosehe mo bʉba mpʉ mé kpɛlɨ ojʉm bɔɔ, ndwe e bwan bɔɔ ɛ.

1 Korɛnt 9:22

É jɔʼ me ndɨ esyɛŋa zi e bʉr l'apa nʉa pim é buʼo e, me enwɨɨla ó, mpʉ bʉr l'apa nʉa pim é buʼo e. Me esa no ó, me nkʉʼ dulo be. Me esaa enwɨɨla e mɨmbi mɨ bʉr mimyɛh é l'efu le etiʼ bʉʉ bʉr.

1 Tesalonika 1:3

É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

Rôm 11:4

No ó, Zyɛm nyɛɛ a ka bɨha e nye nyá ɛ? Nye a lɛɛ e nye ó: «Hɨʼɨ, go abe go ome. Mɨ baʼle bʉr otɔɔyin tambɛl. Abe e lʉʉ dobo bé a kur moboo mɔɔ si, jwɨʼla e Baal.»

Ebrœ̂ 3:13

É jɔʼ bɨn dina muh sama ɛ, yé é mbɨa ó, bɨn dɨʼe gba nkul é nyʉl mo mɨɔ nyiwɛh paʼra win, moho wiwɛh. Ebe no ó bɨn bé óbe, aka du bɨkʉʉŋʉ lé etine bɨn ó, bɨn saʼ syem ɨ, bɨkʉʉŋʉ byaa nkʉʼ be nteme alɨl bɨn mɨlʉ.