Ebrœ̂ 10:23 - Kálara Zyɛ̌m Edwán é mpʉ̌n

²³ Bɨna mɛʼla ga sa lé eloŋlo mɨleme ga mina e mbɛla ɛ, abe e l'ocabcab. Mʉr a liʼe bɨna ga e monkɛʼ ɛ, nye nteme, nye ó mʉr ebuʼla.

Kálar Nzyɛ̌m : Ejwán é Sáá

²³ Mɨná bôʼlaa gá sá mɨ́ná dí ekam gá yɨ́. Milɔ̌b myaá ó dí egbâ mɨ́ná gá mpûʼla ɨ́ miléme. Mʉ̌r sá apɨ́ŋla, ebě, mʉr á dwe mɨná gá menkɛ̌ʼ ɨ́ buo buo nyá, nye ó mʉr ebúʼlɔɔ.

Ebrœ̂ 10:23 ပူးပေါင်းရင်းမြစ်များ

1 Tesalonika 5:24

Mʉr lé ejebe bɨn ɨ, nye ó mʉr ebuʼla. Nye ó ngo sea syɛɛ yaa, sil.

1 Korɛnt 1:9

Zyɛm, nye ó mʉr ebuʼla. Nye ó b'a jebe bɨn ó, bɨn diʼe é zyɛŋa win boo Mwan we, Tî ga wina Yesʉs-Krɨst.

2 Tesalonika 3:3

Sa gwar, Da Yesʉs, nye ó mʉr ebuʼla. Nye ódwe bɨn nkul, le ekamle e bɨn é nko paʼ mo Bɨbla-mʉr.

Ebrœ̂ 6:18

Yé e bɨsa bɨba ndɨ abe e nkul esiilɔ ɛ: monkɛʼ mo Zyɛm, ndwe e mɨnkɛla nye a de e. Zyɛm nteme, nye abe e nkul esa mpʉl tɨ. No ó, bɨna ga bé ó bʉr o mu si fim mɨkam é l'efu ó, bɨna biʼe ga sa nye a kɛʼ, yaa ndɨ esa ó, mɨleme ga mina loŋla e mbɛla ɛ. Nye a liʼe bɨna ga e monkɛʼ maa ó, bɨna nʉŋa ga pim é buʼo.

Títos 1:2

É mbi waa ó bé ódi e mbɛla ó, bé óbi tiʼ molu mo mpoʼ mɨmɛh, yaa yé a bɛa kɛʼɔ be, kʉ e si l'apa cyeŋɔ ɛ. Zyɛm ó b'a kɛʼ be tiʼ yaa, nyɛɛ waa ndɨ abe lé elɛɛ mpʉl ɨ.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

1 Korɛnt 10:13

Mobʉbla bɨn bé a ntaa ɛ, mé epyal bɨn e bʉr bɨbɛh no. To kœb ó, Zyɛm, nye ó mʉr ebuʼla. Nye aŋa bir ó, bɨn boblɔ e mbi mobʉbla wé óntaa bɨn é nkul ɨ. É jɔʼ mobʉbla, mé ópyal-pyal bɨn ɨ, nye ókar bɨn zi fih. Bɨn bé òjyɛl tɨ, bɨn nteme l'aka sa bɨsyɛɛla bɨ ebebe bɨn bé a ngbaa sa ɛ.

Mɨngwiha 3:11

Me mu ó kunokuno le eze. Mɛrɨ ga sa bɨn ndɨ e ye e, é kpɨɨɨ, ebe, nuu mʉr amu jaa kpah mopʉʼlʉ bɨn lé ejala le ebwar ɨ.”

Jacques 1:6

Sa gwar, nye ejala le esa Zyɛm mɨnjwɨʼla e mbɛla é leme, lé ekʉ jyɛʼ taa buʼo ye boo nye, asoŋlo, ebe, mʉr lé esoŋlo Zyɛm é jɔʼ nye lé esa nye mɨnjwɨʼla ɛ, nye enwɨɨla ó e l'oboʼo o maŋ. Bé ó pubo lé etine, cen gumo yiyɛh ɛ.

Ebrœ̂ 11:11

É zi buʼo, nye a si bya mwan, nye osi laa jɔʼ nye a be ó, nye diʼe sɔŋ ɨ, ebe, nye a buʼla ó, waa a kɛʼ nye mwan ɨ, a be ó mʉr ebuʼla.

Ebrœ̂ 4:14

Bɨna ga mu ó e njwɨɨ opara ndɨ lʉ sa yiyɛh ɛ: Yesʉs, Mwan mo Zyɛm. É mpʉ yé ndɨ no e, bɨna toʼ ga dolo lé emɛʼle buʼo ga yina. Nye a be ó si ntaa jobo e l'ejyoo le ebantɛn, lé ebula to di é jobo kʉ.

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

2 Korɛnt 9:13

Syɛɛ bɨn lé esea ɛ, yé ó bwaʼbwaʼ dweʼle, sa lé elɛʼle bʉr ó, bɨn bé ó obuʼla ɛ. Taare é jɔʼ bɨn bé a mɛʼle Mbɨambɨa Lɔɔ mo Krɨst ɨ, ze pyal é muh é dobo lɨ, bɨn bɨ fil monyʉl si, lé esa Zyɛm mojoʼo. Ebe no ó bʉr, bé ódwe Zyɛm kum ɨ, é jɔʼ bé óbee mpʉ bɨn lé egul be e mobi mɨn, kumo e bʉr bɨbɛh ɛ.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.