Ebrœ̂ 10:21 - Kálara Zyɛ̌m Edwán é mpʉ̌n

²¹ Mpʉ bɨna ga mu e njwɨɨ opara ndɨ lʉ sa yiyɛh, waa ndɨ é mpaŋ Odia mo Zyɛm ɨ,

Kálar Nzyɛ̌m : Ejwán é Sáá

²¹ Mpʉ mɨ́ná gá mû e njwɨ́ɨ oparǎ nɨ́nɨ́ɨ́ dí lʉ̂ sá yɨ́yɛ̂h ɨ́ mpáh Nzyɛ̌m nyá yɨ́,

Ebrœ̂ 10:21 ပူးပေါင်းရင်းမြစ်များ

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

Ebrœ̂ 8:1

Lʉ ekan é bɨsa bɨh lé elɛɛ bɨn ɨ, wé ó wi: bɨna ga bé ó e mbi njwɨɨ opara waa, ndɨ e nkul eloŋlo syɛɛ yaa yiyɛh ɛ. Nye ó ndindil é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Ebrœ̂ 6:20

É tiʼe yaa ó Yesʉs a ni ɨ. Nye a si ni efoʼ e bɨna ga, ze to é mih mo Zyɛm é l'efu ga lɨna. Nye mu bɨna ga ó Njwɨɨ opara é l'esama le opara mo Mɛlkisedɛk. Nye ódi nteme ó no njʉmdia e njʉmdia.

Ebrœ̂ 7:26

Nye ó mbi njwɨɨ opara wé a kʉ jala e bɨna ga ɛ. Nye ó mʉr ndɨ ti, waa ndɨ akunbo e mpɨŋ ɨ. Sa ndɨ elœʼ mʉr é mih mo Zyɛm ɨ, yé akunbo e nye. Bé e l'osyɛl o mɨsyem, bé ó e bwaʼbwaʼ mbɛʼ. Nye nteme, nye ó mbɨna kʉ, laa jobo e l'ejyoo le ebantɛn.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Mataos 16:18

Me elɛɛ go ó: die lo, lé ó, ekoʼ: Pyɛr. No ó, é l'ekoʼ enɨ kʉ ó me óbòno Mbɛr-Zyɛm wam ɨ. Ebe no ó mɨlɨl-nkul ndɨ é kwar odwè e, myé óbe, akoʼo lé entaa we e.