Ebrœ̂ 10:19 - Kálara Zyɛ̌m Edwán é mpʉ̌n

¹⁹ Ebe no, obɨɔ ga bam aa! Eswɨɨ e motié mo Yesʉs, lɨ sa ó, mɨleme ga mina diʼe mɨlwɨŋla e mbɛla. Bɨna toʼ ga ó, to pyal é l'Odia mo Zyɛm ndɨ e l'ekɛn ɨ, tʉŋlʉ.

Kálar Nzyɛ̌m : Ejwán é Sáá

¹⁹ Bɨ́ɔɔ́ bɨ́h le okɛ́l bɨ́h! Mɨná mû ó sí nʉa gá pîm ɨ́ búʼó lɨ́ eswɨɨ e métié mé Yésʉs mé á swɨɨ sí lɨ́. Nó, mɨná sîhlaa gá, tó pyâl ɨ́ ntɔ́ɔ dí ɨ́ buú buǒ tí nyɨ́.

Ebrœ̂ 10:19 ပူးပေါင်းရင်းမြစ်များ

Éfɛsɔs 2:18

Bɨkul bɨba ga bina dihla kunokuno e Zyɛm Sɔŋ, lé ecwɨɨ é zi Mbɨambɨa Sisim ngwar. Bɨna bé esa ga no ó, dumo e Krɨst.

Ebrœ̂ 9:12

É jɔʼ Yesʉs a ni é gumo yé a be e l'ekɛn ɨ, nye a baanʉa fua motié bɨkɨla, nkʉ maa mo bwa bɨntɛɛ. Motié nye a nʉa, ze ni e me e, mé a be ó maa me nye mʉr tɨ! Nye ze to ni tɨʼ é jɔʼ gwar é bɨjɔʼ bibyɛh, ó nye nkʉʼ dwih bɨna ga é mpila ebebe lɨna é pololo.

Ebrœ̂ 4:16

Ebe no, bɨna dihla ga kunokuno e dia taʼa ye, abaawe sɔʼɔ e Zyɛm. Mɨleme ga mina, myé diʼe mɨlwɨŋla e mbɛla ó, bɨna bé óbi ga njwɨʼa-nkoo ndwe e ncwɨncwɨa. ǃBɨna si to ga é dia taʼa ye no nɛʼɛ, bɨna bé óbi ga ncwɨncwɨa é jɔʼ yé óbul jɨŋɔ ɛ.

Éfɛsɔs 3:12

É zyɛŋa ga wina boo Krɨst, bɨna mu ó lé ecyɛb ga Zyɛm é mih, abe e bʉa, é zi ejyɛʼ taa buʼo ga yina boo nye. Bɨna ga mu ó e cɨcyel zi lé eto cyɛb é mih me e.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Ebrœ̂ 12:28

Ebe no, bɨna dweʼ ga Zyɛm ekiba, ebe, nyi niŋle bɨna ga é jwɨ̀ʼa ye. Yé abe e nkul epɨŋla. Bɨna dwiibɨ ga nye le ebil ekɛn é mih me, ndwɛa kum ga wina waa nkʉʼ jala e nye,

1 Yʉanes 4:17

ǃBɨna si be ga é zyɛŋa ga wina boo Zyɛm nɛʼɛ, kpɛl ga yina, yé ókumo é l'ombɨmbɨa é mɨpaʼ mimyɛh. Bɨna bé ótʉm ga monyʉl é dobo le etiʼ e mɨlɔb, ebe, ebò e cyen bɨna lé ekœʼ ga é mbi jɔʼ yiʼ ɨ, lé enwɨɨla ó e laa nye a kœʼ œ.

Rôm 8:15

Sisim Zyɛm a ntɨh bɨn ɨ, wé abe lé edil bɨn é dia olʉa é l'efu ó, bɨn bâʼla joʼo bʉa. Wé etœʼ bɨn si, ze cyel bɨn é dia bwan o mobœʼa mo Zyɛm. Wé ó ndɨ esa ó, bɨna jeba ga Zyɛm kʉ kʉ ó: «Abba! Da!»

2 Timotɛ 1:7

ebe, sisim Zyɛm a ntɨh bɨna bɛɛ ɛ, wé abe sisim bʉa. Wé ó sisim nkul, sisim kpɛl, sisim bihbe.

Ebrœ̂ 9:3

Yé ó e guu kan ndɨ ela ebe e. Wiha kan ebe, wé ó waa mba para a be lé ebɔma e we é jɔʼ nye a ni é Saʼ Nɨnɨ mo Zyɛm ɨ. É kan ebe waa pihe, yé a be ó e tiʼe yé a be die ó, Tiʼe ndɨ e l'ekɛn é buobuo e.

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

Ebrœ̂ 10:18

É jɔʼ bɨbaa bɨ ebebe bɨnɨ, byé mu si niʼɔ, é niʼɔ niʼɔ, ntɔʼ ka pɛʼɔ ɛ, mɨndwɛa lé epubo mʉr tɨʼ é nko paʼ mɨsyem ɨ, myé aka bâʼle be e nyɔm.

Ebrœ̂ 10:35

Ebe no, mʉr beʼ l'acyɛʼ nyʉl. É jɔʼ bɨn ndɨ etʉm monyʉl ɨ, yé óbe bɨn e myɛna monɨnɨ.