Ebrœ̂ 10:1 - Kálara Zyɛ̌m Edwán é mpʉ̌n

¹ Motie Zyɛm a ntɨh Moyiz ɨ, mé ó dweʼle, sa lé elɛʼle mpʉ bɨsa bɨ embɨa, byé ójala le ebe é jɔʼ byé ópyal ɨ. Motie maa, mé adila mɨkubo bɨsa byaa. Opara, bé ediʼ Zyɛm otir tɔɔ motwina mompwar ó, é mbu wiwɛh é l'efu e bʉr o ndɨ egwɨm dwiibɨ Zyɛm ɨ. Sa gwar, motwina mɔɔ, mé ákwoʼ sa ó, bé kuma é l'ombɨmbɨa é mɨpaʼ mimyɛh.

Kálar Nzyɛ̌m : Ejwán é Sáá

¹ Metié, mé ó sisîm dí elɛ̂ʼlě mpʉ bísá bí émbɨa, byé ójala le ebe ɨ́ jɔʼ byé ngá pyâl yɨ́ wɨ́. Metié maá, mé adila míkuó bísâ byaá. Opara, bé dwídwé míndwéá mimpwár ó, ɨ́ mbú wɨ́wɛ̂h lɨ́ esú é bʉ̂r o dí egwɨ̂m ó, bé díʼee mbɨ̂mbɨá bá. Sâ gwár, mindwéá myɔ́ɔ́, myé ákóʼó sâ ó, bʉr baá díʼee mbɨ̂mbɨá ɨ́ mipáʼ mímyɛ̂h.

Ebrœ̂ 10:1 ပူးပေါင်းရင်းမြစ်များ

Ebrœ̂ 8:5

Opara bɛɛ, bé esea-sea ó, é tiʼe ndɨ é l'efu le edwe Zyɛm kum ɨ. Tiʼe yaa, yé a saŋɔ ó, lé edu dweʼle Saʼ Nɨnɨ mo Zyɛm ndɨ é jobo kʉ ɨ. No ó, é jɔʼ Moyiz a be ó, nye fumo ó Saʼ Nɨnɨ mo Zyɛm ɨ, Zyɛm a lɛɛ e nye ó: «Gʉa komlo sa yiyɛh lé edu dweʼle saʼ go a lɛʼlɔ é l'ecwɨʼ kʉ ɨ.»

Ebrœ̂ 9:11

Krɨst, nye mu ó si nʉa dia njwɨɨ opara, ntɔʼ ze kab bɨna ga bɨsa bɨ embɨa bɨna lé ebono ga ɛ. Nye esea syɛɛ ye yaa ó, é Saʼ Nɨnɨ mo Zyɛm yé a be, afumɔ e mobo mo bʉr ɨ. No yé ó, yé abe lé egumo e si nwa. Yé elaa Saʼ Nɨnɨ mo Zyɛm yé a taare be e, é l'ompwaʼ ndwe e l'ombɨmbɨa é mɨpaʼ mimyɛh.

Kolosi 2:17

Mɨlɔb mɨnɨ mimyɛh, myé ekʉ lɛʼle ó, njɨ sa mpa lé eze e. No ó, ocyecye o tɨʼ wɛɛ, wé ó é Krɨst tʉŋlʉ.

Ebrœ̂ 9:23

Ebe no, yé a kʉ jala ó, bʉr puba bɨsa bɨ si nwaʼ e motié mo otir, ebe, byaa bɨ si nwaʼ, byé ó njɨ bɨdweʼle, bɨsa lé elɛʼle byaa bɨmpa ndɨ é jobo kʉ ɨ. No ó, yé a kʉ jala ó, bɨsa bɨ jobo kʉ, byé pubɔ é zi mpaŋ motwina. Mɨha motwina, mé ó ndɨ é bul buo dime, laa maa mo efoʼ.

Ebrœ̂ 9:25

Njwɨɨ opara, nye eni-ni é Tiʼe ndɨ e l'ekɛn é buobuo e, lé esa no mbu wiwɛh. Motié nye lé enʉa é jɔʼ yaa ɛ, mé abe maa me. Krɨst nyɛɛ a baani-ni é jobo zɔʼ e zɔʼ, lé eto dwe Zyɛm nyʉl we.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Ebrœ̂ 7:11

Dia para bʉr o b'eveh mo Levi, bé a di-di ɨ, yé ó b'a be etin e motie mé a cyelɔ bwa b'Ɨzraɛl ɨ. Nkʉ oLevit baa, bé a be ó be, be e nkul epubo bʉr é mɨpaʼ mimyɛh nɛʼɛ, mpa yé a baaka be e nyɔm ó, nuu para fih dila be, nyɛɛ nteme lé ecyelɔ para é l'esama le opara mo Mɛlkisedɛk. Nye a ngbaa be ó é l'esama le opara mo Arɔn.

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.