Ebrœ̂ 1:9 - Kálara Zyɛ̌m Edwán é mpʉ̌n

⁹ Go ekpɛl ó, mʉr ndɨ cɨcyel ɨ, nwim waa ndɨ ntɔɔ motie e. Ebe no, Zyɛm ɛ! Zyɛm Sɔŋ go a si lœm go mulo le eloŋlo leme go e bɨsʉhʉ, laa bʉr o nduo yo.»

Kálar Nzyɛ̌m : Ejwán é Sáá

⁹ Gǒ kpɛl ó, sá dí tîtyěl yɨ́, bene yaá dí onzyɛ́h ónzyɛ́h yɨ́. Sɨ́ǎ yaá ó dí ó, Nzyɛ̌m ɛ̌! Nzyɛ̌m gǒ á si lœm go múló mé jwɨ́ɨ, lɨ́ edwe gó nkul jwɨ́ɨ, le elóŋlǒ lémé gô e bisʉhʉʉ, laa bʉ̂r ó njoo yô.

Ebrœ̂ 1:9 ပူးပေါင်းရင်းမြစ်များ

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

Lʉkas 4:18

«Sisim mo Da, wé e me. Nye a lœm me mulo, ntɔʼ lomo me ó, me toʼ le elɛɛ Mbɨambɨa Lɔɔ we boo baanteʼenteʼe. Nye a lomo me ó, me toʼ le elɛɛ e mɨkomo ó, mi pɛʼɔ é l'okomo. Me lɛŋɨ nteme ontim ó, bé mu ó lé ebee. Me lɛŋɨ baa lé etíilɔ ɛ, ó bɨ pɛʼɔ é mpel.

1 Yʉanes 1:3

Sa bɨh bé a bee e mih mɨh, joʼo e mogwal mɨh ɨ, yé ó bɨh lé etuno bɨn nteme, é mbi ndɨ ó, bɨna nkʉʼ di ga é zyɛŋa-mɨleme. Zyɛŋa bɨna bé ósyɛŋa ga ɛ, nye óbe ó é zyɛŋa ga wina boo Zyɛm Sɔŋ bé e Mwan we Yesʉs-Krɨst.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

Ebrœ̂ 7:26

Nye ó mbi njwɨɨ opara wé a kʉ jala e bɨna ga ɛ. Nye ó mʉr ndɨ ti, waa ndɨ akunbo e mpɨŋ ɨ. Sa ndɨ elœʼ mʉr é mih mo Zyɛm ɨ, yé akunbo e nye. Bé e l'osyɛl o mɨsyem, bé ó e bwaʼbwaʼ mbɛʼ. Nye nteme, nye ó mbɨna kʉ, laa jobo e l'ejyoo le ebantɛn.

Filipi 2:9

Ebe no ó Zyɛm a bul bɨn nye kʉ ɨ, lé ebɨr nye nkʉŋ lé elaa mɨnkʉŋ mimyɛh é mpwaʼ ɛ.

Éfɛsɔs 1:3

Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Zyɛm, nyi sʉ bɨna ga mocyɛʼ mo mpom me é zyɛŋa ga wina boo Krɨst. Nyi mɛʼle nteme ó, bɨna sʉŋɔ ga mocyɛʼ mo mpom mo Mbɨambɨa Sisim mɨmɛh, lé eduho é jobo kʉ.

1 Korɛnt 1:9

Zyɛm, nye ó mʉr ebuʼla. Nye ó b'a jebe bɨn ó, bɨn diʼe é zyɛŋa win boo Mwan we, Tî ga wina Yesʉs-Krɨst.

Yʉanes 20:17

Yesʉs, nye e nye ó: «Daʼ nara e me, ebe, me dina ó apa to é jobo kʉ, boo Sɔŋ. Toʼ, to lɛɛ obɨɔ bam ó: “Me mu ó lé ebere, bula to nko Sɔŋ wam ndɨ ɨ. Nye nteme, nye ó sɔŋ win. Nye ó Zyɛm wam. Nye ó Zyɛm win nteme.”»

Yʉanes 1:41

No ó, mʉr efoʼ Andreas a taare to kœb ɨ, a be ó tʉl we Simɔn. Nye e nye ó: «Bɨh bɨ bee waa ndɨ Messie ɨ!» (No yé edwirɔ ó: «Lœma mulo mo Zyɛm».)

Mɨngwiha 2:15

Yé cyecye ó, bʉʉ bʉr o mbɛr Zyɛm win, bé esa mpʉ Nikola lé etɨe e.

2 Korɛnt 11:31

Zyɛm, waa ndɨ Sɔŋ mo Da Yesʉs ɨ, nye egʉa ó, me alɛɛ mpʉl. Nye e kum njʉmdia e njʉmdia.

Rôm 12:9

Kpɛl, yé duha bɨn é mɨmo si. Bena ga sa yiyɛh ndɨ é bebe e. Kpɛlɨ ga sɔʼɔ, njɨ yaa ndɨ é mbɨa ɛ.

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Mɨlʉmlʉ 4:27

Obuʼla ze ko tɨʼ ó: «Mpʉ yaa nteme ó yé a ka fuʼla ɛ! Ebe, yé cyecye ó, njwɨɨbʉr Erod Antɨpas bé e ngoman Pɔŋtos Pilat, bé a si syɛŋa é nkana yi, bé e bwa b'Ɨzraɛl, ndwe e bʉr o ndɨ abe oYʉden ɨ. Bɨbɛh, bé a si di bʉm, bònɔ pɨʼ ó, bé lwimla ó e syɛl mosa go Yesʉs, Mʉr ndɨ ti, waa go a lœm mulo e.

Yʉanes 3:34

Mʉr Zyɛm a lomo e, nye lé entɛŋ ó, mokan mo Zyɛm, ebe, Zyɛm ó lé elomlo nye Mbɨambɨa Sisim, ntinɨ e ntinɨ.

Ebrœ̂ 2:11

Yesʉs, mʉr lé epubo bʉr ɨ, bé e bʉr nye lé epubo e, bɨbɛh, bé mu ó bʉr o b'a duho é Sɔŋ ngwar ɨ. Ebe no ó Yesʉs ndɨ ajoʼo fwon lé ejebe be ó, obɨɔ bam e l'okɛl bam ɨ.

Yʉanes 10:17

«Me edwè, jala e bye. Ebe no ó Sɔŋ wam ndɨ ekpɛl me e. Me ótaare dwè; me òka nʉa tiʼ yam.

Mɨlʉmlʉ 4:26

Mɨnjwɨɨbʉr mɨ si nwa, myé a si cyɛb é cye dɔm. Otamabʉr o mɨlal mimyɛh, bɨ gwɨhla, le ebà jwɨʼ ó, bé lwimla ó e Da, lwimla nteme e Lœma mulo mo Zyɛm.”»

Ebrœ̂ 2:9

Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.