Ebrœ̂ 1:6 - Kálara Zyɛ̌m Edwán é mpʉ̌n

⁶ É jɔʼ Zyɛm a be ó, nye lomlo ó bʉr o si nwaʼ Mwan we ndɨ e nkʉŋ ndɨ é bul bwaʼ ɛ, nye a taare lɛɛ ó: «Beengles bɨbɛh, dwiibɨ ga nye.»

Kálar Nzyɛ̌m : Ejwán é Sáá

⁶ Jɔ̌ʼ Nzyɛ̌m á tyêl nye ɨ́ dǐ dí ɨ́ buú bwaʼ dúu yɨ́, nye á nze lɛ̂ʼle beéngeles bɨ́bɛ̂h nyǎ. Nye á lɛ́ɛ ó: Beéngeles bɨ́bɛ̂h ɛ̌! Bɨʼɨɨ gá nye mebóó sí lɨ́ edwe nyé kûm.

Ebrœ̂ 1:6 ပူးပေါင်းရင်းမြစ်များ

Kolosi 1:18

É Mbɛr-Zyɛm tʉŋlʉ, Krɨst ó ndɨ lʉ. Pàha odwè, wé eduho ó, boo nye. Nye ó mʉr efoʼ a pàh é foo e. É mpʉ nye ndɨ no e, nye ó ndɨ elaa sa yiyɛh é modile.

Kolosi 1:15

Yesʉs-Krɨst ó ndɨ gulo mo Zyɛm Sɔŋ, mʉr ndɨ abe lé ebeɔ ɛ. Zyɛm a si cyel Mwan we é nkʉŋ efoʼ ndɨ é bul bwaʼ ɛ. Nye ó é cye yaa, é mɨcyea bɨsa bibyɛh kʉ,

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

Rôm 8:29

Ebe, baa Zyɛm a bɛa gʉa ɛ, nye a bɛa tiile é leme ó, bé ódɨ kœʼ ebò e cyen mpʉ mo Mwan we. ǃBé si nʉa dweʼle tiʼ mo Mwan we nɛʼɛ, Mwan waa ófuʼla mwa modweʼe, e l'oncyom e l'okɛl é buobuo.

1 Yʉanes 4:9

Mpʉ Zyɛm a lɛʼle kpɛl ye é sama ga yina ó yi: nye a si ntɨh bɨna ga Etiʼe e Mwan le é si nwa, ó bɨna nkʉʼ bi tiʼ molu mo mpoʼ mɨmɛh dumo e nye.

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

Ebrœ̂ 10:5

Ebe no, é jɔʼ Krɨst a be, nye mu kunokuno le eni é si nwaʼ ɛ, nye a lɛɛ e Zyɛm ó: «Go agwɨm ó, bé dweʼ go motwina, nkʉ mɨndwɛa. Go a cye nyʉl wam ó, nye jɛna mobyaʼ mo bʉr.

Yʉanes 3:16

«Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.

Ebrœ̂ 1:5

Zyɛm, nye apa lɛɛ e engles ngwar ó: «Go ó me mwan. Mɛm, mɨ bya go muh.» Nye nteme, nye apa lɛɛ, tiibe e nuu engles ó: «Mɛm, me ó nye sɔŋ. Nye ó mwan wam.»

Mataos 24:14

Ebe no, Mbɨambɨa Lɔɔ lé etiibe e jwɨ̀ʼa mo Da ɛ, wé ólɛɔ gumo yiyɛh é si nwa, lé esa ó, bʉr o ndɨ abe oYʉden ɨ, bé joʼa bʉr lé eboʼlo lɔɔ waa. Pie tɨʼ ó esie e mbi jɔʼ yi, lé óka bɔma ɛ.»