Ebrœ̂ 1:14 - Kálara Zyɛ̌m Edwán é mpʉ̌n

¹⁴ Beengles bɛɛ, bé ozé? Bɨbɛh, bé ó mɨsisim lé esea e Zyɛm ɨ. Nye elomlo bɨna ga ba nteme ó, bé ntaʼ, ze fuʼo bʉr bé óbi tiʼ molu mo mpoʼ mɨmɛh ɛ.

Kálar Nzyɛ̌m : Ejwán é Sáá

¹⁴ Beéngeles bɨ́ɛ, bê onzé? Bɨ́bɛ̂h, bé ó misísǐm mi dí eséǎ Nzyɛ̌m syɛ́ɛ́ mí. Nyě lómló mɨ́ná gá bǎ ntémé ó, bé ntáa súʼo bʉ̂r o ngá bǐ twǐʼ njʉ̌m dǐ, jala e nkɔb líʼe nyɔ́ɔ́ bá.

Ebrœ̂ 1:14 ပူးပေါင်းရင်းမြစ်များ

Mataos 18:10

«Gʉa di ga ncye! Apyeh mwan ngwar é bwan ba, ebe, me elɛɛ bɨn ó nɛɛ: beengles bɔɔ ndɨ é jobo kʉ ɨ, bé ebee mpom mo Sɔŋ wam ndɨ é jobo kʉ ɨ, é sʉlʉlʉ jɔʼ yiyɛh. [

Mɨlʉmlʉ 27:23

ebe, muh e pum wi, nuu engles si ze gumo me be e. Nye duho ó, boo Zyɛm, waa me lé egumo e nye, waa me lé edwiibɨ ɨ.

Mɨlʉmlʉ 5:19

No ó, é pum waa, engles mo Da ze dib mobe mo mbɛr mɨmbʉʼ, ntɔʼ pyɛl mɨlʉmlʉ kʉl. Nye ó:

Mɨlʉmlʉ 12:7

Pyɛr dina é dwo, nye ka twɨra nɛʼɛ, engles mo Da, nyi pyal é kpɨm! Myɛn, wé ntɔʼ pan é mbɛr mɨmbʉʼ tʉŋlʉ. Engles ze ŋmɛh Pyɛr é l'empàh e nyʉl, jɨm nye é dwo. Nye e nye ó: «Kpahba mʉa si.» Mɨkʉkob, myé ntɔʼ pʉʼa nye é mobo, kur si!

Lʉkas 1:19

Engles ntɔʼ bɨha ó: «Mɛm Gabryɛl ó ndɨ ecyɛb é mih mo Zyɛm! Me eze ó é lʉmlʉ we, ó me ntaʼ, ze lwib e go, lé eze lɛɛ go mbɨambɨa lɔɔ wi.

Mataos 1:20

Nye dina e jwɨʼ yaa é lʉ, engles mo Da ntɔʼ ze pyal nye é lima. Engles waa ze lɛɛ e nye ó: «Yoseb, nta mo David, akpɛɛ lé enʉa mʉma go Maaria, ebe, nye nʉa ebum ó e nkul mo Mbɨambɨa Sisim.

Lʉkas 16:22

Nye ze dwè. Beengles ze nkɛɛ nye, to dilɔ nye é mbo ejʉm mo Abraham é jobo kʉ. Mbil bɨsa nteme dwè, ntɔʼ debe é foo,

Mɨlʉmlʉ 12:23

É jɔʼ gwar e gwar yaa, engles mo Da ntɔʼ ŋmɛh nye, ebe, nye a baadwe Zyɛm kum. No ó, mɨfom, myé a ze poʼlo nye e, nye ntɔʼ dwè.

Lʉkas 2:9

Nuu engles mo Da ntɔʼ pyal be motwɨra. Moncɛnba mo Da, mé ntɔʼ pan é gumo bé a be e. Bé ntɔʼ taare lé esaʼ é zɔm-zɔm é bʉa.

Lʉkas 2:13

Cye e cye yaa, esama e dɔm e beengles ze duho é jobo kʉ, ze kœb engles waa. Bé e boo nɔɔ bɨbɛh ntɔʼ dwiibɨ Zyɛm. Bé ó:

Mataos 2:13

Jɔʼ onkaa baa, bé a be, bé mu si fiʼ ɨ, nuu engles mo Da ntɔʼ pyal Yoseb é lima. Nye e nye ó: «Mʉŋa si, nʉŋa mwan bé e nyɔŋ. Bɨn bé à kpɛɛ, to Egipten. Go òdi gʉ, to pyal é jɔʼ me ólɛɛ e go ó, go bula ɛ, ebe, Erod mu ó lé esaa ó, nye jʉ ó mwan nwa.»

Títos 3:7

Nye a dwe bɨna tiʼ molu mo mpoʼ mɨmɛh ó, bɨna pʉʼa ga é nkar, sɔba é feerɨ ebe ncwɨncwɨa we. Bɨna ga mu ó baa nye a kɛʼ tiʼ molu mo mpoʼ mɨmɛh ɛ. Nkɛʼ waa ó lé esa ó, mɨleme ga mina, myé loŋla e mbɛla.

Mɨngwiha 5:6

No ó, me ze dwɛʼ, bee ó, mpa yé a be ó Ma Ntœme! Nye a si cyɛb paʼra dia taʼa e mɨkubla bɨsɔʼɔ mɨnâ, ndwe e l'otamabʉr baa. Ma ntœme waa a be ó e bɨpyɛb e bɨbam, bɨsa byé a lɛʼle ó, bé a si kʉ jʉ nye e! Nye a be ó e bɨntoo tambɛl é lʉ. Nye a be nteme ó e mih tambɛl. Mih me, mé ó Mbɨambɨa Sisim ndɨ ti ɨ, waa nye a lomo é si nwaʼ nyiwɛh ɛ.

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Yʉ̂d 1:14

Enɔk a be ó mwan mo nura mo Adam. Nye a si gwih mɨlɔb mo Zyɛm lé etiibe e bʉr baa ɛ. Nye a lɛɛ ó: «Paʼ joʼo ga: Da óze ó e mɨsaŋ beengles be mowʉm mo otɔɔyin,

1 Pyɛr 1:4

Nye a bya bɨna ga jɔʼ mba nteme ó, é l'efu le edwe bɨna ga tiʼ molu mo mpoʼ mɨmɛh mu koma é jobo kʉ ɨ. Sa ndɨ koma é l'efu lɨn ɨ, yé aŋa bo, nkʉ lœʼ mʉr é mih mo Zyɛm, nkʉ kuna.

Ebrœ̂ 6:17

Zyɛm a nʉa tiʼa ó, bʉr, bé ógʉa cyecye ó, nye aŋa jɨha mbɨambɨa nkɛʼ we. No yaa ó nye a de mɨnkɛla é jɔʼ nye a liʼe bʉr e monkɛʼ me e. Bʉr o ndɨ ejala le ebi bɨsa bibyɛh Zyɛm a kɛʼ be e, bé ògʉa cyecye ó, nye ókʉ dira monkɛʼ me.

2 Tesalonika 1:7

Yé nteme, yé óbe ó mpaŋ syɛɛla é jɔʼ nye ódwe bɨna ga bɨbɛh egbala pie bɨntɨʼa bin ɨ, ebe, bɨna bé ókʉ gbala ga é jɔʼ Da Yesʉs ónyin, duho é jobo kʉ ɨ. Bé e beengles be, baa ndɨ é lele monkul ɨ, bé ópyal é njʉl siʼe tʉŋlʉ.

Filipi 2:25

Mɨ ze bee ó, yé a kʉ jala ó, me buula bɨn mɨɔ ga wina Epafrɔdit. Bɨh e nɔɔ ó ndɨ é l'empomo e syɛɛ egwar. Nye ó mʉr bɨh e nɔɔ ndɨ elwimla dɔm ɨ. Nye nteme, nye ó mwa mɨlʉmlʉ win, ó nye ntaʼ, ze fuʼo me é zi bɨsa byé a sa me sɔɔlʉ ɨ.

2 Korɛnt 9:12

Ebe, é jɔʼ bɨn lé esea be syɛɛ yaa ɛ, yé abe njɨ é l'efu ó, bɨn gulɨ mɨsaŋ mɨ bʉr mo Zyɛm ndɨ é l'enteʼe e. Hɨʼɨ, yé ósa nteme ó, buobuo bʉr dweʼ Zyɛm ekiba.

Rôm 15:27

Bé bʉr o tɨ, bé a si joʼo bɨsʉhʉ lé esa no. Syɛɛla yaa, yé óbe nteme ó, mpʉ mpɔla bé a ka mɛʼle le ejɛna ɛ. OYʉden onɨ ó b'a taare gul bʉr o ndɨ abe oYʉden ɨ, é l'efu ó, bé sʉŋɔ mocyɛʼ mo mpom mo Zyɛm. No ó, banana, yé ejala ó, bʉr o ndɨ abe oYʉden baa ɛ, bé fuʼa be, lé edwe be bɨsa mu lé esa be sɔɔlʉ ɨ.

Rôm 15:16

Nye a be ó si sʉ me mocyɛʼ mo mpom, ó me diʼe syɛl mosa mo Yesʉs-Krɨst é l'efu e bʉr o ndɨ abe oYʉden ɨ. Me mu ó mpʉ para lé eliŋ bʉr baa mɨndwɛa Zyɛm lé ebee mbɨmbɨa é zi Mbɨambɨa Sisim ɨ. Syɛɛ para me lé esa nɨ, yé ó é zi esa tuno é lɔb Mbɨambɨa Lɔɔ ndɨ eduho boo Zyɛm ɨ.

Rôm 13:6

Ebe no nteme ó bɨn lé ejɛna tœa ɛ, ebe, Zyɛm a si cyel ojwɨɨ é bɨdia byɔɔ é l'efu ó, bé saʼ syɛɛ yaa é dwiii.

Mɨlʉmlʉ 13:2

É guu moho, é jɔʼ bé a dwiibɨ Da Yesʉs le eti mode e, Mbɨambɨa Sisim ze lɛɛ e be ó: «Cyelɨ ga me Barnabas bé e Sol, é syɛɛ me a jebe be ó, bé toʼ, to sea ɛ.»

Mɨlʉmlʉ 11:22

Bʉr o mbɛr Zyɛm wé a be Yerʉsalɛm ɨ, bé ze joʼo lɔɔ waa, bé ntɔʼ lomo Barnabas Antios.

Lʉkas 1:23

No ó nye a bâʼle ja gʉʼ mʉʉ molu, lé esil syɛɛ ediʼ ndwam Mpah Zyɛm. Nye ntɔʼ fiʼ, to kwar we.

Mataos 24:31

É jɔʼ yaa, nye ólomo beengles be e sebe ndɨ é laŋle bwaʼ twii ɨ, bé ntɔʼ to é modumo mo si mɨmɛh monâ. Bé ósyɛŋ baa nye a bɛa pɛh ɛ, taare é wiʼ odumo o jobo kʉ, to kumo é guu.»

Mataos 13:41

Mwan mo Mʉr ólomo beengles be, ó bé ntaʼ é lɔb mobɔʼ mɨmɛh mé óbɨm bʉr é mɨleme ó, bé saʼ syem ɨ. Bé óze pɛʼ mobɔʼ maa é jwɨ̀ʼa ye ndwe le edwih ontɔɔ o motie bɨbɛh.

1 Pyɛr 3:7

Bɨn bɛɛ ojʉm, jyeʼla ga bʉba bɨn ndwe le edwe be duu, ebe, bɨn bé egʉa mpʉ bé ndɨ é cyɛʼ ɛ. Bé ejala le ebi tiʼ molu mo mpoʼ mɨmɛh mpʉ bɨn bɛɛ. ǃBɨn si be, asa no nɛʼɛ, yé ógba bɨn mokɔbla é mɨnjwɨʼla.

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

Ebrœ̂ 10:11

Opara, bé esea ó, dobo lɨlɛh. Bé ecyɛb ocɨcyel lé ediʼ otir tɔɔ motwina ndwe e motwina é tititi, dam be mpʉ mɨndwɛa mɨnɨ ndɨ mbɛh, abe e nkul esa ó, Zyɛm pɛʼɛ baa gwar é bim bɨbaa nye a niʼe é lɔb mɨsyem ɨ.

Ebrœ̂ 8:6

Syɛɛ para Yesʉs lé esea é l'efu ga lɨna é bananaʼ ɛ, yé e nyɔm é buobuo, laa syɛɛ para yé a duho mya ɛ. Nye ó ndɨ mosàa-mɔm lé esa ó, Zyɛm deʼ Edwan e mpʉn e bwa b'Ɨzraɛl ɨ. Edwan e mpʉn nye a de e, lé é bul mbɨa, laa mpʉn Zyɛm a de e be e. Lé nteme, lé ó e molele ebe monkɛʼ bɨna bé a bi ga ɛ. Monkɛʼ maa, mɨ laa maa mo mpʉn efoʼ é l'embɨa.

Ebrœ̂ 6:12

Bɨh bé agwɨm ó, bɨn saʼ ontwii. Bɨh bé ekʉ ka gwɨm ó njɨ bɨn nʉŋa dweʼle tiʼ mo bʉʉ obuʼla mo Zyɛm. Bé e buʼo ndwe e bihbe. Bɛɛ nteme ó ngo bi sa Zyɛm a kɛʼ be, jala e nkɔb wɔɔ ɛ.

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Filipi 2:17

Bɨn mu ó lé esa Zyɛm syɛɛ nye lé egwɨm ɨ, duho é buʼo yin. Bɨn bé edwe nye bɨtiʼ bin tɔɔ motwina. Dam be mpʉ motié mam mu lé eswɨɨ é mɨndwɛa mɨn kʉ ɨ, me esoho. Bɨna bé esoho ga tɨ.

Éfɛsɔs 3:6

Lwib odim yaa ó yi: Mbɨambɨa Lɔɔ bɨna lé etuno ga ɛ, wé esa ó, bɨn, bʉr o ndɨ abe oYʉden ɨ, biʼe nteme mopoʼ boo Zyɛm, jala e nkɔb win, jwɨʼ gwar e gwar mpʉ oYʉden, bé óbi me e. Bɨn e boo nɔɔ mu ó bɨfum bɨ nyʉl ngwar. Bɨn e boo nɔɔ nteme mu ó bʉr bé óliʼ lé ebee mpʉ Zyɛm ósil dira monkɛʼ me e. Nye ódira monkɛʼ maa ó, é zi Yesʉs-Krɨst, duho é Mbɨambɨa Lɔɔ bɨna lé etuno ga ɛ.

Galásia 3:29

Yé be ó, bɨn bé ó baa mo Krɨst nɛʼɛ, lɛɛ ó, bɨn nteme bé ó bwa onta mo Abraham. Bɨn nteme ó ngo bi ga monkɛʼ mo Zyɛm, jala e monkɔb mɨn.

Galásia 3:9

Abraham ze jyɛʼ taa buʼo ye boo Zyɛm. Ebe no ó Zyɛm a sʉ nye mocyɛʼ mo mpom me e. Jwɨʼ gwar e gwar yaa nteme e bʉr bɨbɛh lé ejyɛʼ taa buʼo yɔɔ boo nye e: Zyɛm ósʉ be mocyɛʼ mo mpom me.

Galásia 3:7

Gʉŋa ga be ó, bʉr o lé ejyɛʼ taa buʼo yɔɔ boo Zyɛm ɨ, bé ó ndɨ bwan mo Abraham.

Rôm 8:17

Yé be ó, bɨna ga mu ó bwan mo Zyɛm nɛʼɛ, kʉ gʉa ó, bɨna ó ngo bi ga monkɛʼ mo Zyɛm, jala e nkɔb ga wina. Bɨna bé óbi ga me ó, é zyɛŋa ga wina boo Krɨst. ǃBɨna ga e boo nɔɔ, bé óbe si sia e mɨtuu mɨmpwar nɛʼɛ, bɨna bé óbi ga nteme kum, é zyɛŋa ga wina boo nɔɔ.

Mɨlʉmlʉ 16:26

Cye e cye yaa, si ze ncyeŋa é buobuo. Modwii mo mbɛr mɨmbʉʼ ze pɨŋla. Mobe mɨmɛh ntɔʼ diba. Mɨkʉkob mɨmbʉʼ mimyɛh ntɔʼ tiiba.

Mataos 4:11

Pie tɨʼ ó Njwɨɨ moleme a bir nye, laa ɛ. Beengles ze pyal, bé ntɔʼ taare lé esea e Yesʉs.

Markus 10:17

Mpʉ Yesʉs a be, nye mu lé etɨ cyen ɨ, nuu mʉr ze to kam, to kur moboo si é mih me, ntɔʼ dî e nye ó: «Mbɨambɨa yeʼle, me saʼ wáa mbi sɔʼɔ é l'efu ó, me biʼe tiʼ molu mo mpoʼ mɨmɛh?»

Rôm 11:14

Me esa no ó, me nkʉʼ gba kul bʉr yam egu é mɨleme. Diŋa ó, bʉʉ bʉr o sama yih, bé óze bi tiʼ molu mo mpoʼ mɨmɛh é zi waa,

1 Korɛnt 1:21

Zyɛm, é l'ocyoo nye ndɨ e we e, nyi nʉa tiʼa ó, bʉr o mbi jɔʼ yi, bé aŋa gʉa nye njɨ ebe ocyoo wɔɔ. Nye a bee embɨa é nko paʼ we ó, baa nye ódwe tiʼ molu mo mpoʼ mɨmɛh ó, ndɨ ebuʼla mpaŋla bɨh bé a cen be e, mpaŋla waa, nye yɛɛ sa bʉʉ bʉr lé ebee mpʉ lwib bɨgʉ ɨ.

Ebrœ̂ 2:3

Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.