Ebrœ̂ 1:1 - Kálara Zyɛ̌m Edwán é mpʉ̌n

¹ Molu pihe, Zyɛm a lwib-lwib e bɨmpam ga bina ó, é zi ogwiha o mɨlɔb. Nye a lwib-lwib e be ó é buobuo mozi.

Kálar Nzyɛ̌m : Ejwán é Sáá

¹ Ɨ́ mimbú mí píhe, Nzyɛ̌m á lwilwib e bimpám gá bíná ó, cɨɨ ɨ́ nzɨ̌ ogwíha o mílɔ̌b. Nye á lwilwib e byé ó, mimbi mimbi, le ɨ́ bijɔʼ ɨ́ buo buo.

Ebrœ̂ 1:1 ပူးပေါင်းရင်းမြစ်များ

Lʉkas 24:27

Nye ze taare lé epɛʼle sa yiyɛh bé a tile é Kalara Zyɛm, tiibe e nye e, taare é l'okalara o motie Moyiz a tile e, to pyal é sikʉlʉ ogwiha o mɨlɔb bé a dwe e.

Mɨlʉmlʉ 2:30

É mpʉ David a be ngwiha mɨlɔb ɨ, nye a be ó lé egʉa ó, Zyɛm a si kɛʼ, le ede mɨnkɛla ó, nye ópɛh nuu mʉr é mpoŋbʉr we, dil nye é dia taʼa ye.

Lʉkas 1:55

Yé ó mpʉ nye a kɛʼ bɨmpam ga bina ó, nye ósa ɛ. Nye ócwɨa e Abraham bé e mpoŋbʉr we ó, njʉmdia e njʉmdia.»

Mɨlʉmlʉ 13:32

Bɨh bʉr o tɨʼ mu ó lé elɛɛ bɨn Mbɨambɨa Lɔɔ. Wé ó nɛɛ: sa Zyɛm a kɛʼ bɨmpam ga bina ɛ,

Ebrœ̂ 2:2

Bɨna bé egʉa ga ó, mpaŋla Zyɛm a lomlo bʉr e beengles ɨ, a be ó sa ndɨ ejala le enʉŋɔ é nkɔb ɨ. Mʉr nyiwɛh a ntaa etie e tɨʼ ɨ, le waa a sa mpaŋla waa ebɨh ɨ, a si bi myɛna mé a jala e l'ebɨh laa ɛ.

Lʉkas 1:72

Mpʉ nye a lɛɛ e bɨmpam ga bina ɛ, nyi lɛʼle bɨna ga ncwɨncwɨa we lé etoŋlo mpʉn nye a de e Abraham ɨ. Mpʉn waa a be ó ti.

Mɨlʉmlʉ 28:23

Bé ze cyel moho, bé e boo nɔɔ, bé a be ó, bé óbɔma ɛ. É jɔʼ moho waa, wé a pyal ɨ, bé ntɔʼ ze e bʉr é buobuo, ze kœb nye é gumo nye a di-di ɨ. Taare é mɛn, to pyal é bii kʉʼ, Pol a be ó lé epɛʼle be lɔɔ Zyɛm, le eboʼlo, tiibe e jwɨ̀ʼa mo Zyɛm, ndwe le esaa ó, nye dulo ó be, ó bé buʼla sikʉlʉ nye a dwe lé etiibe e Yesʉs ɨ. Nye a kœb-kœb sikʉlʉ nɨ ó, é motie mo Moyiz ndwe e sikʉlʉ ogwiha o mɨlɔb, bé a dwe e.

Yʉanes 9:29

Bɨh bé egʉa ó, Zyɛm a be ó si lwib e Moyiz. Sa gwar, waa nɨ, bɨh bé agʉa nko nye a duho e.»

Yʉanes 7:22

Moyiz ó b'a dwe bɨn nkul esa bɨcyee bɨ bwan mpʉn, dam be ó, ntʉʼ Moyiz a tiile etie laa. Yé a be ó bɨmpam bin! Bɨn ntɔʼ twe twii ó, bɨn bé ejala le esa mʉr mpʉn é moho saba.

Lʉkas 24:44

Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

Yʉanes 16:13

É jɔʼ Sisim Ocyecye, wé ópyal é bɨn ɨ, wé ólɛʼle bɨn ocyecye wiwɛh. Wé aŋa lwib njɨ e nkul we. Wé ólɛɛ sa wé a pa joʼo e. Wé nteme, wé ólɛɛ bɨn sa muno ze syɛɛlɨ ɨ.

Mɨlʉmlʉ 3:21

Banana, nye ejala le edi é jobo kʉ, é di di di, to pyal é jɔʼ Zyɛm óbâʼle cyel bɨsa bibyɛh é bɨcye byɔɔ, mpʉ nye a bɛa kɛʼ, duho mya, é zi mɨsaŋ mɨ ogwiha o mɨlɔb mye e.

Ebrœ̂ 2:3

Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

Ebrœ̂ 3:5

Moyiz a be ó mʉr ebuʼla é nko paʼ bɨsa bibyɛh lé edwɛʼ mbɛr mo Zyɛm ɨ. Nye a cyelɔ syɛl mosa ó, nye boʼla, tiibe e sa yiyɛh Zyɛm nyɛɛ a bɛa be ó, nye lɛŋɨ bʉr ɨ.

Ebrœ̂ 4:8

Nkʉ Yesʉa a be ó be, niŋle bʉr be é gumo egbala ndɨ nɛʼɛ, mpa Zyɛm a be ó, aka lwib é lɔb moho egbala fih.

Ebrœ̂ 5:5

Jwɨʼ gwar e gwar yaa nteme e Krɨst. Nye a baagban dia njwɨɨ opara, nkʉ saa kum ndɨ tɨʼ ɨ. Nye a cyelɔ ó cyelɨ é dia yaa. Mʉr a cyel nye e, a lɛɛ e nye ó: «Go ó mwan wam. Mɛm, mɨ bya go muh.»

Ebrœ̂ 9:19

É jɔʼ Moyiz a be, nye mu si láa bwa b'Ɨzraɛl bɨbɛh motie mo Zyɛm mɨmɛh ɛ, nye a si tiʼe bwa bɨntɛɛ ndwe e bɨkɨla, ze nʉa motié mɔɔ, ze syɛŋ me e modibe. Nye ze nʉa ebuho le ɨzɔb ndwe e mye bɨntœme, mé a dubɔ é kaa ɛ, ze nʉa ebuho laa, dubo le é motié, ze dɨ pubo mbom okalara o motie baa, ndwe e bʉr baa bɨbɛh.

Ebrœ̂ 11:2

Zyɛm a seʼle bʉr o molu pihe ó, ebe buʼo yaa.

Ebrœ̂ 11:18

Dam be no, Zyɛm a si bɛa lɛɛ Abraham ó: «Mpoŋbʉr me a bɛa kɛʼ go e, nye óbyɛl ó, dumo e Ɨzak.»

Ebrœ̂ 12:25

Ebe no, gʉa di ga ncye, ó bɨn beʼ l'abene mʉr mu lé ebal bɨn ɨ. Molu pihe, bé a si bene lé ejoʼo mʉr a ze é si nwaʼ ɛ. Nye a ze ó, nye bal ó be, bɛɛ l'akpɛl joʼo. É jɔʼ yé a ka be ó, ebebe laa pyala be e, yé a baabana ó, bé syɛhla le. No ó, mʉr a ka ze lwib e bɨna ga bɛɛ ɛ, nye ó ndɨ mʉr a duho é jobo kʉ ɨ. ǃBɨna si bene ga ejoʼo lɔɔ we nɛʼɛ, zê bɨna bé ósyɛhle ga bɨntɨʼa bɨ tɨ, laa be ɛ?