2 Yʉanes 1:9 - Kálara Zyɛ̌m Edwán é mpʉ̌n

⁹ Mʉr a be si taare jwɨʼ sikʉlʉ mo Krɨst, é jwɨʼ jwɨʼ, ntɔʼ ka kaŋa e sikʉlʉ yaa, liʼe ye pihe, ntɔʼ bula gʉmla, to le ejwɨʼ bɨsikʉlʉ bɨfih ɨ, bé e Zyɛm, bé aka be é nkɔm mpwar. Waa lé ejwɨʼ sikʉlʉ yaa, akaŋa e ye e, bé e Zyɛm Sɔŋ ndwe e Mwan we bɨbɛh, bé ó é nkɔm mpwar.

Kálar Nzyɛ̌m : Ejwán é Sáá

⁹ Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

2 Yʉanes 1:9 ပူးပေါင်းရင်းမြစ်များ

Kolosi 3:16

Mɛʼla ga ó, lwib mo Krɨst, yé loŋla mɨleme min. Dɨʼe dweela ga sikʉlʉ paʼra win, yaa ndɨ e l'ocyoo e. Dɨʼe dweela ga motɨɨ paʼra win. Jɛŋɨ ga Zyɛm oSam, e bɨjɛɛ bɨ Mbɛr-Zyɛm ndwe e bɨjɛɛ bɨfih Mbɨambɨa Sisim ódɨ lɛʼle bɨn ɨ. Bɨjɛɛ byaa, byé óduho bɨn é mɨmo si, lé edwe Zyɛm ekiba.

1 Yʉanes 1:3

Sa bɨh bé a bee e mih mɨh, joʼo e mogwal mɨh ɨ, yé ó bɨh lé etuno bɨn nteme, é mbi ndɨ ó, bɨna nkʉʼ di ga é zyɛŋa-mɨleme. Zyɛŋa bɨna bé ósyɛŋa ga ɛ, nye óbe ó é zyɛŋa ga wina boo Zyɛm Sɔŋ bé e Mwan we Yesʉs-Krɨst.

Mɨlʉmlʉ 2:42

Bé a be ó lé ekʉ gba monyʉl é jɔʼ yiyɛh lé eto joʼlo sikʉlʉ mɨlʉmlʉ myé a dwe-dwe be e. Bé a di-di nteme ó, é zyɛŋa-mɨleme tʉŋlʉ, le ede-de nteme gumo gwar, le ejwɨʼla-jwɨʼla e Zyɛm.

Títos 2:10

Bé ajala le ejaa mobo é nko paʼ mobi mo omasa bɔɔ. Bé ejala le elɛʼle be ó, bé ó e nkul ebuʼla be ntinɨ e ntinɨ. Ebe no ó bé ósa ó, bʉr dwaaba sikʉlʉ bɨna lé edwe be, tiibe e Zyɛm, Tiʼbʉr ga wina ɛ.

Yʉanes 15:6

Mʉr bɨh e nɔɔ ndɨ abe é zyɛŋa ɛ, nye ómyahɔ kʉl mpʉ lɔɔ rezɛŋ ndɨ agumo e, wé lé emyahɔ ɛ. Wé efwâh. Bé ntɔʼ syɛŋ mɨlɔɔ myaa, é syɛŋ, syɛŋ, guho mye é l'ebeʼe e siʼe. Myé ntɔʼ sie lé ediʼe.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Yʉanes 5:23

ó bʉr bɨbɛh, bé dwiibɨ Mwan mo Zyɛm jwɨʼ gwar e gwar é mbi bé lé edwiibɨ Zyɛm Sɔŋ ɨ. Mʉr ndɨ adwiibɨ Mwan mo Zyɛm ɨ, nye adwiibɨ nteme Zyɛm Sɔŋ, mʉr a ntɨh nye e.

Lʉkas 10:22

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.»

Ebrœ̂ 6:1

No ó, bɨna paʼ bir ga bɨsikʉlʉ bé lé etaare jwɨʼ é l'efoʼ, byaa lé etiibe e Krɨst ɨ. Bɨna dweela ga bɨsikʉlʉ lé esa ó, mʉr biʼe pɨʼ otamabʉr ɨ. Bɨh bé aŋa ka bâʼle yeʼle bɨn mɨlʉ mokan mi: egwɨma bɨbol bɨsyɛɛla, edwir leme, ejyɛʼ taa buʼo boo Zyɛm,

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Yʉanes 8:31

Yesʉs ze lɛɛ e l'oYʉden bé a jyɛʼ taa buʼo yɔɔ boo nye ó: «ǃBɨn si baʼle mokan mam nɛʼɛ, bɨn bé ódi ompʉn bam cyecye.

3 Yʉanes 1:9

Me a si tile bʉr o mbɛr Zyɛm ma sɔʼɔ. No ó, anya-evuŋo mo Diotrɛfes, nye amɛʼle lɔɔ me a lɛɛ bɨn tɨʼ ɨ.