2 Yʉanes 1:4 - Kálara Zyɛ̌m Edwán é mpʉ̌n

⁴ Me a si laŋle joʼo mombɨa é jɔʼ me a joʼo ó, bwan bo, bé dina ó lé ekœʼ mbɨambɨa ebò e cyen é l'ocyecye tʉŋlʉ, mpʉ Zyɛm Sɔŋ a tiile bɨna ga etie e.

Kálar Nzyɛ̌m : Ejwán é Sáá

⁴ Me á si bu jóʼo membɨa ɨ́ jɔʼ mé á jóʼo ó, bwán bô, bé lɨ́ edû kʉ̌ tyen lɨ́ otyeetye tʉ́ŋlʉ̌, lɨ́ edû mpʉ̌ Nzyɛ̌m Sɔ́ŋ á tyêl mɨná gá etié yɨ́.

2 Yʉanes 1:4 ပူးပေါင်းရင်းမြစ်များ

Éfɛsɔs 5:8

Molu pihe, bɨn bé a be-be ó é l'edurʉ. No ó, banana, bɨn mu ó é myɛn, duho é zyɛŋa win boo Da Yesʉs. No ó, kœʼœ ga ebò e cyen ndɨ ejala e bʉr o ndɨ é myɛn ɨ.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

1 Yʉanes 2:6

Mʉr lé elɛɛ ó, nye ó é zyɛŋa wɔɔ boo Zyɛm ɨ, nye ejala le ekœʼ ebò e cyen mo Yesʉs.

Filipi 4:10

Me ebul soho bɨn é mih mo Da, ebe, é jɔʼ yi, bɨn bɨ bâʼle toŋlo me mpʉ bɨn bé a bɛa toŋlo-toŋlo me e. Sa gwar, bɨn bé a taare be ó, abe e l'epʉla ó, bɨn cwɨa e me.

Galásia 2:14

Mpʉ me a bee ó, bé a baaka be lé ekœʼ ebò e cyen é l'ocyecye mpʉ Mbɨambɨa Lɔɔ lé etɨe bɨna ga ɛ, me a ze lwib e Pyɛr, bɨbɛh é modia. Me e nye ó: «Gwɔɔ mʉr Yʉden nwa, go ekœʼ ebò e cyen wâʼ ó, mpʉ bʉr o bɨkul bɨfih, yé abe no? É mpʉ yé ndɨ no e, a, ebe yé go lé ekpɛl tine bʉr baʼ ó, bɛɛ kœʼœ ebò e cyen mpʉ oYʉden?

1 Korɛnt 13:6

Mʉr ndɨ e kpɛl ɨ, nye abe lé esʉna é jɔʼ nuu mʉr lé esa bɨsyɛɛla bɨ ozyɛhozyɛh ɛ. Nye ekʉ ka mɨɨla ó njɨ e bɨsyɛɛla bɨ ocyecye.