2 Yʉanes 1:3 - Kálara Zyɛ̌m Edwán é mpʉ̌n

³ Mocyɛʼ mo mpom e njwɨʼa-nkoo ndwe e motala mo Zyɛm Sɔŋ bé e Yesʉs-Krɨst, ndɨ Mwan mo Zyɛm Sɔŋ ɨ, mé óswɨɨ é bɨna ga é zi ocyecye ndwe e ncwɨncwɨa.

Kálar Nzyɛ̌m : Ejwán é Sáá

³ Metyɛʼ me mpóm, le njɨ́ʼá nkóó le mepyɛbla, byé díʼee e mɨná gâ, duho e Nzyɛ̌m Sɔ́ŋ, bé e Yésʉs-Krîst, Mwân mé Nzyɛ̌m Sɔ́ŋ ɨ́ nzɨ̌ otyeetye wɔ́ɔ́ ti e kpɛ̌l yɔ́ɔ́.

2 Yʉanes 1:3 ပူးပေါင်းရင်းမြစ်များ

1 Yʉanes 4:10

Mpaŋ kpɛl, yé abe yaa bɨna lé elɛʼle ga Zyɛm ɨ. Mpaŋ kpɛl, yé ó yaa Zyɛm nyɛɛ a lɛʼle bɨna ga ɛ, ebe, nye a si ntɨh bɨna ga Mwan we. Nye ó mʉr a dwè, jala e mɨsyem ga mina, lé eleʼe empime mo Zyɛm ɨ.

Rôm 1:7

Me etile ó, bʉr bɨbɛh ndɨ Rom, baa Zyɛm a bul kpɛl ndwe le epɛh ó, bé diʼe mɨsaŋ mɨ bʉr be e. Mocyɛʼ mo mpom e motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

1 Timotɛ 1:14

Ebe no ó Tî ga wina a sʉ me mocyɛʼ mo mpom, abe e tolɔɔ ɛ. Nye a si gba me nteme buʼo ndwe e kpɛl é leme. Byé ó, é l'efu e bʉr o ndɨ é zyɛŋa wɔɔ boo Yesʉs-Krɨst ɨ.

1 Timotɛ 1:2

Me etile ó, gwɔɔ Timote, ndɨ me mwan é nko paʼ buʼo e. Mocyɛʼ mo mpom, njwɨʼa-nkoo ndwe e motala mo Zyɛm Sɔŋ bé e Tî ga wina Yesʉs-Krɨst, mé swɨŋɨ é go.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

2 Yʉanes 1:1

Mɛm, cyɛb efoʼ Mbɛr-Zyɛm ó lé etile bɨn. Me etile ó, tamamʉma Zyɛm a pɛh ɛ, bé e bwan be. Me ekpɛl bɨn é l'ocyecye. Ntʉʼ me ome lé ekpɛl bɨn; yé nteme, yé ó bɨh e bʉr bɨbɛh ndɨ ekpɛl ocyecye e.

2 Timotɛ 1:13

Gʉa baʼle mpaŋ sikʉlʉ go a joʼo me lé edwe e. Yé diʼe go dweʼle, sa go óto le entɛŋ bʉʉ bʉr ɨ. Dɨʼe yeʼle é mbi waa, e buʼo, ndwe e kpɛl, mpʉ bɨna lé ebi ga bye é zyɛŋa wina boo Yesʉs-Krɨst ɨ.