2 Yʉanes 1:2 - Kálara Zyɛ̌m Edwán é mpʉ̌n

² Me etile bɨn é l'efu ó, bɨna nkʉʼ di ga e l'ocyecye. Wé ódi é bɨna ga é jɔʼ yiyɛh.

Kálar Nzyɛ̌m : Ejwán é Sáá

² Mě cɛma bɨ́n mekaná mâʼ ó, lɨ́ esú ó, me pâʼlaa otyeetye o dí ɨ́ mɨná gá tʉ́ŋlʉ̌ wɨ́. Wé ódi ɨ́ mɨná gá ó, melú mé mpóʼo mɨ́mɛ̂h.

2 Yʉanes 1:2 ပူးပေါင်းရင်းမြစ်များ

1 Yʉanes 2:17

To kœb ó, bɨsa bɨ jobo yiʼ ndwe e byaa bʉr lé egwɨm tɨʼ ɨ, byé elaa ó laŋa. No ó, mʉr lé esa gwɨma mo Zyɛm ɨ, nyiha ó ndɨ ebi tiʼ molu mo mpoʼ mɨmɛh.

1 Yʉanes 2:14

Osɔŋ ee! Me etile bɨn ó, ebe, bɨn bɨ gʉa mʉr a bɛa be, kʉ e si apa cyeŋɔ ɛ. Mɨsoho ee! Me etile bɨn ó, ebe, bɨn bé ó e nkul. Lwib mo Zyɛm, yé ekubla é bɨn. Bɨn nteme bɨ ntaa Bɨbla-mʉr é nkul dɔm.

1 Yʉanes 1:8

Yé be ó, bɨna bé elɛɛ ga ó, bɨna bé abe lé esa ga mɨsyem nɛʼɛ, lɛɛ ó, bɨna bɨ sa ga bɨgwìh. Ocyecye, wé abe é bɨna ga tʉŋlʉ.

2 Pyɛr 1:12

Me egʉa ó, bɨn mu ó lé egʉa mɨlɔb mɨ ocyecye mɨnɨ. Me egʉa nteme ó, myé ó ndɨ esa ó, bɨn cyɛba é nkʉʼʉ, apɨŋla. Me dam gʉa no, me ódɨ jɨm bɨn bɨtoŋla bɨ tɨʼ é jɔʼ yiyɛh.

2 Timotɛ 1:5

Me esa nteme ó, toŋlo-toŋlo buʼo yo ndɨ eduho é mo si ɨ. Yé ó mbi buʼo ngwar e ngwar nyɔŋ mpam go Lɔyis bé e nyʉŋ Enike, bé a be e ye e. Mɨ kʉ gʉa nteme ó, mbi buʼo waa ó ndɨ go nteme é leme.

Kolosi 3:16

Mɛʼla ga ó, lwib mo Krɨst, yé loŋla mɨleme min. Dɨʼe dweela ga sikʉlʉ paʼra win, yaa ndɨ e l'ocyoo e. Dɨʼe dweela ga motɨɨ paʼra win. Jɛŋɨ ga Zyɛm oSam, e bɨjɛɛ bɨ Mbɛr-Zyɛm ndwe e bɨjɛɛ bɨfih Mbɨambɨa Sisim ódɨ lɛʼle bɨn ɨ. Bɨjɛɛ byaa, byé óduho bɨn é mɨmo si, lé edwe Zyɛm ekiba.

2 Korɛnt 4:5

Ebe, bɨh bé alɛɛ lɔɔ wih, bɨh bʉr o tɨ. Lɔɔ bɨh ndɨ elɛɛ ɛ, wé etiibe ó, e Da Yesʉs-Krɨst. No ó, é wih paʼ, bɨh bɛɛ ó ndɨ osyɛl o mosa bɨn é l'efu mo Yesʉs.

1 Korɛnt 9:23

Me esa bɨsyɛɛla byaa bibyɛh ó, é l'efu le elɛɛ Mbɨambɨa Lɔɔ. Me esa no nteme ó, me nkʉʼ bi mombɨa mo tɨ, jala e nkɔb wam.

Yʉanes 15:7

ǃBɨn si be é zyɛŋa wina, mokan mam loŋlo bɨn é mɨleme nɛʼɛ, dîʼe ga sa yiyɛh bɨn bé ókpɛl ɨ. Yé ósyɛɛ bɨn no.

Yʉanes 14:16

Me ódî Sɔŋ wam ó, nye ntɨhɨ bɨn nuu mʉr ókamle e bɨn mpʉ mo me e. Nye óze di e bɨn é jɔʼ yiyɛh.