2 Timotɛ 4:7 - Kálara Zyɛ̌m Edwán é mpʉ̌n

⁷ Mɨ fwɛmla, tɛl mbɨmbɨa. Mɨ sa jwɨʼla mɨkam mokʉ, to pyal é l'odumo. Mɨ jyɛʼ taa buʼo yam boo Zyɛm, kʉ be mpʉ buʼo yina lé elɛɛ ɛ.

Kálar Nzyɛ̌m : Ejwán é Sáá

⁷ Nzwamlá nyǎm á be ó mbɨ̂mbɨá. Mɨ́ swim ɨ́ duo bíjʉ́ʉ́, pyâl lɨ́ odumo. Mɨ́ dyɛ̂ʼwo e Nzyɛ̌m, le esâ mpʉ̌ búʼó yɨ́ná dí elɛ́ɛ yɨ́.

2 Timotɛ 4:7 ပူးပေါင်းရင်းမြစ်များ

1 Timotɛ 6:12

Bɨn e bʉr lé ejyɛʼ taa buʼo yɔɔ boo Zyɛm ɨ, fwɛmla ga, tɛlɨ ga mbɨmbɨa, bɨn biʼe tiʼ molu mo mpoʼ mɨmɛh. Zyɛm a jebe go ó, go biʼe tiʼ yaa. Yé a pyal go ó, é jɔʼ go a mɛʼle ocyecye é mih mo bʉr é buobuo e.

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

Yʉanes 4:34

Yesʉs, nye e be ó: «Mode mam, mé ó, me saʼ gwɨma mo mʉr a ntɨh me e, le efwahle syɛɛ nye a lɛɛ ó, me ntaʼ, ze sea ɛ.

Lʉkas 11:28

No ó Yesʉs a bɨha e nye ó: «Mocyɛʼ mo mpom, mé é bul laŋle ó, e baa lé ejoʼo lɔɔ Zyɛm le edu we e.»

Mɨngwiha 3:8

“Me egʉa sa bɨn lé esa ɛ. Me egʉa ó, bɨn bé e bwa o nkul. Dam be no, bɨn bé a si bana baʼle lɔɔ wam, asoŋlo me. Dwɛʼa ga: mɨ dib bɨn ebe, abe e mʉr ndɨ e nkul ekamle bɨn lé eni tɨ!

Mɨngwiha 3:10

No ó, me a lɛɛ e bɨn bɛɛ ó, bɨn dihba. Bɨn ntɔʼ ze baʼle lɔɔ wam waa. Mpʉ bɨn bé a joʼo me no e, me óbaʼle bɨn, ebe, bɨn bé amu jaa ni é bɨntɨʼa mu lé epyal é mʉr nyiwɛh é si nwaʼ ɛ.

Lʉkas 8:15

No ó mʉʉ mompœʼ mɛɛ, mé a kur ó, é si mocyɛʼ, sa nɨ lé edweʼle bʉr o b'a be e mɨmpaŋ mɨleme. É jɔʼ bé a joʼo lɔɔ Zyɛm ɨ, bé a si baʼle we é mɨleme myɔɔ le egumo mpumo é bɨtiʼ byɔɔ, ndwe le esa bihbe.»

1 Timotɛ 6:20

No ó, Timote ɛɛ! Baʼla sikʉlʉ Zyɛm a timle go e. Go à syɛhle baalwibalwiba o bʉr o ndɨ esa lɔɔ Zyɛm ebɨh ɨ, baa bʉr lé ejwɨʼ ó, bé ó «mpaŋ ngwɨa» ɛ.

2 Timotɛ 1:14

Baʼla sikʉlʉ go a bɛa timlɔ ɛ. Mbɨambɨa Sisim lé edi é bɨna ɛ, wé ókʉ kɛm go tɨ.

1 Timotɛ 1:18

Mwan wam Timote, me edwe go motɨɨ maʼ ó, lé edu lɛa ogwiha o mɨlɔb bé a lɛɛ, tiibe e go e. ǃGo si baʼle motɨɨ maa nɛʼɛ, go ógʉa lwimla dɔm.

Yʉanes 17:6

«É bʉr bɨbɛh, go a si pɛh bʉʉ, ze ntɨh me ba. Me ntɔʼ ze sa ó, bé gʉŋa go. Bé a bɛa be ó, bʉr bo, go ze ntɨh me ba. Ebe no nteme ó bé a du lwib yo e.

Mɨlʉmlʉ 13:25

É jɔʼ Yʉanes a be teme esil syɛɛ yaa ɛ, nye ze lɛɛ ó: “Bɨn bé pa kʉ jwɨʼ ó, me zé? Me abe waa bɨn lé ebono e. No ó, mbe ga: mʉr, nye edu me é koo pihe. Me abe mbi mʉr lé ejala le etii nye mɨkol mɨ osilpah be e.”

Galásia 2:2

Me a to no ó, ebe mɨfela mɨlɔb Zyɛm a gwih me e. É jɔʼ me a pyal gʉʼ ɨ, bɨh e mɨlʉ mɨ mbɛr Zyɛm waa, bé a be ó si sa bʉm. Me ntɔʼ ze lɛʼle be mpʉ me ndɨ elɛɛ Mbɨambɨa Lɔɔ boo bʉr o ndɨ abe oYʉden ɨ. Me a baamɛʼle ó, syɛɛ me a be lé ebɛa sea ɛ, yé dwèʼ ntuʼ.

Filipi 1:30

No ó, bɨn mu ó lé elwimla dɔm egwar bɨn bé a bee me lé elwimla ɛ. Me dina ó lé elwimla dɔm laa, ze pyal é muh é dobo lɨ, mpʉ bɨn bé a joʼo e.

2 Timotɛ 3:10

Gwɔɔ mu ó si kʉ gʉa bee mpʉ me lé eyeʼle e, bee nteme ebò e cyen me lé ekœʼ œ. Go a si gʉa mɨtiʼa mɨ leme wam ndwe e buʼo yam. Go egʉa nteme bihbe wam, kpɛl yam, ndwe e mpʉ me lé ebɔma e mɨtuu ɨ.

Mɨngwiha 6:11

No ó nye a nʉa bɨdur é pumo-pumo, bœr bɨbɛh, le elɛɛ e be ó, bé dihba ba titia, to pyal é jɔʼ bɨɔ bɔɔ ndɨ é l'empomo e syɛɛ egwar ɨ, bé taara jʉŋɔ nteme mpʉ be. Ebe no ó bé e boo nɔɔ, bé ósa sama ntinɨ ɨ.