2 Timotɛ 4:5 - Kálara Zyɛ̌m Edwán é mpʉ̌n

⁵ Sa gwar, gwɔɔ, mɛrɨ leme é bɨjɔʼ bibyɛh. Dihba mɨtuu. Sea syɛɛ mo lɛa Mbɨambɨa Lɔɔ. Gwɔɔ syɛl mosa mo Zyɛm, sea empomo e syɛɛ ndɨ laa lo e.

Kálar Nzyɛ̌m : Ejwán é Sáá

⁵ Sâ gwár, gua, máráá léme ɨ́ bijɔʼ bíbyɛ̂h. Júhwáá mítúú. Séáá syɛ́ɛ́ étúnǒ Mbɨambɨa Lɔ́ɔ. Lóŋláá syɛ́ɛ́ Nzyɛ̌m á tyêl go tɨ̂ʼ yɨ́ yɨ́yɛ̂h.

2 Timotɛ 4:5 ပူးပေါင်းရင်းမြစ်များ

2 Timotɛ 1:8

Ebe no, ajoʼo fwon é lɔb sa bɨna ndɨ eboʼlo ga, tiibe e Da Yesʉs ɨ. Laa ó, go joʼa mboʼla waa fwon, fuo dihbe yɛɛ mɨtuu lé entɨhɔ bɨna é lɔb Mbɨambɨa Lɔɔ ɛ. Go à dihbe é zi nkul Zyɛm lé edwe e. Ajoʼo nteme me fwon, mɛm ndɨ mbʉʼ we e.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

2 Timotɛ 2:3

Gwɔɔ nteme, dihba mɨtuu mpʉ mo me. Diʼe mpaŋ nkɔɔ dɔm mo Yesʉs-Krɨst.

Kolosi 4:17

Lɛŋɨ ga nteme e Arkipɔs ó: «Gbaʼ nyʉl é syɛɛ Da Yesʉs a lɛɛ ó, go sea ɛ. Go à loŋla ye.»

1 Timotɛ 4:12

Anyamle mɛʼle ó, mʉr pyehɨ go ebe go dina ma soho. Obuʼla, bé ejala le enʉa dweʼle tiʼ yo lé ejoʼo lwib yo ndwe le egʉa leme ncwɨncwɨa go, buʼo yo, ndwe é mpʉ go lé ekœʼ ebò e cyen é pememe é mih mo Zyɛm ɨ.

Mɨlʉmlʉ 21:8

Ngbaa le eka be, é mɛn tɨʼ nɛʼɛ, bɨh ze mʉa, to ɨ Sezare. Tɨʼ ó bɨh bé a fil é mbɛr mo Filip, ndɨ lɛa Mbɨambɨa Lɔɔ ɛ. Nye a be ó mʉr ngwar é l'esama e bʉr tambɛl. Bɨh bé a ja ó mbɛr we.

1 Timotɛ 4:15

Saʼ zyee lé eloŋlo bɨsyɛɛla byaa, le egba nyʉl tɨʼ é dwiii. No ó bʉr bɨbɛh, bé óbee mpʉ go óto dolo lé esea bye e.

1 Tesalonika 5:6

Ebe no, bɨn bé ajala le eja bɨdwo mpʉ bʉʉ bʉr lé esa-sa ɛ. Diʼe ga nkehe. Mɛrɨ ga mɨleme,

Mɨngwiha 3:2

Diʼe ga nkehe. Bɨn bé amu sie lé edwè é pe, ebe, mɨ gʉa mpʉ syɛɛ yin ndɨ enyin boo Zyɛm me ndɨ esea e nye e. Etiʼ lam, lé ó, yé apa be mbɨmbɨa é mɨpaʼ mimyɛh.

Éfɛsɔs 4:11

Nye ó b'a dwe bʉr mɨndwɛa mɨmbi mɨmbi. Nye a sa ó, baʼ bʉr, bé diʼe mɨlʉmlʉ; baʼ, ogwiha o mɨlɔb; bʉʉ, olɛa o Mbɨambɨa Lɔɔ; bʉʉ bʉr nteme, okobla o mɨmbɛr mɨ Zyɛm; bʉʉ, oyeʼle o mɨlɔb mo Zyɛm.

Ebrœ̂ 13:17

Saʼ ga ocyɛb be efoʼ bɨn mojoʼo. Filɨ ga monyʉl si e be, ebe, bɛɛ ó ndɨ edwiile mɨsisim min. Bé ó ngo to lɛɛ Zyɛm mpʉ bɨn bé a kœʼ ebò e cyen ɨ. ǃBɨn si sa be mojoʼo nɛʼɛ, bé ósea syɛɛ yɔɔ e bɨsʉhʉ. Yé baabe no nɛʼɛ, bé ójoʼo mompime. Syɛɛla yaa, abe bɨn e nyɔm.

2 Timotɛ 2:10

Ebe no ó me ndɨ edihbe mɨtuu mimyɛh ɛ. Yé ó é l'efu e bʉr o Zyɛm a pɛh ɛ, ó bé biʼe tiʼ molu mo mpoʼ mɨmɛh ndwe e kum é zyɛŋa wɔɔ boo Yesʉs-Krɨst.

Lʉkas 12:37

Mocyɛʼ mo mpom, mé e l'osyɛl o mosa sɔŋ wɔɔ ókœb ó, bé be ó si di nkehe e. Me elɛɛ bɨn cyecye ó nɛɛ: nye óbwar mɨkan mye mpʉ syɛl mosa, ntɔʼ sa ó, bé diʼe si, ó bé deʼ. Nye òsea e be.

Markus 13:37

Sa me lé elɛɛ bɨn ɨ, me elɛɛ ye ó, é l'efu e mʉr nyiwɛh: “Diʼe ga nkehe.”»

Kolosi 1:25

Me mu ó syɛl mosa mo Mbɛr-Zyɛm. Zyɛm ó b'a cyel me é dia yaa, lé esa ó, me sea é l'efu lɨn, lé etuno lɔɔ we wiwɛh.

Rôm 15:19

Zyɛm a be ó si sa bɨdweʼle bɨ nkul we ndwe e bɨsa bɨ jehe é zi wam é nkul mo Mbɨambɨa Sisim. Me a ze sa tuno é lɔb Mbɨambɨa Lɔɔ lé etiibe e Yesʉs-Krɨst ó, bɨgumo bibyɛh, taare ɨ Yerʉsalɛm, to pyal é Iliri.

Markus 13:34

É jɔʼ yaa, yé ónwɨɨla ó e mpʉ mʉr a be ó, nye tɨʼe cyen ɨ. Nye eliʼe mbɛr we ó, nye osi kab osyɛl o mosa be bɨsyɛɛ, mʉr nyiwɛh e we nkul mojwɨ̀ʼa é l'efu ó, nye sea syɛɛ ye, nye osi cyel nteme mʉr é l'ebe, ó nye cyɛba é vaa. Nye a tiile nye etie ó, nye diʼe nkehe.

Éfɛsɔs 4:12

Nye esa no ó, é l'efu e mɨsaŋ mɨ bʉr mo Zyɛm, ó myé beʼ bʉr o ndɨ e nkul eloŋlo syɛɛ ye e. Nye elɛʼle be lé esa no ó, é l'efu le egwɨl Mbɛr-Zyɛm, ndɨ nyʉl mo Krɨst ɨ.

2 Timotɛ 4:17

Tî wam ó b'a ze me é nkɔm, ndwe le egba me nkul é nyʉl. Nye a sa no ó, nye nkʉʼ cen mpaŋla waa é zi wam, mɛm cyela mɨtuno we, lé esa ó, bʉr o bɨkul bibyɛh nkʉʼ joʼo nye. No nteme ó me a syɛbɔ é nʉm ngbampwɨɨ ɨ.

Mataos 25:16

Waa a nʉa mɨmpɨʼ mɨ gol mɨtɛn ɨ, nye ntɔʼ to e mye kam e kam, to bul mye. Nye ze bâʼle bi myʉʉ mɨmpɨʼ mɨfih mɨtɛn.