2 Timotɛ 4:3 - Kálara Zyɛ̌m Edwán é mpʉ̌n

³ Ebe, jɔʼ, yé eze, é jɔʼ bʉr, bé ópyeh mpaŋ sikʉlʉ bɨna lé ejwɨʼ ga ɛ. Bé ókʉ joʼo-joʼo ó, njɨ bɨsikʉlʉ lé etine be ó, bé toʼ le edu bɨgwɨma bɨ nyʉl bɨpuno wɔɔ. Bé ósyɛŋ esama le oyeʼle, lé ódɨ dwe be njɨ bɨsikʉlʉ byaa ɛ, bé nkʉʼ gʉa soho lé ejoʼo mye.

Kálar Nzyɛ̌m : Ejwán é Sáá

³ Ebě, jɔʼ, yé lɨ́ enze, jɔʼ bʉ̂r, bé ókâr édûhwǒ lɛ́ʼlá mpâ yɨ́. Bé ójaá jʉjóʼo ó, njɨ milɛ́ʼlá mi dí etíne bé ó, bé tôʼ dóló le elóŋlo bígwɨ́má ményʉ́l mɔ́ɔ́ dí eboó kpɛl ésɨsâ bí mí. Bé ógôhlo éntumo lé ólɛ̂ʼla, lé ójaá dwidwe bé bisá mílɛ́ʼlá byaá lɨ́, lɨ́ esú ó, bé nkʉ̂ gʉ́a soho lɨ́ ejʉjóʼo myé ɨ́ ti ti ti.

2 Timotɛ 4:3 ပူးပေါင်းရင်းမြစ်များ

1 Timotɛ 1:10

osyɛl o bɨmala ndwe e mɨfyɛba, bʉrʉm ndɨ etɛbla paʼra wɔɔ ɛ, bʉr o ndɨ ecen bʉʉ bʉr é l'okomo e, mɨmpʉmpʉl ndwe e baa lé ebuʼo bʉʉ bʉr mɨlɔb ɨ. Zyɛm a tiile mʉʉ motie nteme ó, lé ekamle bʉr lé esa bɨsyɛɛla bibyɛh ndɨ ajala e mpaŋ sikʉlʉ bɨna lé ejwɨʼ ga ɛ.

Galásia 4:16

Mpʉ me lé elɛɛ bɨn ocyecye e, zê yi ka sa ó, bɨn nʉŋa me mpʉ mʉr dɔm win ɛ?

Lʉkas 6:26

«A vwaʼ e bɨn é jɔʼ bʉr lé ebul seʼle bɨn ɨ, ebe, bɨmpam byɔɔ, byé a seʼle-seʼle mɨmpʉmpʉl mɨ ogwiha o mɨlɔb ó mpʉnʉ.»

Yʉanes 8:45

Sa gwar, mɛm, me elɛɛ bɨn ocyecye. Ebe no ó bɨn ndɨ abuʼla me e.

1 Korɛnt 2:1

Obɨɔ ga bam aa! É jɔʼ me a ze gʉʼ bɨn ye lé eze pɛʼle bɨn mokan, le elɛʼle bɨn lwib odim mo Zyɛm ɨ, me a baaze ba e pɨʼ ó, me ólwib e bɨn e mokan é lʉo-lʉo nkʉ e lwib ocyoo.

Mɨlʉmlʉ 17:21

(Ebe, bʉr o Atɛn bɨbɛh ndwe e mɨndìndìl myé a di-di tɨʼ ɨ, bé a kʉ lɛŋ-lɛŋ jɔʼ yɔɔ ó, njɨ lé elɛɛla bɨsa modwan.)

1 Korɛnt 2:4

Lwib yam ndwe e mbi me a cen mpaŋla mo Zyɛm ɨ, byé a baabe bɨlwib ndɨ lwɨŋla e l'ocyoo o mbi jɔʼ yi. Sa yé a tine bɨn ó, bɨn buʼla sikʉlʉ yaa ɛ, yé a be ó, bɨsyɛɛla Mbɨambɨa Sisim a sa e nkul we e.

Lʉkas 20:19

Oyeʼle o motie ndwe e l'ojwɨɨ be opara, bé a be ó lé ebà bɨjwɨʼ bɨ emɛr Yesʉs é jɔʼ gwar yaa, ebe, bé a be ó si gʉa ó, nye a sa kɨkɛna yaa ó, bé ó ndɨ osyɛl o mosa, ó die le «osyɛl o mosa», lé a dɨ tublo ó be! Sa gwar, bé a be yɛɛ ó, lé ekpɛɛ mɨzɨze mɨ bʉr.

2 Timotɛ 1:13

Gʉa baʼle mpaŋ sikʉlʉ go a joʼo me lé edwe e. Yé diʼe go dweʼle, sa go óto le entɛŋ bʉʉ bʉr ɨ. Dɨʼe yeʼle é mbi waa, e buʼo, ndwe e kpɛl, mpʉ bɨna lé ebi ga bye é zyɛŋa wina boo Yesʉs-Krɨst ɨ.

Yʉ̂d 1:18

Bé a lɛɛ e bɨn ó: «É l'esie e mbi jɔʼ yi, yé óbe ó e bʉr o pyeh, baa lé ekpɛl kœʼ ebò e cyen lé edu mpʉ bɨgwɨma byɔɔ ndɨ ɨ.»