2 Timotɛ 4:1 - Kálara Zyɛ̌m Edwán é mpʉ̌n

^1-2 Me entɛŋ go mɨnkɛla é mih mo Zyɛm bé e Yesʉs-Krɨst waa óze tiʼe mɨkubla le odwè mɨlɔb ó, go lɛŋɨ Mbɨambɨa Lɔɔ. Nye óbula ze, ntɔʼ cyel jwɨ̀ʼa ye. Leme, wé diʼe go é ntɨɨɨŋ ó, go lɛɛ ó njɨ lɔɔ waa é bɨjɔʼ lé ejala ɛ, ndwe e byaa ndɨ ajala e we e. Láŋa bʉr bɨbaa é lɔb mobebe mɔɔ. Bâma e bʉr. Gbaʼ be nkul é monyʉl. Saʼ no e bihbe, ndwe e sikʉlʉ mpa.

Kálar Nzyɛ̌m : Ejwán é Sáá

¹ Me lɨ́ edî gó ɨ́ hwɨ́m ɨ́ míh mé Nzyɛ̌m Sɔ́ŋ, bé e Yésʉs-Krîst: (Yésʉs waá ó múo nzě tíʼe míkublakúbla le odwe milɔ̌b nyá.) Myúú mímboʼlá mimbá, myé ó: nzéá nyé óbáʼǎ nze wɨ́, le Mpóʼo nyé ójwɨ́ɨ nyɨ́. Mě tyél gó etié ó, ɨ́ míé mé óboʼlo onâ baá ó:

2 Timotɛ 4:1 ပူးပေါင်းရင်းမြစ်များ

Mɨlʉmlʉ 10:42

Nye a lomo bɨh ó, bɨh toʼ le elɛɛ oYʉden Mbɨambɨa Lɔɔ, le eboʼlo ó, Yesʉs ó ndɨ mʉr nye a cyel é dia tiʼà mɨlɔb, waa ótiʼe mɨkubla le odwè mɨlɔb ɨ.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

1 Timotɛ 5:21

Me entɛŋ go mɨnkɛla é mih mo Zyɛm, le maa mo Yesʉs-Krɨst bé e beengles Zyɛm a pɛh ɛ, ó go baʼla motɨɨ ma. Atiʼe lɔb e nkar ngwar. Ato mʉr é nkɔm ebe nduula bɨn e nɔɔ ndɨ e we e.

2 Timotɛ 2:14

Jɨmɨ bʉr bɨtoŋla é mɨlɔb mɨnɨ. Go à ntɛŋ be mɨnkɛla é mih mo Zyɛm ó, bé gwaʼa le elɨr bʉr é zi mogo mɔɔ, lé egœa njɨ é lɔb mokan. Mogo maa, mé abe e nyɔm.

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

1 Pyɛr 5:4

É jɔʼ Kobla bɨntœme nɨnɨ óbâʼle nyin ɨ, nye ópaʼle bɨn syɛɛ yin yaa, le ebœr bɨn mopʉʼlʉ mo duu mɨn. Mé ódi-di ó, njɨ é ncyɛn-nti-ncyɛn, akuna-kuna.

1 Yʉanes 2:28

No ó, bwa o bwan bam, diʼe ga é zyɛŋa win boo Krɨst, é mbi ndɨ ó, é dobo nye óbula ze e, bɨna bé ótʉm ga monyʉl ndwe le ecyɛb ga é mih me é nkʉʼʉ. Bɨna bé aŋa bil fwon.

1 Pyɛr 4:5

Bé ófuʼla kar mɨlɔb myɔɔ é l'empom e dia tiʼà mɨlɔb mo Zyɛm. Jɔʼ nye óze tiʼe mɨkubla le odwè mɨlɔb ɨ, yé mu ó kunokuno le epyal.

1 Pyɛr 1:7

Bɨn bé ebɔma e mobʉbla maa ó, bɨn nkʉʼ gʉa bee pie tɨʼ nkʉ bɨn bé ó e buʼo mpa. Taa buʼo bɨn lé ejyɛʼ boo Zyɛm ɨ, yé ó bɨn é bul buo dime, laa gol. Gol ndɨ sa yé ódim ɨ, pa taare gbaŋɔ é duro e molul, ó yé gʉa nyin nkʉ yé ó mpaŋ gol cyecye, a dwɛʼra e buʼo ga yina! Ebe no ó bʉr, bé ógumlo Zyɛm, le edwiibɨ nye é dobo Yesʉs-Krɨst óbula ze e.

2 Tesalonika 2:8

É jɔʼ yaa ó mʉr ndɨ entaa motie mo Zyɛm ɨ, nye òka nyin é kpɛŋlɛm, Da Yesʉs ntɔʼ jʉ nye e ngul nʉm we e. Nye óteʼle mʉr waa ó, é zea nye óze é moncɛnba ɛ.

Rôm 2:16

Sa me lé elwib lɔb we wâʼ ɛ, yé ónyin é pono é dobo le etiʼ e mɨlɔb. Mɨlɔb myé ótiʼ ó, é zi mo Yesʉs-Krɨst. Bɨsa ndɨ bʉr baa é mɨmo si ɨ, nye óka lɛʼle bibyɛh é kpɛŋlɛm. Mbɨambɨa Lɔɔ me lé elɛɛ ɛ, wé ó no.

Mɨlʉmlʉ 17:31

No ó nye a cyel dobo nye ótiʼe bʉr o si nwaʼ bɨbɛh mɨlɔb myɔɔ é l'ocɨcyel ɨ. Nyi bɛa pɛh nteme mʉr ótiʼe mɨlɔb myɔɔ é dobo laa ɛ. Nyi pɛ̀h mʉr waa é foo. Pɛ̀ha foo waa, wé ó dweʼle, sa lé elɛʼle bʉr bɨbɛh ó, mʉr a pɛ̀hɔ é foo e, nye ó ngo tiʼe mɨlɔb myɔɔ.»

2 Pyɛr 1:11

No nteme ó Zyɛm óbeŋle bɨn le edib bɨn zi ó, bɨn niʼe é jwɨ̀ʼa mo Tî ga wina le Tiʼbʉr ga wina Yesʉs-Krɨst ɨ. Jwɨ̀ʼa ye yaa, yé ódi ó njʉmdia e njʉmdia.

Lʉkas 23:42

No ó nye a ze lɛɛ e Yesʉs ó: «Yesʉs mana, go à toŋlo me é jɔʼ go muno cyel jwɨ̀ʼa yo cyecye e.»

Lʉkas 19:15

«No ó, nko nye a to e, bʉr o lal waa bɛɛ ze cyelɔ nye njwɨɨ. Nye ntɔʼ bula ze é lal we. No ó nye a lɛɛ ó, bé baŋla osyɛl o mosa be, baa nye a timle mɔn ɨ. Nye a be ó lé egwɨm gʉa bim mɔn ye, yé a bya ɛ.

Lʉkas 19:12

No ó nye a lɛɛ e be ó: «Yé a ze be ó, nuu sabene é lal we. Nye ze mʉa, to di é lal wé a be ká ká jaabe e. Nye a to é lal waa ó, bé dilɨ nye é dia njwɨɨ. Pie tɨ, nye òka bula.

Mɨngwiha 1:7

Mbe ga: nye ó ma ze é nkur tʉŋlʉ nɨ! Bʉr bɨbɛh, to kumo kuma e baa b'a kar nye ekʉa é bɨmpah ɛ, bé óbee nye. Bʉr o moveh mo si nwaʼ bɨbɛh, bé ósa efie le. Eee, yé óbe ó no! Amɛn!

2 Pyɛr 1:17

Zyɛm Sɔŋ a si dwe nye duu. É jɔʼ Zyɛm Sɔŋ a ntɨh twii, duho é dia kum nɨnɨ ye e, nye a lɛɛ ó: «Nwaʼ, nye ó mwan kpɛl wam. Me ekʉ mɨɨla e nye.»

Kolosi 3:4

Krɨst ó ndɨ edwe bɨna ga tiʼ molu mo mpoʼ mɨmɛh. É jɔʼ nye óbâʼle nyin bʉr é mih é kpɛŋlɛm ɨ, bɨn e boo nɔɔ, bé ódweŋɔ kum sama.

2 Timotɛ 1:10

Ncwɨncwɨa waa a ka nyin é kpɛŋlɛm ó, é l'epyal mo Yesʉs-Krɨst, Tiʼbʉr ga wina. Nyi gbah efie. Nyi lɛʼle bɨna é zi Mbɨambɨa Lɔɔ nteme ó, bɨna bé ebi tiʼ molu mo mpoʼ mɨmɛh é zyɛŋa wina boo Krɨst.

2 Timotɛ 4:18

Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.