2 Timotɛ 3:3 - Kálara Zyɛ̌m Edwán é mpʉ̌n

³ Bé óbe ó e cere é mɨleme. Bé óbul sa zyee é jɔʼ bé e bʉʉ bʉr ndɨ e mɨlɔb ɨ. Bé óbe ó baanya-movoʼ. Bé aŋa gʉa egba monyʉl mɔɔ modile. Bé óbe ó bʉr o monyan, bʉr o ndɨ ebene bɨsa bɨ embɨa ɛ.

Kálar Nzyɛ̌m : Ejwán é Sáá

³ Bé óbe ó e cére. Bé óbuú sâ nzyéé ɨ́ jɔʼ bé dí e milɔ̌b yɨ́. Bé óswêʼ míé mé bʉ́ʉ́ bʉ̂r. Bé ágʉ́a émâr míléme. Bé óbe ó bʉr o méngʉ́ná. Bé óbene bísâ bi dí ɨ́ mbɨa bí.

2 Timotɛ 3:3 ပူးပေါင်းရင်းမြစ်များ

Yʉ̂d 1:18

Bé a lɛɛ e bɨn ó: «É l'esie e mbi jɔʼ yi, yé óbe ó e bʉr o pyeh, baa lé ekpɛl kœʼ ebò e cyen lé edu mpʉ bɨgwɨma byɔɔ ndɨ ɨ.»

Rôm 1:31

Bé ó mɨmiʼ. Bé adira monkɛʼ mɔɔ. Bé e cere é mɨleme. Bé abe e njwɨʼa-nkoo.

Mataos 10:21

«Mɨɔ ókɛha mɨɔ ó, bé jʉʼo nye. Sɔŋ ókɛha mwan we. Bwan, bé óbene mojwɨ̀ʼa mo obyɛl bɔɔ, le esa ó, bé jʉŋɔ.

2 Pyɛr 2:14

mih mɔɔ lé esaa bʉba bé saʼ mɨfyɛba e be e. Bé agbala ba lé esa mɨsyem. Bé ekwab bʉr o ndɨ é pɨŋla é l'ebò e cyen lɔɔ ɛ. Bɨ gba nyʉl lé ejwɨʼ edu bɨgwɨma bɨ nyʉl bɨpuno wɔɔ é dwiii. Zyɛm, nyi káale be.

1 Timotɛ 3:11

Bʉba bɔɔ nteme, bé ejala le ebe ó e modile, abe lé efœʼ bʉr. Bé ajala le efwaʼ monwoʼ. Bé ejala le ebe ó bʉr be ebuʼla é mɨpaʼ mimyɛh.

Mataos 4:1

Mbɨambɨa Sisim ntɔʼ to e Yesʉs é feha si. Nye a to e nye gʉʼ ó, Njwɨɨ moleme bobla nye.

Mɨngwiha 17:6

Me ze bee ó, mʉma waa a be ó é mpur motié. Nye a be ó si bul bɛble motié mɨsaŋ mɨ bʉr bé a boʼlo-boʼlo mɨlɔb lé etiibe e Yesʉs ɨ. Mbea me a bee nye e, me ze bul jehe.

Mɨngwiha 16:6

ebe, bé a si kʉ jʉ mɨsaŋ mɨ bʉr myo ndwe e l'ogwiha o mɨlɔb bo. Motié mɔɔ, mɨ bul swɨɨ si. Ebe no nteme ó go a lɛɛ ojʉl bɔɔ ó, bé bɛbla motié e. Yé ó sa lé ekʉ jala e be e!»

Mɨngwiha 13:17

Mʉr nyiwɛh a baacɨmɔ twii yaa ɛ, a baabe e nkul eka bwam, nkʉ bɛma yʉʉ sɔʼɔ é mompɛma. Twii yaa, yé ó bɨkaŋa motɔɔ. Yé elɛʼle die e tir monyan efoʼ.

Mɨngwiha 13:15

Tir waa a be ó si dweŋɔ nkul ó, nye gumla ngul we é dweʼle yaa, ó yé lwibɨ, ndwe nteme, yé jʉʼo bʉr bɨbɛh bé a bene dwiibɨ ye e.

Yʉ̂d 1:16

Bʉr baa, bé ó jɔʼ yiyɛh lé elwib é bebebebe, tiibe e Zyɛm. Bé é jɔʼ yiyɛh ó, lé etine-tine nkɔb nye a dwe-dwe be e. Bé ekʉ ka du ó njɨ bɨgwɨma byɔɔ le elwib bɨlwib bɨ jaale. Bé ekʉa bʉr é zi moseʼla, bɛɛ lé egʉa ó, bé ódira nyɔm wɔɔ e moseʼla maa.

2 Pyɛr 3:3

Sa efoʼ, gʉa mɛr ga sa yi: é jɔʼ esie e mbi jɔʼ yi, lé óbe kunokuno le epyal ɨ, bʉr, bé óbe lé ekœʼ ebò e cyen mpʉ bɨgwɨma byɔɔ lé etine be e. Bé óbe ó bʉr o pyeh,

Jacques 2:6

To kœb ó, bɨn bɛɛ, bé epyeh baanteʼenteʼe baa! Ntʉʼ obil o bɨsa onɨ lé etíile bɨn ɛ? Bé nteme ó lé eto pur bɨn é mompah mɨlɔb!

Títos 2:3

Lɛŋɨ mɨsile mɨ bʉba jwɨʼ gwar ó, bé kœʼœ mbi ebò e cyen ndɨ ejala e mʉr lé edwaabe Zyɛm ɨ. Bé l'ayi fœʼ bʉʉ bʉr. Bé l'ayi bɛble monwoʼ, nkʉ di molʉa mo tɨ. Bé dweʼ bʉr mɨmpaŋ motɨɨ.

Títos 1:8

Yé ejala ó, nye beʼ mʉr lé egʉa bɨlan e l'ojyoo e. Leme we, wé duʼo njɨ embɨa. Nye kœʼœ ebò e cyen é mpaŋ pɨʼ. Nye diʼe cɨcyel, e leme é sɔɔɔ é mih mo Zyɛm. Nye gʉŋa emɛr leme.

1 Tesalonika 4:8

No ó, baa lé elɨha motɨɨ maʼ ɛ, bé apyeh mʉr. Bé pyeh ó Zyɛm, waa lé entɨh bɨna ga Sisim we e.

1 Korɛnt 7:9

ǃBɨn si kœb ó, yé abana bɨn emɛr mɨleme é lɔb bɨmala nɛʼɛ, bɨn bé à ba, nkʉ to é l'eba. Eba, lé é mbɨa, laa esia e bɨmala e mɨfyɛba.

1 Korɛnt 7:5

Nwaʼ beʼ l'abene nuu é nko paʼ nyʉl we, alaa ó bɨn bé a si bɛa twe twii ó, bɨn bé aŋa ka syɛŋa é jɔʼ bɨn dina lé ejwɨʼla e Zyɛm ɨ. Pie tɨ, bɨn bé à to dolo e tiʼ eba yin. ǃBɨn si be, asa no nɛʼɛ, bɨn bé amu jaa duma é mobʉbla mo Satan, ebe, bɨn bé abe e nkul emɛr mɨleme é lɔb nɨ.

Yʉanes 6:70

Yesʉs, nye e be ó: «Ntʉʼ mɛm mʉr tɨʼ a pɛh bɨn, Esama le ompʉn ewʉm e l'oba ɛ? Dam be no, nuu mʉr é l'esama lɨn, nye ó waa mo Njwɨɨ moleme!»

Lʉkas 16:14

OFarizyɛŋ, bé a be ó lé ejoʼo mɨlɔb myaa mimyɛh, ntɔʼ taare lé etamɔ nye, ebe, bé a be ó é bul kpɛl mɔn, ntaa njɨ.

Lʉkas 10:16

Nye ze lɛɛ e l'ompʉn be ó: «Mʉr lé ejoʼo bɨn ɨ, nyi joʼo me. Waa lé ebene bɨn ɨ, nyi bene nteme me. Nteme, waa lé ebene me e, nyi bene mʉr a ntɨh me e.»

2 Pyɛr 2:19

Bé ekɛʼ be ó, bé ópɛʼ be é dia olʉa, dil be é dia otî, bɛɛ yɛɛ njɨ molʉa mo pɨʼ ontʉlontʉl, ebe, sa yiyɛh mʉr lé ebaran e ye, yɛɛ lé entaa nye é nkul ɨ, mʉr waa, nye ó elʉa é l'efu e sa yaa.

Rôm 1:29

Bé efwahle bɨsyɛɛla bibyɛh ndɨ ozyɛhozyɛh ɛ. Byé ó: jeele e laŋ, bɨgwɨma, bɨn, zii, ejwɨɨ e bʉr. Bé esa mpɔʼa monkɔm, bé e bɨkʉʉŋʉ e tíila ndwe e bɨbuʼa,