2 Timotɛ 3:2 - Kálara Zyɛ̌m Edwán é mpʉ̌n

² É til molu yaa, bʉr, bé óbul kpɛl ó, njɨ bé bʉr o tɨ. Bé ókpɛl mɔn laŋle. Bé e jaale ndwe e nkɛa nyʉl. Bé óbul pyeh bʉʉ bʉr. Bé aŋa joʼo obyɛl bɔɔ. Bé ólono embɨa bé lé esaŋɔ ɛ. Bé óbe ó bʉr o ndɨ epyeh Zyɛm ɨ.

Kálar Nzyɛ̌m : Ejwán é Sáá

² Ɨ́ jɔʼ yaá, bʉr bé ójaá kpɨkpɛl ó, njɨ bé bʉr o tɨ̂. Bé ókpɛ̌l mɔnɨ́, ntaa sʉ́ŋa. Bé óbuú sâ jáálé le enkɛ́ɛ e nyʉ̂l. Bé óbuú sâ nkěh, le esâ ntémé obyɛ̂l bɔ́ɔ́ ebɨ̌h. Bé álɛ́ɛ émbɨa bé dí esáŋɔɔ lɨ́. Bé abe e nkul enʉa mílɔ̌b mé Nzyɛ̌m, gbâ myé ɨ́ nkɔb.

2 Timotɛ 3:2 ပူးပေါင်းရင်းမြစ်များ

Filipi 2:21

Ebe, bʉʉ bʉr bɛɛ, bé esaa ó, njɨ mɨnyɔm myɔɔ. ǃBé si joʼo sa lé etiibe e Yesʉs-Krɨst nɛʼɛ, bé agum nʉa ye, gba é nkɔb.

Yʉ̂d 1:16

Bʉr baa, bé ó jɔʼ yiyɛh lé elwib é bebebebe, tiibe e Zyɛm. Bé é jɔʼ yiyɛh ó, lé etine-tine nkɔb nye a dwe-dwe be e. Bé ekʉ ka du ó njɨ bɨgwɨma byɔɔ le elwib bɨlwib bɨ jaale. Bé ekʉa bʉr é zi moseʼla, bɛɛ lé egʉa ó, bé ódira nyɔm wɔɔ e moseʼla maa.

2 Timotɛ 3:4

Bé ókɛha bʉr o nduo yɔɔ. Bé ósa bɨsa bibyɛh mpʉ mɨcehle mɨ ogʉ. Bé óbul nkɛɛ monyʉl mɔɔ. Bé ókʉ kpɛl ó, njɨ bɨsyɛɛla bɨpuno byɔɔ lé ebul gwɨm ɨ, akpɛlɔ Zyɛm.

1 Timotɛ 6:10

ebe, kpɛl mɔn, yé ó etin e bɨsa bɨ ebebe bibyɛh. Bʉʉ bʉr o b'a taare buʼla Zyɛm ɨ, bé a si bi gwɨma ebi bɨmɔn, bé ntɔʼ gʉmla é bebebebe zi waa. Bɨ daʼre mɨtuu é buobuo é monyʉl mɔɔ.

2 Pyɛr 2:18

Bé elwib-lwib ó e mokan mo jaale, maa ndɨ mbɛh ɛ. Bé ekwab bʉr o b'a ngbaa pʉʼa é sama bʉr o bé e boo nɔɔ, bé a dɨ sa syem ɨ. Bé ekwab be no ó, lé elɛʼle be egba monyʉl mɔɔ lé esa bɨmala zam e l'ekomo.

Jacques 4:6

To kœb ó, Zyɛm, nye esʉ bɨna ga mocyɛʼ mo mpom é buobuo. Yé ó mpʉ yé ndɨ tila é Kalara Zyɛm ɨ. Yé ó tila ó: «Zyɛm, nye esa bʉr o ndɨ enkɛɛ monyʉl ɨ, mongan. Baa lé efil monyʉl si e nye e, bɛɛ, nye esʉ be mocyɛʼ mo mpom.»

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

1 Pyɛr 5:5

Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»

1 Timotɛ 6:4

Nyɛɛ nteme agʉa sɔʼɔ. Nye dina ó lé ekʉ syɛb. Esyɛb le, lé ó lɨ: nye ekpɛl ó, njɨ epɨra mokan, le ekpɛl nteme mogo é lɔb mɨlɔɔ. Sa lé eduho tɨʼ, yé ó: zii, mpɔʼa monkɔm, movoʼ, ndwe e bɨbuʼa.

Lʉkas 12:15

Nye ó: «Gʉa di ga ncye! Syɛhla ga zɔɔ bɨsa mɨmbi mimyɛh, ebe, tiʼ mʉr, yé aduho é bɨsa mʉr waa ndɨ e bye e, byé dam buo yáa bim.»

Mɨngwiha 16:11

Dam be no, bé a baagwɨma bɨsyɛɛla bɨ ebebe byɔɔ, nkʉ dwir mɨleme. Bé a si to dolo lé elwɨɔ Zyɛm, nyɛɛ mʉr ndɨ é jobo kʉ ɨ. Bé a sa no ó ebe mokpaa ndwe e mopɨɨ mɔɔ.

2 Pyɛr 2:12

Oyeʼle baa bɛɛ, bé epyeh ó, sa bé ndɨ agʉa ɛ. Bé ó mpʉ otir o montiʼ, luʼo pɨʼ. To kœb ó, tir, nye ekʉ byɛl njɨ ó, nye mɛrɔ; nye òjʉŋɔ. Jwɨʼ gwar e gwar yaa ó bʉr baa, bé ópɛʼɔ modwɛʼla ɛ.

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.

Jacques 4:16

To kœb ó, bɨn mu ó lé enkɛɛ monyʉl, le esa jaale. Gʉŋa ga ó, mbi nkɛa nyʉl waa, wé é bebe.

2 Tesalonika 2:4

Nye ókaŋa e sa yiyɛh ndɨ ejebɔ ó, zyɛm ɨ. Bɨsa bʉr ndɨ edwiibɨ ɨ, nye ósa bye mongan. Nye ófuʼla gbana Mpah Zyɛm, di tɨʼ, le edoʼo, lé elɛɛ é kpɨbɨbɨ ó, nye ó ndɨ Zyɛm.

Rôm 11:18

É mpʉ yé ndɨ no e, asʉna ga é lɔb mɨlɔɔ mɨ lɨ mu si syɛhɔ ɛ. ǃBɨn si gwɨm doʼo nɛʼɛ, gʉŋa ga ó, ntʉʼ bɨn, mɨlɔɔ, ndɨ enkɛɛ mɨkaale. Mɨkaale ó ndɨ enkɛɛ mɨlɔɔ!

Mɨngwiha 16:21

Motana é bwaʼbwaʼ ze duho é jobo kʉ, nkaŋa bʉr é monyʉl. Mé a be ó é dile dile, etana egwar kwoʼ be okilo mowʉm monâ. Bʉr ntɔʼ bâʼle ze lwɨɨ Zyɛm ebe ntɨʼa yaa, ebe, bɨbwaʼbwaʼ motana maa, mé ó b'a bul ntɨʼ bʉr, laa byʉʉ bɨntɨʼa bibyɛh.

Jacques 2:8

ǃBɨn si du etie ndɨ etilɔ é Kalara Zyɛm ó: «Kpɛlɨ mɨɔ go mʉr mpʉ go lé ekpɛl go mʉr tɨʼ» nɛʼɛ, lɛɛ ó, bɨn bɨ gʉa sa, ebe, etie laa, lé ó laa Tî ga wina a tiile e!

1 Timotɛ 3:3

abe nunwoʼ, nkʉ mʉr ndɨ é feha ɛ. Nye ejala le ebe ó é tala njwɨr. Nye abe mʉr bɨtom. Nye alaʼ lʉ é kpɛl mɔn.

1 Timotɛ 1:20

É sama bʉr baa, yé ó Imenaus ndwe e Alɛksandros. Bé ó me a cen boo Satan ó, nye tura be mɨlʉ, bé nkʉʼ gwaʼ lé epyeh Zyɛm.

Mɨlʉmlʉ 5:36

Yé l'apa gum bɛa: Tœdas a si tɨʼ bɨr le esa jaale, lé elɛɛ ó, nye a be ó bwaʼbwaʼ sɔʼɔ, bʉrʉm kwoʼ be mɨnter mɨnâ, lé edu nye. Nye ze jʉŋɔ é lɔb pyeh ye. Bʉr bɨbɛh bé a du nye e, bé ntɔʼ gbɛha, lɔb we ntɔʼ dwè ntuʼ.

Lʉkas 16:14

OFarizyɛŋ, bé a be ó lé ejoʼo mɨlɔb myaa mimyɛh, ntɔʼ taare lé etamɔ nye, ebe, bé a be ó é bul kpɛl mɔn, ntaa njɨ.

Mɨngwiha 16:9

Jɔʼ bʉr, bé a diʼe no e, bé a si to dolo lé elwɨɔ Zyɛm, nyɛɛ mʉr a kab be bɨntɨʼa byaa ɛ. Bé a baamɛʼle egwɨma mobebe mɔɔ, nkʉ dwir mɨleme, nkʉ dwiibɨ nye.

Mɨngwiha 13:1

Myɔɔ waa ntɔʼ to cyɛb é pɨn maŋ. No ó, me a si bee tir lé eduho é modibe mo maŋ. Nye a be ó e mɨlʉ tambɛl ndwe e bɨntoo ewʉm. Mopʉʼlʉ mɨnjwɨɨbʉr, mé a be ó mɨpɛna é bɨntoo bibyɛh. É lʉ wiwɛh, bé a si tile yʉʉ bɨbla die, mie maa mɨmɛh lé epyeh Zyɛm.

2 Korɛnt 5:15

Nye a si jala e bʉr bɨbɛh é l'efu ó, bɨbɛh biʼe tiʼ molu mo mpoʼ mɨmɛh. Cye yiyɛh bé dina kʉ ɨ, bɨtiʼ byɔɔ, byé ejala le ebe e nyɔm é l'efu e mʉr a jala e be, ntɔʼ pàh ɛ. Bé aka jala le eka saa myɔɔ mɨnyɔm.

Mataos 15:6

É mbea win, waa si sa no e, nye abe e nkul eka gul sɔŋ e nyɔŋ e tɨ. No yé ó: é jɔʼ bɨn ndɨ adwaabe osɔŋ e l'onyɔŋ bɨn ɨ, bɨn bé egbɛɛ lɔɔ Zyɛm é l'efu le edu mɨnjwɨr bɨmpam bin byé a ntɛŋ bɨn ɨ!

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

1 Timotɛ 1:9

Bɨna bé egʉa ga nteme ó, motie, mé a baatiilɔ lé etoŋlo ocɨcyel o bʉr, njɨ ontɔɔ o motie, bé e bʉr o ndɨ esa ocyɛb be efoʼ bɔɔ ebɨh ɨ, bʉr o ndɨ adwaabe Zyɛm ɨ, osyɛl o mɨsyem, bʉr o lé epyeh Zyɛm ɨ, ndwe e baa ndɨ esa lɔɔ Zyɛm ebɨh ɨ, ojʉl be osɔŋ bɔɔ, ojʉl be onyɔŋ bɔɔ, ojʉl o bʉr,

2 Pyɛr 2:10

Nye ókʉ bul kab bɨntɨʼa ó, dwe bʉr o ndɨ edu bɨgwɨma bɨ nyʉl bɨpuno wɔɔ ɛ, bɛɛ nteme lé epyeh mojwɨ̀ʼa mo si le maa mo kʉ. Mɨmpʉmpʉl mɨ oyeʼle me lé etaŋle bɨn lɔb wɔɔ ɛ, myé ajoʼo bʉa dam be é jɔʼ bé lwɨɨ beengles ndɨ é lal bɨna ndɨ egumlo e.