2 Timotɛ 2:9 - Kálara Zyɛ̌m Edwán é mpʉ̌n

⁹ Bʉr, bé a si kaʼ me monkara mpʉ sa lɛɛ ó, me a be ó zilngan. Me esia e mɨtuu ó ebe Mbɨambɨa Lɔɔ me lé elɛɛ ɛ. Dam be no, ntʉʼ lɔɔ ndɨ eduho boo Zyɛm ɨ, wé a kaʼɔ!

Kálar Nzyɛ̌m : Ejwán é Sáá

⁹ Bʉr, bé á si kâʼ me menkara mpʉ̌ sá lɛ́ɛ́, me ó syɛ̂l ebébe. Mě jaá sia e mitúú ó, njɨ ɨ́ lɔ̌b Mbɨambɨa Lɔ́ɔ mé dí etúno wɨ́. Damá jóʼo nó, ntʉ̌ Mbɨambɨa Lɔ́ɔ́ mé Nzyɛ̌m wɨ́ɛ á káʼɔɔ.

2 Timotɛ 2:9 ပူးပေါင်းရင်းမြစ်များ

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

Mɨlʉmlʉ 28:31

Nye a be nteme lé elɛɛ-lɛɛ Mbɨambɨa Lɔɔ é lɔb jwɨ̀ʼa mo Zyɛm, le eyeʼle bʉr mɨlɔb lé etiibe e Da Yesʉs-Krɨst ɨ, é kpɛŋlɛm, abaawe sɔʼɔ e mʉr, abe e ntɨʼa.

2 Timotɛ 1:8

Ebe no, ajoʼo fwon é lɔb sa bɨna ndɨ eboʼlo ga, tiibe e Da Yesʉs ɨ. Laa ó, go joʼa mboʼla waa fwon, fuo dihbe yɛɛ mɨtuu lé entɨhɔ bɨna é lɔb Mbɨambɨa Lɔɔ ɛ. Go à dihbe é zi nkul Zyɛm lé edwe e. Ajoʼo nteme me fwon, mɛm ndɨ mbʉʼ we e.

Kolosi 4:3

Saʼ ga mɨnjwɨʼla nteme é l'efu lɨh, ó nye dibɨ bɨh zi ó, bɨh tuna Mbɨambɨa Lɔɔ we, ó bɨh pɛʼla lwib odim lé etiibe e Krɨst ɨ. Me kɛʼa é mbʉʼ ó, ebe lɔɔ me lé ebɛa tuno-tuno e.

2 Timotɛ 4:17

Tî wam ó b'a ze me é nkɔm, ndwe le egba me nkul é nyʉl. Nye a sa no ó, nye nkʉʼ cen mpaŋla waa é zi wam, mɛm cyela mɨtuno we, lé esa ó, bʉr o bɨkul bibyɛh nkʉʼ joʼo nye. No nteme ó me a syɛbɔ é nʉm ngbampwɨɨ ɨ.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

1 Pyɛr 4:15

Sa gwar, mʉr ngwar é l'esama lɨn beʼ l'abɔma e bɨntɨʼa ebe syɛɛla ebebe ye. Mʉr Mbɛr-Zyɛm, nye ambɨa, be njʉl bʉr, nkʉ zilngan, nkʉ nteme mʉr lé ekpɛl laʼ lʉ é bɨsa byoonkan ɨ.

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

2 Tesalonika 3:1

Obɨɔ ga bam aa! Bɨh bé eka tile bɨn ó, bɨn jwɨʼla e Zyɛm é l'efu lɨh, ó lɔɔ lé etiibe e Da Yesʉs ɨ, wé toʼ dolo kam e kam, ó bʉr dweʼ lɔɔ waa duu, du mpʉ bɨn bɛɛ mu lé edwiibɨ we e.

Kolosi 4:18

Moswɨhlɨ mpʉ mɛm Pol lé ebɛa tile-tile bɨn ó ma: Moswɨhlɨ mo Pol! Ajɨha ga ó, me ó é mbʉʼ. Mocyɛʼ mo mpom mo Zyɛm, mé swɨŋɨ é bɨn.

Éfɛsɔs 3:1

No ó, mɛm Pol, mʉr ndɨ mbʉʼ é syɛɛ mo Yesʉs-Krɨst é lɔb win, bʉr o ndɨ abe oYʉden ɨ...

Mɨlʉmlʉ 9:16

Me mʉr tɨ, me ólɛʼle nye bim mɨtuu nye lé ekʉ jala le esia e mye é lɔb wam ɨ.»

1 Pyɛr 3:16

Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

1 Pyɛr 2:14

Saʼ ga ongoman nye ólomlo bɨn ɨ, mojoʼo. Bé ó ndɨ bʉr o ndɨ ejala le edwe bɨbɨbla bɨ bʉr bibyɛh bɨntɨʼa ɛ. Bé nteme ó ngo gumlo baa lé esa bɨsyɛɛla bɨ ncwɨncwɨa ɛ.

2 Timotɛ 1:16

Da Yesʉs saʼ mbɛr bʉr mo Onesiforos mombɨa mɨmɛh, ebe, nye a be ó si bul lɛʼle me nkʉnkoo, zɔʼ e zɔʼ. Nye ajoʼo ba fwon ebe me ndɨ é nkara é mbɛr mɨmbʉʼ.

Lʉkas 23:32

É jɔʼ bɨzima byé a to e Yesʉs lé eto jʉ nye e, byé a si to nteme e bɨzilngan bɨba.

Mɨlʉmlʉ 21:33

No ó njwɨɨ bɨzima nɨnɨ a ze naʼ nye mobo é nyʉl, ntɔʼ dwe nkul ó, bé kaʼa nye e mɨkʉkob mɨmba. No ó nye a dî mbi mʉr nye a be e, ndwe e sa ebebe nye a pa kʉ sa ɛ.

Filipi 1:17

No ó, bʉr onɨ, bé elɛɛ lɔɔ mo Krɨst lé esa zyee lé efuo bɨdia e me, bɛɛ lé ejwɨʼ ó, bé óko me tuu fih cye yiyɛh me dina é mbʉʼ ɨ. Sa yaa, yé aduho be é mɨmo si.

1 Tesalonika 1:8

Lɔɔ lé etiibe e Da Yesʉs ɨ, bɨn ó b'a sa ó, wé myɛma, lé eto jaabe! É bɨgumo bibyɛh, bʉr, bé mu ó lé ejoʼo mpʉ bɨn lé ejyɛʼ taa buʼo yin boo Zyɛm ɨ. Lɔɔ waa, wé a baafiʼ é lal Masedwan, nkʉ é lal Akayi. Wé elaa naa. Bɨh bé aka bâʼle nʉa tuu mbɛh lé elɛɛ bʉr yʉʉ sɔʼɔ é lʉ win.

2 Timotɛ 2:3

Gwɔɔ nteme, dihba mɨtuu mpʉ mo me. Diʼe mpaŋ nkɔɔ dɔm mo Yesʉs-Krɨst.