2 Timotɛ 2:8 - Kálara Zyɛ̌m Edwán é mpʉ̌n

⁸ Dɨʼe toŋlo Yesʉs-Krɨst, nta mo David a pàh ɛ, mpʉ Mbɨambɨa Lɔɔ wam lé elɛɛ ɛ.

Kálar Nzyɛ̌m : Ejwán é Sáá

⁸ Sísímsáá Yésʉs-Krîst, nta mé David, á pah nyá, mpʉ̌ Mbɨambɨa Lɔ́ɔ́ wâm dí elɛ́ɛ yɨ́.

2 Timotɛ 2:8 ပူးပေါင်းရင်းမြစ်များ

Mɨlʉmlʉ 2:24

Zyɛm ze pɛ̀h nye é foo, pɛʼ nye é mokpaa mo efie, ebe, efie, lé a baabe e nkul mɛr nye é bɛabɛa,

Rôm 2:16

Sa me lé elwib lɔb we wâʼ ɛ, yé ónyin é pono é dobo le etiʼ e mɨlɔb. Mɨlɔb myé ótiʼ ó, é zi mo Yesʉs-Krɨst. Bɨsa ndɨ bʉr baa é mɨmo si ɨ, nye óka lɛʼle bibyɛh é kpɛŋlɛm. Mbɨambɨa Lɔɔ me lé elɛɛ ɛ, wé ó no.

2 Tesalonika 2:14

Zyɛm a si jebe bɨn é zi syɛɛ bɨh bé a sa lé elɛɛ bɨn Mbɨambɨa Lɔɔ ɛ. Nye a sa no ó, bɨn nkʉʼ dwiibɔ, duu yaa lé ejala e nkɔb win, é jɔʼ Tî ga wina Yesʉs-Krɨst ónyin é dia taʼa ye e.

Mataos 1:1

Bɨmpam mo Yesʉs, Lœma mulo mo Zyɛm, a be mwan mo Abraham, mwan mo David ɨ.

1 Timotɛ 2:7

Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

1 Korɛnt 15:4

Nye a be ó si debe, ntɔʼ ze pàh é foo é l'elu elɛl, mpʉ Kalara Zyɛm lé elɛɛ ɛ.

Mɨngwiha 5:5

No ó, nuu tamamʉr é l'otamabʉr baa a lɛɛ me ó: «Gwaʼ edwe. Dwɛʼa! Ngbampwɨɨ, wi pyal, duho é l'eveh mo Yʉda! Wé ó mʉr mpoŋbʉr mo David, waa a byɛl mpʉ ntoʼdu ɨ. Wɛɛ, wé a si ntaa sa yiyɛh, bula e l'esaa é koo. Wé ó b'a dweŋɔ nkul ndɨ ó, wé bʉʼo oluʼ tambɛl baa bé a ŋmɛhɔ sitam ɨ, le egwìh mbom kalara.»

1 Timotɛ 1:11

Sikʉlʉ yaa, yé ó yaa lé eduho é Mbɨambɨa Lɔɔ ndɨ e kum ɨ. Zyɛm bɨna lé eseʼle e, a timle me lɔɔ waa ó, me baʼla we.

1 Korɛnt 15:1

Obɨɔ ga bam aa! Me mu ó lé eze jɨm bɨtoŋla bin é nko paʼ Mbɨambɨa Lɔɔ me a tuno bɨn, waa bɨn bé a joʼo e. Wé nteme, wé ó waa ndɨ bɨn cɨma é mɨleme e.

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

Mɨlʉmlʉ 13:23

Nuu mʉr mpoŋbʉr mo David waa a be ó Yesʉs. Nye ó Zyɛm a cyel Tiʼbʉr bwa b'Ɨzraɛl ɨ, lé edira monkɛʼ bɨna bé a bɛa bi ga ɛ.

Mɨlʉmlʉ 2:30

É mpʉ David a be ngwiha mɨlɔb ɨ, nye a be ó lé egʉa ó, Zyɛm a si kɛʼ, le ede mɨnkɛla ó, nye ópɛh nuu mʉr é mpoŋbʉr we, dil nye é dia taʼa ye.

Lʉkas 24:46

Nye ó: «Yé ó tila é Kalara Zyɛm ó, Lœma mulo mo Zyɛm, nye ejala le edihbe mokpaa, dwè, ze pàh é foo é l'elu elɛl.

2 Timotɛ 1:8

Ebe no, ajoʼo fwon é lɔb sa bɨna ndɨ eboʼlo ga, tiibe e Da Yesʉs ɨ. Laa ó, go joʼa mboʼla waa fwon, fuo dihbe yɛɛ mɨtuu lé entɨhɔ bɨna é lɔb Mbɨambɨa Lɔɔ ɛ. Go à dihbe é zi nkul Zyɛm lé edwe e. Ajoʼo nteme me fwon, mɛm ndɨ mbʉʼ we e.

2 Timotɛ 2:7

Baʼla ekan me tile go lɨ, ebe, Da Yesʉs ódwe go ocyoo é mɨpaʼ mimyɛh.