2 Timotɛ 2:7 - Kálara Zyɛ̌m Edwán é mpʉ̌n

⁷ Baʼla ekan me tile go lɨ, ebe, Da Yesʉs ódwe go ocyoo é mɨpaʼ mimyɛh.

Kálar Nzyɛ̌m : Ejwán é Sáá

⁷ Kʉ́ gwá baʼle ékǎn mê lɛ́ɛ́ gó lɨ̂, ebě, Nzyɛ̌m ódwe gó ocwóó ɨ́ mipáʼ mímyɛ̂h.

2 Timotɛ 2:7 ပူးပေါင်းရင်းမြစ်များ

Jacques 1:5

ǃƗ nuu mʉr é mbɛr Zyɛm win si bee ó, ocyoo, wé ejɨ sa nye sɔɔlʉ nɛʼɛ, nye jaʼa Zyɛm wa. Nye ódwe nye wa. Zyɛm, nye edwe bʉr bɨbɛh ó, é ntuʼ-ntu-ntuʼ, atam be.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Lʉkas 24:45

Nye ntɔʼ dib be zi egʉa sa ndɨ tila é Kalara Zyɛm ɨ.

Yʉanes 14:26

Mʉr ndɨ ekamle e bɨn ɨ, nye ó Mbɨambɨa Sisim. Sɔŋ wam ólomlo bɨn wa ó, é die lam. Nye óyeʼle bɨn sa yiyɛh, lé ejɨm bɨn bɨtoŋla é lɔb sa yiyɛh me a lɛɛ-lɛɛ bɨn ɨ.

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

1 Timotɛ 4:15

Saʼ zyee lé eloŋlo bɨsyɛɛla byaa, le egba nyʉl tɨʼ é dwiii. No ó bʉr bɨbɛh, bé óbee mpʉ go óto dolo lé esea bye e.

Kolosi 1:9

Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

Yʉanes 16:13

É jɔʼ Sisim Ocyecye, wé ópyal é bɨn ɨ, wé ólɛʼle bɨn ocyecye wiwɛh. Wé aŋa lwib njɨ e nkul we. Wé ólɛɛ sa wé a pa joʼo e. Wé nteme, wé ólɛɛ bɨn sa muno ze syɛɛlɨ ɨ.

Lʉkas 21:15

ebe, me mʉr tɨ, me óbɛa dwe bɨn mokan e pɨʼ, é mbi ndɨ ó, bʉr o ndɨ esa bɨn mongan ɨ, bé óbe, abe e nkul eka pɨr, nkʉ tɨ mɨlɛa min ɨ.

Ebrœ̂ 13:7

Toŋla ga ocyɛb be efoʼ bɨn, baa b'a lɛɛ-lɛɛ bɨn lɔɔ Zyɛm ɨ. Toŋla ga ebò e cyen bé a kœʼ œ, e ndumlo bɨtiʼ byɔɔ. Jyɛʼɛ ga taa buʼo yin boo Zyɛm mpʉ bé a sa ɛ.

Ebrœ̂ 12:3

Toŋla ga nye. Toŋla ga mpʉ osyɛl o mɨsyem bé a sa-sa nye mosono, nyɛɛ njɨ lé edihbe be e. Dɨʼe toŋlo ga no, bɨn nkʉʼ be, akar mɨtuu, nkʉ cyɛʼ.

Ebrœ̂ 7:4

Mbe ga! Abraham, sɔŋ bwa b'Ɨzraɛl bɨbɛh, a be ó mʉr nɨnɨ, nye nteme lé edwe Mɛlkisedɛk nkɔb ewʉm é bɨsa nye a bula e bye é dɔm ɨ.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Filipi 4:8

Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

1 Korɛnt 12:8

Mbɨambɨa Sisim, nye enol nwaʼ mʉr bɨntɔɔ ó, nye diʼe e l'ocyoo é lwib. Nye enol nuu mʉr bɨntɔɔ bɨ ngwɨa é bɨsa nye lé elwib ɨ.

Mɨlʉmlʉ 7:10

Zyɛm ze pɛʼ nye é mɨtuu e mɨndɛl mye mimyɛh. Nye ze sa ó, nye biʼe nkɔb é leme ncwɨncwɨa mo Faraɔŋ, njwɨɨbʉr lal Egipten. Nye a bee nye nteme ó e l'ocyoo. Nye ntɔʼ cyel nye é dia kpaman mo Faraɔŋ a dɨ jwɨ̀ʼ bʉr o b'Egipten ndwe e mbɛr bʉr mo Faraɔŋ wiwɛh ɛ.

Jacques 3:15

ebe, ocyoo win waa, wé aduho boo Zyɛm. Sa ocyoo yaa, yé eduho ó, é si nwa. Yé eduho nteme ó boo moleme.

Lʉkas 9:44

«Bɨn bɛɛ, bɨn bé à kʉ gʉa mɛr ekan me muno ze lɛɛ bɨn é bananaʼ lɨ: Mwan mo Mʉr mu ó kunokuno le ekɛhɔ é mobo mo bʉr.»

2 Timotɛ 2:6

Syɛl mosa ndɨ egʉa sea ɛ, nye ó ndɨ ejala le etaare bi mode lé epah é peme e. Mode maa ó ndɨ nkɔb we.

2 Timotɛ 2:8

Dɨʼe toŋlo Yesʉs-Krɨst, nta mo David a pàh ɛ, mpʉ Mbɨambɨa Lɔɔ wam lé elɛɛ ɛ.