2 Timotɛ 2:2 - Kálara Zyɛ̌m Edwán é mpʉ̌n

² Sikʉlʉ yiyɛh go a joʼo me lé edwe, yaa buobuo oboʼla bé a joʼo e, pɛhɛ bʉr be ebuʼla. Go à dwe be ya. Bɛɛ bé ófuʼla to le edwe bʉʉ bʉr sikʉlʉ gwar yaa.

Kálar Nzyɛ̌m : Ejwán é Sáá

² Lɛ́ʼlá wɨ́wɛ̂h gó á jóʼo me lɨ́ edwě buobuo oboʼlo wɨ́, pɛ́hɛ́ɛ́ bʉ̂r o jálá le ebúʼlɔɔ bá, go e lɛ́ɛ́ bé wǎ. Bé bʉr o tɨ̂ʼ ósûʼla ó, bʉr o ngá tô le elɛ́ɛ bʉ́ʉ́ bʉ̂r wǎ bá.

2 Timotɛ 2:2 ပူးပေါင်းရင်းမြစ်များ

1 Timotɛ 4:6

ǃGo óntɛŋ-ntɛŋ obuʼla sikʉlʉ yiʼ nɛʼɛ, go óbe ó mpaŋ syɛl mosa mo Yesʉs-Krɨst! Go óyeʼle mɨlɔb mɨ buʼo ga yina é zi waa, le edwe mpaŋ sikʉlʉ go a bɛa jwɨʼ é jɔʼ go a be é l'oncyom go e.

1 Timotɛ 6:12

Bɨn e bʉr lé ejyɛʼ taa buʼo yɔɔ boo Zyɛm ɨ, fwɛmla ga, tɛlɨ ga mbɨmbɨa, bɨn biʼe tiʼ molu mo mpoʼ mɨmɛh. Zyɛm a jebe go ó, go biʼe tiʼ yaa. Yé a pyal go ó, é jɔʼ go a mɛʼle ocyecye é mih mo bʉr é buobuo e.

2 Timotɛ 3:10

Gwɔɔ mu ó si kʉ gʉa bee mpʉ me lé eyeʼle e, bee nteme ebò e cyen me lé ekœʼ œ. Go a si gʉa mɨtiʼa mɨ leme wam ndwe e buʼo yam. Go egʉa nteme bihbe wam, kpɛl yam, ndwe e mpʉ me lé ebɔma e mɨtuu ɨ.

Lʉkas 12:42

Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ.

1 Timotɛ 1:18

Mwan wam Timote, me edwe go motɨɨ maʼ ó, lé edu lɛa ogwiha o mɨlɔb bé a lɛɛ, tiibe e go e. ǃGo si baʼle motɨɨ maa nɛʼɛ, go ógʉa lwimla dɔm.

1 Timotɛ 1:12

Zyoo e Tî ga wina Yesʉs-Krɨst, ebe, nye a si dwe me nkul é syɛɛ yam yi. Nye a láa ó, me ó mʉr ebuʼla, nye ntɔʼ cyel me é syɛɛ ye,

1 Timotɛ 4:14

Anyamle pyeh ndwɛa go, waa Zyɛm a dwe go é jɔʼ ocyɛb be efoʼ o mbɛr Zyɛm win, bé a kɛl go mobo, le egwih mɨlɔb mo Zyɛm é l'efu lo e.

1 Korɛnt 4:2

Sa bé lé ejɨ bee boo mbɔʼlʉ ekuro e, yé ó, nye diʼe mʉr ebuʼla.

2 Timotɛ 3:14

No ó, sa go a jwɨʼ, gʉa nteme ó, yé ó tɨʼ ɨ, yé diʼe go mboʼla é leme. Anyamle jɨha mɨmbi mɨ bʉr o b'a dwe go sikʉlʉ yaa ɛ!

Kolosi 1:7

Lɔɔ waa, wé ó bɨn bé a joʼo boo Epafras ɨ. Nye ó mɨɔ kpɛl wih, mʉr bɨh e boo nɔɔ ndɨ é l'empomo e syɛɛ egwar ɨ. Nye ó syɛl mosa Krɨst a ntɨh bɨn, waa ndɨ mʉr ebuʼla ɛ.

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

1 Timotɛ 5:22

Akpahbe kɛl mʉr mobo é lʉ, nkʉ sʉ nye mocyɛʼ mo mpom, ó nye cyelɔ é dia ɨ Mbɛr-Zyɛm tʉŋlʉ. ǃGo óbe si sa no nɛʼɛ, go amu jaa tœb mɨsyem myoonkan é zi waa. é nko paʼ ebò e cyen go lé ekœʼ œ, lé diʼe é pememe.

Mataos 24:25

Mbe ga: mɨ bal bɨn é lɔb bɨsyɛɛla byaa, byé l'apa syɛɛ ó nɨ.»

Mataos 13:52

Nye ze lɛɛ e be ó: «Ebe no, yeʼle motie nyiwɛh mu mpʉn é jwɨ̀ʼa mo Da ɛ, nye enwɨɨla ó e mʉr mbɛr lé eto-to é l'ekʉm le, to nʉa-nʉa bɨsa bye tɨʼ ɨ. Yiʼ jɔʼ, nye ebula ó e bɨsa modwan; yʉʉ jɔʼ, bula e bɨsa bɨmya.»

2 Korɛnt 2:14

Bɨna dweʼ ga Zyɛm ekiba. Yesʉs-Krɨst, nye ó lé eliʼle bɨna ga é jɔʼ yiyɛh é l'ebʉʼ e bɨsʉhʉ, lé esoho onkɔɔ we. Bɨna ga ó ndɨ edu ga nye é koo pihe é l'asisia we. Nye nteme ó lé esa ó, bɨna dweʼ ga bʉr sikʉlʉ lé esa ó, bé gʉŋa nye e. Nye esa bɨna ga no ó, é gumo yiyɛh. Bɨna ga mu ó mpʉ motwina mo ndwam lé epyɛl mbɨambɨa monumo e.

2 Korɛnt 3:5

Yé akunbo ba e bɨh ó, bɨh lɛŋɨ ó, bɨh bé ó mbi bʉr o ndɨ ejala le esea nye syɛɛ yaa ɛ. Nkul ndɨ ó, bɨh sea nye ya ɛ, nye aduho é bɨh. Nye eduho ó, é Zyɛm.