2 Timotɛ 1:9 - Kálara Zyɛ̌m Edwán é mpʉ̌n

⁹ Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Kálar Nzyɛ̌m : Ejwán é Sáá

⁹ Nye á si tíʼ mɨná, ntɔ̂ʼ jébe mɨ́ná ó, mɨná díʼee bʉr o dí egúmo e né bá. Nye á bé ajébe mɨ́ná ɨ́ lɔ̌b bísyɛ́ɛla bimpâ bíná. Nye á jébe mɨná gá ó, ɨ́ lɔ̌b bíjwɨʼ byé nye mʉr tɨ̂, le mpam nyé á be e né, nyaá nyé á be ó, nye ólɛ̂ʼle mɨ́ná nyɨ́. Nye á boo cwɨ́a e mɨná ó, kʉ́ e sí apǎ bě kuhá. Jɔʼ yaá ó nyé á nyɛɛ cwɨ́a e mɨná ɨ́ nzɨ̌ mé Yésʉs-Krîst yɨ́.

2 Timotɛ 1:9 ပူးပေါင်းရင်းမြစ်များ

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

Títos 1:2

É mbi waa ó bé ódi e mbɛla ó, bé óbi tiʼ molu mo mpoʼ mɨmɛh, yaa yé a bɛa kɛʼɔ be, kʉ e si l'apa cyeŋɔ ɛ. Zyɛm ó b'a kɛʼ be tiʼ yaa, nyɛɛ waa ndɨ abe lé elɛɛ mpʉl ɨ.

Rôm 9:11

Zyɛm a lɛɛ nye ó: «Tʉl óbe ó syɛl mosa mo ncyom we.» É jɔʼ Zyɛm a lɛɛ no e, lʉʉ egbah, lé a baapa byɛl, apa sa syɛɛla gwar, nkʉ mpaŋ syɛɛla ngwar, nkʉ syɛɛla ebebe gwar. Zyɛm a sa no ó, lé elɛʼle ó, nye esa bɨsa bye ó mpʉ nye lé ekpɛl ɨ. Nye epɛh mʉr, le ejebe nye ó, lé edu mɨtiʼa mɨ leme we nye mʉr tɨ. Nye apɛh mʉr é dɔɔ mɨmpaŋ bɨsyɛɛla mʉr waa a taare sa ɛ.

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

Éfɛsɔs 1:11

Bɨh oYʉden, bɨ syɛŋa é Yesʉs-Krɨst tʉŋlʉ ebe pɛha Zyɛm a pɛh bɨh ó, bɨh diʼe baa be, lé edu mɨtiila mɨ leme we. Nye ó mʉr lé egba nyʉl é sa ye yiyɛh, waa ndɨ esa ó, bɨsa bibyɛh, byé duʼo bɨgwɨma bɨ leme we e.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

1 Pyɛr 1:20

Zyɛm Sɔŋ a be ó si bɛa gʉa ó, Krɨst ójɛna mobyaʼ maa, taare é jɔʼ kʉ e si, byé a baapa cyeŋɔ ɛ. Nye ze nyin é jɔʼ yi, é l'esie e mbi jɔʼ yiʼ ó, é l'efu lɨn.

Yʉanes 17:9

«Me ejwɨʼla e go é l'efu lɔɔ. Me ajwɨʼla é l'efu e bʉr o ndɨ egumo e si nwaʼ ɛ, njɨ é l'efu e bʉr go a ntɨh me e, ebe, bɨha, bé ó bo.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Éfɛsɔs 2:5

É jɔʼ bɨna bé a be ga odwè é nko paʼ sisim, duho é motie bɨna bé a ntaa ga ɛ, nye a si bana pɛ̀h bɨna ga é mofoo é jɔʼ nye a pɛ̀h Krɨst é we foo e,— bɨn bé a bi tiʼ molu mo mpoʼ mɨmɛh ó, é zi ncwɨncwɨa Zyɛm a lɛʼle bɨn ɨ.

1 Tesalonika 4:7

Zyɛm a jebe bɨna ga ó, bɨna diʼe ga bʉr o ndɨ ti ɨ, abe baa ndɨ elama fwon njɨ lé edu bɨjyɛʼ byɔɔ ɛ.

1 Korɛnt 1:18

É jɔʼ bɨh ndɨ ebɔma e bʉr o ndɨ egʉmla é bebebebe zi ɨ, é jɔʼ bɨh ndɨ etuno be lɔɔ efie mo Yesʉs é klos kʉ ɨ, mbea wɔɔ, wé ó tuno waa, wé ó lɔɔ ogʉ. No ó, mbɛa ga wina, bɨna ga bʉr o mu lé ebi tiʼ molu mo mpoʼ mɨmɛh ɛ, wé ó anɨnɨn nkul mo Zyɛm.

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Mɨngwiha 17:8

Tir go a bee e, a bɛa ó be é jɔʼ mya. To kœb ó, nye aka be. Yi ka liʼ titia, nye ópàh, ze pʉʼa é Bɨ-siʼe. ǃNye si pʉʼa tɨʼ nɛʼɛ, nye òdwè. Zyɛm a si tile mie mo bʉr é kalara tiʼ tʉŋlʉ, duho é l'etɛɛrɨ e si nwa. No ó, bʉr o mie mɔɔ ndɨ l'anyin é kalara tiʼ waa ɛ, bé óbul jehe tir waa, ebe, bé óbee ó, nye a be ó si taare tiʼe. Nye ze dwè. Bé óbee nye nteme lé ebula pàh.

Éfɛsɔs 3:11

É jɔʼ kʉ e si, byé a baapa be e, Zyɛm a bɛa tiʼe é leme we ó, nye óze dira jwɨʼ ye ó, é zi mo Tî ga wina Yesʉs-Krɨst.

Rôm 3:20

Mʉr ákwoʼ bi mokebe é mih mo Zyɛm ebe mbi nye lé edu motie e. Motie, mé ekʉ ka sea syɛɛ ó njɨ yaa elɛʼle bɨna ga ó, bɨna ga bé ó bʉr o mɨsyem.

1 Timotɛ 1:1

Mɛm Pol lʉmlʉ mo Yesʉs-Krɨst, ó lé etile go kalara nwa. Zyɛm, Tiʼbʉr ga wina, bé e Yesʉs-Krɨst, waa lé egba bɨna ga mbɛla é mɨleme e, bé ó b'a nʉa tiʼa ó, me diʼe lʉmlʉ.

Éfɛsɔs 1:9

Nye ecyɛb bɨna ga é mɨleme ó, bɨna gʉŋa ga jwɨʼ nye a bɛa bà, yaa yé a lɛɔ é lwib odim ɨ. Yé ó sa nye a ka sa é gwɨma ye nye mʉr tɨʼ ɨ.

Rôm 9:24

Sama bʉr baa, bé ó baa Zyɛm a pɛh ɛ. Nye a baapɛh-pɛh njɨ é kul bʉr oYʉden tʉŋlʉ. Nye a pɛh bʉr ó, é bɨkul bɨfih!

Lʉkas 10:21

É jɔʼ gwar yaa, Mbɨambɨa Sisim ze loŋlo leme mo Yesʉs e bɨsʉhʉ. No ó nye a lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ. Da, yé ó no! Me ekʉ dwiibɨ go, ebe, go a bɛa tiʼe é leme go ó, yé syɛŋɨ no.

Mataos 1:21

Nye óbya ma mʉrʉm. Go ójwɨr nye die ó Yesʉs, ebe, nye ó ngo tiʼ kul bʉr ye, lé edwih ye é mpila mɨsyem myɔɔ é pololo.»

Mɨlʉmlʉ 2:47

Bé a be ó lé edwe Zyɛm kum. Bʉr bɨbɛh, bé a be ó lé eseʼle be. É dobo lɨlɛh, Da a be ó lé edwe bʉr tiʼ molu mo mpoʼ mɨmɛh, le eko be é mbɛr Zyɛm wɔɔ.

Mɨlʉmlʉ 15:18

waa lé ebɛa gʉa bye, taare mya ɛ.”»

Rôm 11:14

Me esa no ó, me nkʉʼ gba kul bʉr yam egu é mɨleme. Diŋa ó, bʉʉ bʉr o sama yih, bé óze bi tiʼ molu mo mpoʼ mɨmɛh é zi waa,

Rôm 11:29

ebe, é jɔʼ nye mu si tiʼe é leme we ó, nye jebe ó mʉr fih mʉr kɛ̀l, le edwe nye mɨndwɛa mye e, nye aŋa ka siila mɨtiʼa mɨ efoʼ myaa pie tɨ.

Filipi 3:14

Me egba nyʉl lé eto dolo, to pyal é l'odumo. Me egwɨm mompɔʼ mo Zyɛm. Nye ejebe bɨna ga ó, bɨna toʼ, to bi ga mompɔʼ me é zi mo Yesʉs-Krɨst. Mɛɛ, mé ó koma é jobo kʉ.

2 Timotɛ 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile go e. Me etile ó, é l'efu le etuno nkɛʼ tiʼ molu mo mpoʼ mɨmɛh nye a liʼe bɨna ga e wa ɛ. Bɨna bé óbi tiʼ molu mo mpoʼ mɨmɛh yaa ó, é zyɛŋa ga wina boo Yesʉs-Krɨst.