2 Timotɛ 1:7 - Kálara Zyɛ̌m Edwán é mpʉ̌n

⁷ ebe, sisim Zyɛm a ntɨh bɨna bɛɛ ɛ, wé abe sisim bʉa. Wé ó sisim nkul, sisim kpɛl, sisim bihbe.

Kálar Nzyɛ̌m : Ejwán é Sáá

⁷ Ebě, Sísǐm Nzyɛ̌m á ntɨh mɨná gá wɨ́, wé adwe mɨ́ná gá bʉ́á. Wé ó sísǐm nkûl, sísǐm kpɛ̌l ti e waá bíhwó.

2 Timotɛ 1:7 ပူးပေါင်းရင်းမြစ်များ

Rôm 8:15

Sisim Zyɛm a ntɨh bɨn ɨ, wé abe lé edil bɨn é dia olʉa é l'efu ó, bɨn bâʼla joʼo bʉa. Wé etœʼ bɨn si, ze cyel bɨn é dia bwan o mobœʼa mo Zyɛm. Wé ó ndɨ esa ó, bɨna jeba ga Zyɛm kʉ kʉ ó: «Abba! Da!»

1 Yʉanes 4:18

Bʉa bé e kpɛl, byé abe e nkul esyɛŋa. Yé be ó, kpɛl mo Zyɛm, yi ni mʉr é leme nɛʼɛ, yé ekɛ̂m bʉa é leme we. Mʉr dina e bʉa ɛ, nye ebono bɨntɨʼa nye ókabɔ ɛ. Waa ndɨ e bʉa é leme e, nye dina ó apa jʉʼra kpɛl mo Zyɛm. Kpɛl ye, yé apa fwahle syɛɛ ye é mɨpaʼ mimyɛh.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Yʉanes 14:27

«Motala ó me lé eliʼe bɨn e ma ma. Motala mam ó me lé edwe bɨn ma. Me adwe bɨn motala mam mpʉ bʉr o si nwaʼ lé edweela bɨsɔʼɔ, ka bula dɛn bye e. Asyɛl ga ba. Ajoʼo ga bʉa.

Lʉkas 10:19

Mbe ga: me a si dwe bɨn nkul mojwɨ̀ʼa é l'efu ó, bɨn tiba onyʉa ndwe e bɨkʉʼlɨl, le nkul ó, bɨn ntaŋa monkul mo Mʉr dɔm ga wina mɨmɛh. Sa ebebe, yé abe e nkul epyal bɨn.

Mɨlʉmlʉ 1:8

Bɨn bé óbi nkul é jɔʼ Mbɨambɨa Sisim wé ófulo bɨn é monyʉl ɨ. No ó, bɨn bé óbe ó oboʼla o lɔb wam, taare ɨ Yerʉsalɛm, le mokwar mo Yʉda mɨmɛh, ndwe e maa mo Samari, to pyal é modumo mo si mɨpaʼ mimyɛh.»

Rôm 5:5

ǃƗ mbɛla si loŋlo mʉr é leme nɛʼɛ, mʉr waa, nye aŋa ka bil fwon, ebe, Zyɛm, nyi lɛʼle bɨna ga mpʉ nye lé ekpɛl bɨna ga ɛ. Nye a lɛʼle bɨna ga no ó, é zi Mbɨambɨa Sisim, waa nye a ntɨh bɨna ga ɛ.

Ebrœ̂ 2:15

Nye a dwè nteme ó, nye pɛʼɛ bɨna ga é l'okomo, ebe, bɨna bé a taare lɛŋ ga bɨtiʼ ga bina ó, kɛʼa é l'okomo. Bɨna bé a di-di ga é nkara waa ó, é kpɛɛ efie.

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

1 Korɛnt 2:4

Lwib yam ndwe e mbi me a cen mpaŋla mo Zyɛm ɨ, byé a baabe bɨlwib ndɨ lwɨŋla e l'ocyoo o mbi jɔʼ yi. Sa yé a tine bɨn ó, bɨn buʼla sikʉlʉ yaa ɛ, yé a be ó, bɨsyɛɛla Mbɨambɨa Sisim a sa e nkul we e.

Lʉkas 24:49

No ó, me ótaare lé entɨh bɨn sa Sɔŋ wam a kɛʼ bɨn ɨ. Diʼe ga wâʼ é nkana yi, lé ebono dobo nye óntɨh bɨn nkul ɨ. Nkul waa óduho nye ye, é jobo kʉ.»

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Mɨlʉmlʉ 21:13

Nye a bɨha ó: «Ebe yé bɨn lé ejɨ, le esaa ó, me tʉlɨ e l'edwe ɛ? Ebe, é nko paʼ wam, mɨ mɛʼle sa yaa yiyɛh, abe njɨ ekaʼɔ monkara. Me ó é car ó, me dwèʼ ɨ Yerʉsalɛm é l'efu e die mo Da Yesʉs.»

Kolosi 1:8

Nye ó b'a lɛɛ bɨh kpɛl Mbɨambɨa Sisim a dwe bɨn é l'efu le obɨɔ ga bɨna ɛ.

Mɨlʉmlʉ 6:8

Etyɛn a be ó mʉr Zyɛm a sʉ mocyɛʼ mo mpom me, waa nye a gba buobuo nkul é nyʉl ɨ. Nye a be-be ó lé esa bɨbwaʼbwaʼ bɨsa bɨ jehe ndwe e bɨdweʼle bɨ nkul é mih mo bʉr.

Mɨlʉmlʉ 9:22

Sol nyɛɛ a kʉ lɛɛ-lɛɛ be sɔʼɔ ó, njɨ lɔɔ waa e buobuo nkul. OYʉden bé a di-di Damas ɨ, bé a baagʉa ekan bé lɛŋɨ. Nye a si dwe be bɨdweʼle byé a kʉ lɛʼle be ó, Lœma mulo mo Zyɛm ó ndɨ Yesʉs.

Lʉkas 8:35

Bʉr ntɔʼ tɨbla é mokwar mɔɔ, lé eze beɔ sa syɛɛlɨ ɨ. É jɔʼ bé a pyal gumo Yesʉs a be e, bé a kʉ kœb ó, mʉr a dwihɔ moleme e, nye mu ndindil e mɨkan é nyʉl, e pɨʼ we nyiwɛh. Nye a be ó é nkpah mokʉ mo Yesʉs. Bʉr o b'a ze e, kʉ ze jehɔ nye.

Mɨlʉmlʉ 26:25

No ó, Pol a bɨha e nye ó: «Tamamʉr Fɛstwis! Me abe gʉ. Mokan me lé elɛɛ ɛ, mé ó cyecye; mé ó e pɨʼ.

Lʉkas 15:17

«Pie tɨ, ogʉ, wé osi sie nye é lʉ nɛʼɛ, nye ntɔʼ ze bula bi pɨʼ. Nye ó: “Osyɛl o mosa mo sɔŋ wam, bé entuʼba e mode, mɛm lé eze dwè za wâ!

Mɨlʉmlʉ 26:11

É jɔʼ yiyɛh, me a be lé eto é mompah mɨnjwɨʼla ó, me nkʉʼ kab be bɨntɨʼa. Me a tine be ó, bé lwɨŋɨ Yesʉs. Empime lam, lé a bul bwaʼ ó bwaʼa, to pyal é jɔʼ me a to pyal é bɨnkana mɨlal mɨfih, to tíile be.