2 Timotɛ 1:5 - Kálara Zyɛ̌m Edwán é mpʉ̌n

⁵ Me esa nteme ó, toŋlo-toŋlo buʼo yo ndɨ eduho é mo si ɨ. Yé ó mbi buʼo ngwar e ngwar nyɔŋ mpam go Lɔyis bé e nyʉŋ Enike, bé a be e ye e. Mɨ kʉ gʉa nteme ó, mbi buʼo waa ó ndɨ go nteme é leme.

Kálar Nzyɛ̌m : Ejwán é Sáá

⁵ Mě sá ntémé ó, sîsimsǎ búʼó yô dí abě mbáʼrá e mikóo yɨ́. Yé ó mbǐ búʼó ngwár e ngwár nyɔ́ŋ mpám gǒ Lɔyîs, bé e nyʉ̌ŋ Eníke, bé á be e yé yɨ́. Me lɨ́ ekʉ́ gʉ́a ɨ́ lémé wâm ó, mbǐ búʼó waá ó dí go ntémé ɨ́ léme wɨ́.

2 Timotɛ 1:5 ပူးပေါင်းရင်းမြစ်များ

1 Timotɛ 1:5

Motɨɨ go ódɨ dwe e, ndumlo tɨ, wé ó, bɨna kpɛlɨ ga Zyɛm, kpɛl yaa lé eduho bɨna é mɨmo si ɨ. Mɨpɛhla mɨleme ga mina, myé diʼe é pyɛɛɛ, mɨleme myɛɛ lwɨŋla e mpaŋ buʼo ndɨ abe mbaʼra e bɨkʉʉŋʉ ɨ.

Mɨlʉmlʉ 16:1

Pol ze pyal ɨ Dɛrbe ndwe e Listra. Nuu mpʉn a byɛl ó Listra, die le Timote. Nyɔŋ a be ó sile Yʉden wé a be mbuʼla ɛ. Sɔŋ we nyɛɛ a be ó mʉr Grɛs.

1 Timotɛ 4:6

ǃGo óntɛŋ-ntɛŋ obuʼla sikʉlʉ yiʼ nɛʼɛ, go óbe ó mpaŋ syɛl mosa mo Yesʉs-Krɨst! Go óyeʼle mɨlɔb mɨ buʼo ga yina é zi waa, le edwe mpaŋ sikʉlʉ go a bɛa jwɨʼ é jɔʼ go a be é l'oncyom go e.

2 Timotɛ 3:15

Toŋla nteme mpʉ go a bɛa taare gʉa Kalara Zyɛm, duho é l'oncyom go e. Kalara waa, nye ó e nkul ecɨl bɨna. Ocyoo waa, wé elɛʼle bɨna ó ejyɛʼ taa buʼo yina boo Yesʉs-Krɨst. Buʼo yaa ó ndɨ edwe bɨna tiʼ molu mo mpoʼ mɨmɛh.

Rôm 15:14

Obɨɔ ga bam aa! Mɨ kʉ gʉa ó, bɨn bé ó lwɨŋla e ncwɨncwɨa ndwe e ngwɨa. Bɨn mu ó e nkul edweela motɨɨ paʼra win.

Ebrœ̂ 6:9

Obɨɔ o kpɛl bam aa! Bɨh dam lwib no, mɨ kʉ gʉa é lɔb win ó, sa ndɨ é mbɨa, laa bɨkɔ́ɔlʉ le mosyomlʉ ndwe e modiʼe e, yé ó bɨn zi dolo. Sa yaa, yé ó mpaŋ tiʼ molu mo mpoʼ mɨmɛh.

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

2 Korɛnt 6:6

Bɨh bé elɛʼle bɨn bɨdweʼle, sa yé a lɛʼle bɨn ó, bɨh bé ó mɨlʉmlʉ ɨ. Yé a be ó: é l'ebò e cyen lɨh lé a be é pememe e, é ngwɨa wih, é bihbe wih, é ncwɨncwɨa wih, é bɨsyɛɛla bɨh lé esa é Mbɨambɨa Sisim ɨ, é kpɛl ndɨ eduho bɨh é mɨmo si ɨ,

Rôm 8:38

Eee, mɨ kʉ gʉa ó, dam be efie, dam be tiʼ, dam be beengles, dam be mɨsisim mɨ apum, dam be mɨtuu mɨ banana, dam be myaa bɨjɔʼ lé eze e, dam be mɨnjɨh,

Rôm 4:21

Nye a kʉ gʉa ó, Zyɛm a be ó e nkul edwe nye sa nye a kɛʼ nye e.

Ebrœ̂ 11:13

Bʉr onɨ bɨbɛh, bé a dwè ó, bé dina lé ejyɛʼ taa buʼo yɔɔ boo Zyɛm, bé l'apa bi yɛɛ sa nye a kɛʼ be e. Sa gwar, bé a bee sa nye a kɛʼ be ó, yé dina jaabe, bé ze soho ye. Bé a kʉ gʉa é l'ocyecye ó, bé ó ojyoo nkʉ mɨngbaalaŋa é si nwa.

Rôm 14:14

É zyɛŋa wih boo Da Yesʉs, mɨ kʉ gʉa nteme ó, ntʉʼ sa ede yé mʉr tɨʼ ndɨ e nkul elœʼ mʉr é mih mo Zyɛm. Sa gwar, ǃɨ mʉr si de mode maa nɛʼɛ, ǃnye si pahle ó, yé óbɛm lœʼ nye é mih mo Zyɛm wa, mode maa, mé ó cyecye lwaʼ é leme we.

Rôm 14:5

Bʉr ba, bé ejwɨʼ ó, myʉʉ mɨmoho, myé elaa myʉʉ é modile. Bʉʉ bʉr bɛɛ, bé ejwɨʼ ó, mɨmoho mimyɛh, myé edile ó jwɨʼ gwar. Bɨsyɛɛla bɨ mbuʼla nyiwɛh, byé ejala le eduho ó, é l'ocɨcyel o mɨpɛhla mɨ leme we.

Mɨlʉmlʉ 26:26

Njwɨɨbʉr Agripa a si lɛɔ bɨsa bi. No ó me e nkul elwib é kpɛŋlɛm, abe e bʉa é mih me. Mɨ kʉ gʉa ó, nye ajeʼe sa gwar tɨ, ebe, bɨsyɛɛla bɨ tɨ, byé a baasyɛɛ é l'efo.

Yʉanes 1:47

É jɔʼ Yesʉs a bee Natanaɛl lé eze nko nye a be e, nye ó: «Go bana kʉ be cyecye mʉr Ɨzraɛl, abe e bɨkʉʉŋʉ!»

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.