2 Timotɛ 1:3 - Kálara Zyɛ̌m Edwán é mpʉ̌n

³ Me edwe Zyɛm ekiba é jɔʼ yiyɛh. Me esa zyee lé esa mɨnjwɨʼla é l'efu lo, moho e pum. Me esea syɛɛ ye ó e mɨpɛhla mɨ leme ndɨ é pyɛɛɛ ɛ, jwɨʼ gwar mpʉ bɨmpam byam, byé a dɨ sea nye ya ɛ.

Kálar Nzyɛ̌m : Ejwán é Sáá

³ Me lɨ́ edwě Nzyɛ̌m nzyǒo ɨ́ jɔʼ yɨ́yɛ̂h. Me lɨ́ esâ sɨ́n lɨ́ esâ mínjɨʼla ɨ́ lɔ̌b gô, móhó e pum. Mě séá nyé syɛ́ɛ́ yaá ó e mipahlá mí léme mi dí ɨ́ pyɛɛɛ mí, jwɨʼ gwár mpʉ bímpám byâm, byé á sɨsâ nye yǎ yɨ́.

2 Timotɛ 1:3 ပူးပေါင်းရင်းမြစ်များ

Ebrœ̂ 13:8

Mpʉ Yesʉs-Krɨst a be kʉʼ ɨ, mpʉ yaa nteme ó nye ndɨ muh. Nye ódi nteme ó no, njʉmdia e njʉmdia.

Mɨlʉmlʉ 23:1

No ó, Pol a dwɛʼ bʉr o Bʉm Nɨnɨ é tʉʉʉŋ. Nye ó: «Obɨɔ ga bam aa! Me e leme é mo é pyɛɛɛ lé etiʼe é mih mo Zyɛm, ze pyal é muh é dobo lɨ.»

Mɨlʉmlʉ 24:14

No ó, me ekʉ mɛʼle yɛɛ ó, me edwiibɨ Zyɛm bɨmpam bih lé edu Zi Tiʼ. Zi waa, nye ó buʼo bɛɛ lé elɛɛ ó, yé é bebe e. Mɛm, me ebuʼla sa yiyɛh ndɨ tila é motie mo Moyiz ndwe e sikʉlʉ ogwiha o mɨlɔb bé a dwe e.

1 Timotɛ 1:19

Go óbaʼle buʼo yo e mɨpɛhla mɨ leme ndɨ é pyɛɛɛ ɛ. Bʉʉ bʉr, bé a si tine buʼo yina, buʼo yɔɔ yaa ntɔʼ lɨra, mpʉ titima lé edɨ é modibe, dim ɨ.

1 Timotɛ 1:5

Motɨɨ go ódɨ dwe e, ndumlo tɨ, wé ó, bɨna kpɛlɨ ga Zyɛm, kpɛl yaa lé eduho bɨna é mɨmo si ɨ. Mɨpɛhla mɨleme ga mina, myé diʼe é pyɛɛɛ, mɨleme myɛɛ lwɨŋla e mpaŋ buʼo ndɨ abe mbaʼra e bɨkʉʉŋʉ ɨ.

Mɨlʉmlʉ 24:16

Ebe no, me egba nyʉl lé ekœʼ ebò e cyen ndɨ cɨcyel é mih mo Zyɛm le maa mo bʉr ɨ. Mɨpɛhla mɨ leme wam, wé ó é pyɛɛɛ.

Mɨlʉmlʉ 22:3

«Me ó Yʉden. Me a byɛl ó, Tarsʉs é lal Silisia. Me a ka ze lele mʉrʉm ó wâ. Me a be ó mwa sikʉlʉ mo Gamalyɛl. Nye ó b'a dwe me sikʉlʉ é mpʉ bɨna lé ejala le edu motie bɨmpam ga bina, byé a liʼe e. Leme wam, wé ó me é ntɨɨɨŋ ó, me dwiibɨ Zyɛm, jwɨʼ gwar e gwar mpʉ bɨn ndɨ nɨ, ze pyal é muh é dobo lɨ.

2 Timotɛ 3:15

Toŋla nteme mpʉ go a bɛa taare gʉa Kalara Zyɛm, duho é l'oncyom go e. Kalara waa, nye ó e nkul ecɨl bɨna. Ocyoo waa, wé elɛʼle bɨna ó ejyɛʼ taa buʼo yina boo Yesʉs-Krɨst. Buʼo yaa ó ndɨ edwe bɨna tiʼ molu mo mpoʼ mɨmɛh.

2 Timotɛ 1:5

Me esa nteme ó, toŋlo-toŋlo buʼo yo ndɨ eduho é mo si ɨ. Yé ó mbi buʼo ngwar e ngwar nyɔŋ mpam go Lɔyis bé e nyʉŋ Enike, bé a be e ye e. Mɨ kʉ gʉa nteme ó, mbi buʼo waa ó ndɨ go nteme é leme.

1 Tesalonika 3:10

Moho e pum, bɨh bé elaŋle jwɨʼla e Zyɛm ó, bɨna bɛɛla ga mompom. Bɨh bé egwɨm ó, bɨh fwahla syɛɛ bɨh bé a taare sea bɨn ye e, ó buʼo yin, yé l'ayi luʼo ba.

Éfɛsɔs 1:16

me agwaʼ lé edwe nye ekiba é lɔb win é jɔʼ yiyɛh me lé etoŋlo bɨn ɨ.

Galásia 1:14

É bʉr o mya wam, me ó b'a bul du buʼo oYʉden. Leme, wé a be ó me é ntɨɨɨŋ ó, me duʼo mɨnjwɨr bɨmpam bih byé a liʼe bɨh e mye e.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Rôm 9:1

Me ekʉ lɛɛ ocyecye é zyɛŋa wih boo Yesʉs-Krɨst. Me alɛɛ mpʉl. Mɨpɛhla mɨ leme wam, myé ekʉ boʼlo lɔɔ waa é zi mo Mbɨambɨa Sisim.

Mɨlʉmlʉ 27:23

ebe, muh e pum wi, nuu engles si ze gumo me be e. Nye duho ó, boo Zyɛm, waa me lé egumo e nye, waa me lé edwiibɨ ɨ.

Mɨlʉmlʉ 26:4

«OYʉden bɨbɛh, bé egʉa mpʉ tiʼ yam, yé a be-be, taare é l'osoho wam, ze pyal é muh é dobo lɨʼ ɨ. Bé egʉa nteme ó, mpʉ me a gbabla é gumo kul bʉr yam, yé a be e, ntɔʼ ka lele mʉrʉm ɨ Yerʉsalɛm ɨ.

Lʉkas 2:37

njʉm we ze dwè, nyɛɛ ntɔʼ liʼ kuho. Nye a si di é l'ekuho le, to pyal é jɔʼ nye a be, nye mu e mɨmbu mowʉm mwom e mɨnâ ɛ. Nye a baabɔʼa e jahla bii mo Zyɛm. Nye a dwiibɨ Zyɛm tɨʼ ó, moho e pum. Nye a be-be ó lé eti mode e bɨjɔʼ, le ejwɨʼla e Zyɛm.

1 Timotɛ 5:5

No ó, kuho wé a liʼɔ é ntɛʼɛ ɛ, leme we, wé eka liʼ lé eloŋlo e mbɛla ó, njɨ ebe Zyɛm. Moho e pum, wé ó njɨ lé ejwɨʼla e Zyɛm é l'efu le nye mʉr tɨ, ó nye fuʼa we.