2 Timotɛ 1:2 - Kálara Zyɛ̌m Edwán é mpʉ̌n

² Me etile ó, gwɔɔ mwan kpɛl wam Timote. Mocyɛʼ mo mpom, le njwɨʼa-nkoo, le motala mo Zyɛm Sɔŋ bé e Tî ga wina Yesʉs-Krɨst, mé swɨŋɨ é go.

Kálar Nzyɛ̌m : Ejwán é Sáá

² Mě cɛmá ó, gua mwâ kpɛ̌l wǎm Timotɛ̂. Metyɛʼ me mpóm, le njɨ́ʼá nkóó, le mepyɛbla, byé díʼee e go, duho e Nzyɛ̌m Sɔ́ŋ wɨ́ná, bé e Tî gá wɨ́ná Yésʉs-Krîst.

2 Timotɛ 1:2 ပူးပေါင်းရင်းမြစ်များ

2 Timotɛ 2:1

Mwan wam aa! Lela nkul é zi mocyɛʼ mo mpom Zyɛm a sʉ go, maa ndɨ epyal bɨna ga é zyɛŋa ga wina boo Yesʉs-Krɨst ɨ.

1 Timotɛ 1:2

Me etile ó, gwɔɔ Timote, ndɨ me mwan é nko paʼ buʼo e. Mocyɛʼ mo mpom, njwɨʼa-nkoo ndwe e motala mo Zyɛm Sɔŋ bé e Tî ga wina Yesʉs-Krɨst, mé swɨŋɨ é go.

Mɨlʉmlʉ 16:1

Pol ze pyal ɨ Dɛrbe ndwe e Listra. Nuu mpʉn a byɛl ó Listra, die le Timote. Nyɔŋ a be ó sile Yʉden wé a be mbuʼla ɛ. Sɔŋ we nyɛɛ a be ó mʉr Grɛs.

Filipi 4:1

Obɨɔ o kpɛl bam aa! Me ekpɛl bɨn ndwe le egwɨm bâʼle bee bɨn. Bɨn o ndɨ edwe me buobuo bɨsʉhʉ é leme. Bɨn ó ngo sa ó, Zyɛm bœrɨ me epʉʼlʉ é lʉ. Ofo bam, cyɛba ga é nkʉʼʉ é zyɛŋa win boo Da Yesʉs.

Rôm 12:19

Obɨɔ o kpɛl bam aa! Akuna ga bɨn bʉr o tɨ. Mɛʼla ga ó, Zyɛm nye ome, nye kpaŋa empime lɨn, ebe, yé ó tila é Kalara Zyɛm ó: «Da, nye elɛɛ ó: “Me ó ndɨ mokuna-bʉr win. Me óbala syɛɛla ebebe yɔɔ.”»

Rôm 1:7

Me etile ó, bʉr bɨbɛh ndɨ Rom, baa Zyɛm a bul kpɛl ndwe le epɛh ó, bé diʼe mɨsaŋ mɨ bʉr be e. Mocyɛʼ mo mpom e motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

1 Korɛnt 4:17

Ebe no ó me a lomlo bɨn Timote, mwan kpɛl wam ɨ. Nye nteme ó é zyɛŋa wɔɔ boo Tî ga wina, le mʉr ebuʼla. Nye ó ngo jɨm bɨtoŋla bin é lɔb ebò e cyen me lé ekœʼ é zyɛŋa wih boo Yesʉs-Krɨst ɨ. Me edwe mɨmbɛr mɨ Zyɛm mimyɛh sikʉlʉ yaa ó, bé kœʼœ ebò e cyen egwar laa.

Títos 1:4

Me etile ó, gwɔɔ Tit, ndɨ me mwan é nko paʼ buʼo yina ɛ. Mocyɛʼ mo mpom le motala mo Zyɛm Sɔŋ bé e Yesʉs-Krɨst, Tiʼbʉr ga wina, mé swɨŋɨ é go.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

3 Yʉanes 1:4

Me apa joʼo yʉʉ sɔʼɔ embɨa mbi me lé ejoʼo é jɔʼ bé lé elɛɛ ó, bwan bam, bé lé ekœʼ ebò e cyen é l'ocyecye e.