2 Pyɛr 3:7 - Kálara Zyɛ̌m Edwán é mpʉ̌n

⁷ Lwib mo Zyɛm gwar e gwar yaa ó ndɨ ebaʼle jobo, le ejyoo le si nwa. Yé ódɨ baʼle bye ó, to pyal é dobo le etiʼ e mɨlɔb. Byé òdiʼɔ. Bʉr o ndɨ adwaabe Zyɛm ɨ, bé ódim cyecye é moho waa.

Kálar Nzyɛ̌m : Ejwán é Sáá

⁷ Lwǐb mé Nzyɛ̌m gwár e gwár yaá ó dí ebaʼlě jʉ́o, le ejwoo le sí. Yé óbaʼle byé ó, tó pyâl ɨ́ móhó étíʼ é mílɔ̌b. Byé odíʼɔɔ. Minjéʼe-Nzyɛ̌m, myé ódwe ɨ́ móhó waá.

2 Pyɛr 3:7 ပူးပေါင်းရင်းမြစ်များ

2 Pyɛr 3:10

É dobo Da Yesʉs óbula ze e, nye ópyal bʉr ó, motwɨra, é mpʉ ndiblʉ. Jobo e l'ejyoo le ebantɛn, byé ójaa e bwaʼbwaʼ duu. Bɨsa bɨtwaʼa Zyɛm a cye, ntɔʼ me kʉ e si e tɨʼ ɨ, bibyɛh, byé ójɔa siʼe, ntɔʼ dinba. Si nwaʼ ndwe e bɨsa bibyɛh bʉr lé esa tɨʼ ɨ, byé óka gʉa gʉŋɔ.

2 Pyɛr 3:12

Cye yiyɛh bɨna dina lé ekœʼ ga ebò e cyen laa ɛ, yé elɛʼle ó, bɨna bé ebono ga dobo Zyɛm óbula ze e. Bɨna bé esea ga nteme ó, syɛɛ yé ósa ó, nye kpahba ze e. É moho waa ó jobo e l'ejyoo le ebantɛn, byé ójɔa siʼe, ntɔʼ dinba.

Mɨngwiha 21:1

Me a si bee edwan e jobo ndwe e l'edwan e si, ebe, jobo efoʼ bé e si efoʼ, byé a be ó si laa. Maŋ, mé a baaka be e dia.

Mataos 24:35

Kʉ e si, byé ólaa; mɨlɔb myam myɛɛ, myé ódi njʉmdia e njʉmdia.»

2 Pyɛr 2:9

Yé be ó, Da a be si syɛb Lot é mɨtuu nɛʼɛ, lɛɛ ó, nye nteme ógʉa mpʉ nye ódɨ tiʼ bʉr bɨbɛh ndɨ edwaabe nye e, é jɔʼ bé lé entaa mobʉbla ɛ. Nye egʉa nteme mpʉ nye ókab ozyɛhozyɛh o bʉr bɨntɨʼa, le emɛr be é mpila é dobo le etiʼ e mɨlɔb ɨ.

Mataos 25:41

«Pie tɨ, nye ólɛɛ e baa ndɨ nye é mbo emyɛl ó: “Pʉʼa ga gumo me ndɨ ɨ, bʉr o Zyɛm a bɛa káale e. Toʼ ga é siʼe lé eduo njʉmdia e njʉmdia ɛ, siʼe Zyɛm a bɛa tira é l'efu mo Njwɨɨ moleme bé e beengles be e,

Mɨngwiha 20:11

No ó, me ze bee dia taʼa nɨnɨ, yé a be é pumo-pumo e. Me ze bee nteme waa a be tɨʼ ndindil ɨ. Si nwaʼ ndwe e jobo, byé a si dim é mih me.

Mataos 12:36

Me elɛɛ bɨn ó, é dobo le etiʼ e mɨlɔb, bʉr, bé óto kar é l'efu le ambɛhambɛha ekan lɨlɛh bé a lwib-lwib ɨ,

Yʉ̂d 1:7

Sa lɛl, yé ó, toŋla ga nteme bʉr o Sodɔm e Gomɔr, ndwe e bʉr o b'a di é bwa bɨnkana byé a be é nkɔra yaa ɛ. Bʉr baa, bé a si sa bɨmala, le edu mbi bʉr bé ndɨ ajala le ekœb é duo e. Bé a ka bi bɨntɨʼa ó, é siʼe tʉŋlʉ, yaa lé eduo njʉmdia e njʉmdia ɛ. Zyɛm a sa syɛɛla yaa ó, lé elɛʼle mpʉ bʉr ofih, bé ósia nteme e bɨntɨʼa é siʼe yaa ɛ.

1 Timotɛ 6:9

Bʉr, bé a tiʼe é mɨleme myɔɔ ó, bé bi ó bɨsa twiha ɛ, bé eduma é mobʉbla. Bé efwam bé bʉr o tɨʼ koko é twii. Bé emɛrɔ é mpila bɨgwɨma é buobuo. To kœb ó, bʉr o ndɨ edu bɨgwɨma byaa ɛ, bé edu ó, sa ndɨ ajwɨ̂ʼ ba, yaa ndɨ edaʼre mɨtuu é nyʉl ɨ. Bé e mbi bɨgwɨma ndɨ edimle mʉr ndwe le ejʉ nye e,

Filipi 1:28

Me ekpɛl joʼo ó, bɨn bé aka joʼo bʉa é mih mo bʉr o dɔm bɨn. Mpʉ bé lé esa bɨn mongan, bɨn l'akpɛɛ be e, sa yaa, yé ó bɨdim byɔɔ, sa lé elɛʼle be ó, bé ódim ɨ. é nko paʼ win wɛɛ, yé elɛʼle ó, bɨn bé óbi tiʼ molu mo mpoʼ mɨmɛh, tiʼ yaa, lé eduho boo Zyɛm.

1 Yʉanes 4:17

ǃBɨna si be ga é zyɛŋa ga wina boo Zyɛm nɛʼɛ, kpɛl ga yina, yé ókumo é l'ombɨmbɨa é mɨpaʼ mimyɛh. Bɨna bé ótʉm ga monyʉl é dobo le etiʼ e mɨlɔb, ebe, ebò e cyen bɨna lé ekœʼ ga é mbi jɔʼ yiʼ ɨ, lé enwɨɨla ó e laa nye a kœʼ œ.

2 Tesalonika 2:3

Mʉr beʼ l'agomlo bɨn é bebebebe zi é zi lwib bɨkʉʉŋʉ ye, ebe, esie e mbi jɔʼ yi, lé ákwoʼ pyal no, bʉr, l'apa kaŋa e Zyɛm é buobuo. Ntɔɔ motie ócyɛb é lyanbe é mih mo bʉr é pyɛldweh é jɔʼ yaa. Nye ó ndɨ cyɛb efoʼ é sama bʉr bé ódim njʉmdia e njʉmdia ɛ.

Rôm 2:5

Cye yiyɛh go dina lé esa elele e lʉ, nkʉ bene lé edwir leme e, go ebul bɨbaa bɨ ebebe Zyɛm lé eniʼe go e. Byé óka láŋɔ ó, é dobo Zyɛm ókpaa empime le e bʉr bɨbɛh ɛ. Dobo laa nteme ó nye ólɛʼle mʉr nyiwɛh mpʉ nye lé etiʼe bʉr mɨlɔb é l'ocɨcyel ɨ.

Markus 6:11

ǃƗ bʉr o yʉʉ gumo, bé si bene lé ebaʼle bɨn nkʉ joʼo bɨn nɛʼɛ, bɨn bé à tɨ koho dih é jɔʼ bɨn lé eto e cyen yin dolo e. Syɛɛla yaa, yé ónwahle be, lɛʼle be ó, bé mu ó e mobyaʼ.»

Mataos 11:24

Ebe no, me elɛɛ bɨn ó nɛɛ: é dobo le etiʼ e mɨlɔb, bʉr o lal Sodɔm, bé aŋa kabɔ bɨntɨʼa mpʉ mo go, Kapernaʉm.»

Mataos 11:22

Ebe no ó me lé egʉa kʉ lɛɛ bɨn ó, é dobo le etiʼ e mɨlɔb, bʉr o Tir e Sidɔn, bé aŋa bul kabɔ bɨntɨʼa mpʉ bɨn.

Mataos 10:15

Me elɛɛ bɨn cyecye ó nɛɛ: é dobo le etiʼ e mɨlɔb, bʉr o Sodɔm e Gomɔr, bé aŋa bul kabɔ bɨntɨʼa mpʉ bʉr o kwar waa.»

Mɨngwiha 17:11

No ó tir waa, waa a bɛa be tɨ, waa mu aka be e, nyɛɛ, nye ó njwɨɨbʉr mwom. Bé e mɨnjwɨɨbʉr tambɛl baa, bé ó nkɔm mpwar. No ó, tir waa, nye ekʉ to ó, to dwè dwèʼ.

Mɨngwiha 17:8

Tir go a bee e, a bɛa ó be é jɔʼ mya. To kœb ó, nye aka be. Yi ka liʼ titia, nye ópàh, ze pʉʼa é Bɨ-siʼe. ǃNye si pʉʼa tɨʼ nɛʼɛ, nye òdwè. Zyɛm a si tile mie mo bʉr é kalara tiʼ tʉŋlʉ, duho é l'etɛɛrɨ e si nwa. No ó, bʉr o mie mɔɔ ndɨ l'anyin é kalara tiʼ waa ɛ, bé óbul jehe tir waa, ebe, bé óbee ó, nye a be ó si taare tiʼe. Nye ze dwè. Bé óbee nye nteme lé ebula pàh.

Yʉanes 12:48

Mʉr nyiwɛh lé ecyɛl me, anʉa mokan mam e duu ɨ, nyiha, nye e mʉr ódwe nye mobe tɨʼ ɨ. Sikʉlʉ me mu si dwe bɨn ɨ, yé ó ngo dwe nye mobe é moho epihe, ntible-bɨkaŋa!

1 Korɛnt 3:13

Syɛɛ mʉr nyiwɛh lé esea ɛ, nyɔm syɛɛ yaa, wé ónyin é pono é dobo le etiʼ e mɨlɔb, ebe, nyɔm sa yiyɛh, wé ónyin é sʉlʉlʉ ó, é moho waa. Nyɔm tɨ, wé ónyin ó, é siʼe yé ólɛʼle syɛɛla mo mʉr ɨ. ǃƗ syɛɛla si dihbe siʼe yaa nɛʼɛ, gʉa ó, mpaŋ syɛɛla yaa, yé a kʉ be ó e nyɔm é l'efu mo Zyɛm.

Ebrœ̂ 12:29

ebe, Zyɛm Sɔŋ ga wina, nye ó mpʉ siʼe ndɨ é diʼa-diʼa ɛ.