2 Pyɛr 3:2 - Kálara Zyɛ̌m Edwán é mpʉ̌n

² Me egwɨm ó, bɨn toŋla mɨsaŋ mɨ ogwiha o mɨlɔb, le mokan bé a bɛa lɛɛ molu pihe e, ndwe e mɨtiʼa Tî ga wina le Tiʼbʉr ga wina a nʉa ɛ. Mɨtiʼa myaa ó bɨn bé a joʼo é zi mɨlʉmlʉ mye e.

Kálar Nzyɛ̌m : Ejwán é Sáá

² Mě gwɨ́m ó, bɨ̌n símsaa lɔ́ɔ́ ógwíha o mílɔ̌b mé Nzyɛ̌m bé á lɛ́ɛ ɨ́ melú mé épíhe wɨ́, ti e metié mé Tî Yésʉs, dí ntémé Tiʼbʉr gá wɨ́ná nyá. Metié maá ó bɨ́n á jóʼo ɨ́ nzɨ̌ bʉr o mílʉ́mlʉ́ bé má.

2 Pyɛr 3:2 ပူးပေါင်းရင်းမြစ်များ

Yʉ̂d 1:17

Obɨɔ o kpɛl bam aa! Toŋla ga mokan mɨlʉmlʉ mo Tî ga wina Yesʉs-Krɨst, myé a bɛa lɛɛ bɨn ɨ.

2 Pyɛr 2:21

ebe, yé a ngbaa bul mbɨa é nko paʼ wɔɔ ó, mpa bé a baataare kœʼ é zi lé elɛʼle bʉr ebò e cyen ndɨ cɨcyel ɨ, abe, bé osi kœʼ tɨ, é kœʼ kœʼ nɛʼɛ, bé ntɔʼ ka bula tumo koo e motie ndɨ ti, maa Zyɛm a bɛa tiile be e.

Lʉkas 1:70

Nyi sa mpʉ nye a bɛa lɛɛ molu pihe é zi mɨsaŋ mɨ ogwiha o mɨlɔb mye e.

Lʉkas 24:44

Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»

Éfɛsɔs 2:20

Bɨn bé ó mpʉ obrik bé a bɨr pab mbɛr e be e. Nkan mbɛr nyɛɛ ó ndɨ mɨlʉmlʉ, bé e l'ogwiha o mɨlɔb. Yesʉs-Krɨst nye mʉr tɨʼ ó ndɨ ekoʼ lé esa ó bɨpab bɨ mbɛr, byé diʼe ocɨcyel ɨ.

Mɨlʉmlʉ 28:23

Bé ze cyel moho, bé e boo nɔɔ, bé a be ó, bé óbɔma ɛ. É jɔʼ moho waa, wé a pyal ɨ, bé ntɔʼ ze e bʉr é buobuo, ze kœb nye é gumo nye a di-di ɨ. Taare é mɛn, to pyal é bii kʉʼ, Pol a be ó lé epɛʼle be lɔɔ Zyɛm, le eboʼlo, tiibe e jwɨ̀ʼa mo Zyɛm, ndwe le esaa ó, nye dulo ó be, ó bé buʼla sikʉlʉ nye a dwe lé etiibe e Yesʉs ɨ. Nye a kœb-kœb sikʉlʉ nɨ ó, é motie mo Moyiz ndwe e sikʉlʉ ogwiha o mɨlɔb, bé a dwe e.

Mɨlʉmlʉ 10:43

Nye ó mʉr lɔb we ndɨ tila é l'okalara be ogwiha o mɨlɔb bɨbɛh ɛ. Bé a lɛɛ-lɛɛ ó, mʉr nyiwɛh ójyɛʼ taa buʼo ye boo nye e, Zyɛm ópɛʼ bɨbaa nye lé eniʼe é lɔb mɨsyem mye e. Nye ósa no ó, ebe die mo Yesʉs.»

Mɨlʉmlʉ 3:21

Banana, nye ejala le edi é jobo kʉ, é di di di, to pyal é jɔʼ Zyɛm óbâʼle cyel bɨsa bibyɛh é bɨcye byɔɔ, mpʉ nye a bɛa kɛʼ, duho mya, é zi mɨsaŋ mɨ ogwiha o mɨlɔb mye e.

Mɨlʉmlʉ 3:18

To kœb ó, é mbi nɨ ó Zyɛm a bir ó, bʉr saʼ syɛɛla ebebe nye a bɛa lɛɛ ó, bé ósa ɛ. Yé ntɔʼ syɛɛ no ó, lé edira mɨlɔɔ nye a bɛa lɛɛ é mɨnʉm mɨ ogwiha o mɨlɔb be ó, Lœma mulo mo Zyɛm ósia e mɨtuu no, nye ntɔʼ dwè.

Lʉkas 24:27

Nye ze taare lé epɛʼle sa yiyɛh bé a tile é Kalara Zyɛm, tiibe e nye e, taare é l'okalara o motie Moyiz a tile e, to pyal é sikʉlʉ ogwiha o mɨlɔb bé a dwe e.

1 Yʉanes 4:6

No ó, bɨna ga bɛɛ, bé ó baa mo Zyɛm. Mʉr lé egʉa Zyɛm ɨ, nye ó ndɨ esa bɨna ga mojoʼo. Mʉr ndɨ abe waa mo Zyɛm ɨ, nyɛɛ, nye ákwoʼ joʼo bɨna ga. É mbi waa ó bɨna ndɨ e nkul egʉa ga mbɛʼ paʼra Sisim Ocyecye bé e sisim mpʉl ɨ.

2 Pyɛr 3:15

Cye yiyɛh bɨn dina lé ebee ó, Da Yesʉs, nye akpahbe ze e, dɨʼe lɛɛ ga é bɨjɔʼ byaa ó: «Nye é buo bihbe é nko paʼ bʉʉ osyɛl be ebebe é l'efu ó, nye dweʼ be tiʼ molu mo mpoʼ mɨmɛh.» É mbi waa ó mɨɔ kpɛl ga wina Pol a tile bɨn ɨ. Nye a tile no ó, é l'ocyoo Zyɛm a dwe nye e.

Galásia 6:2

Nkɛŋɨ ga mɨmbeʼ mɨ bʉʉ bʉr. ǃBɨn si sa no nɛʼɛ, gʉŋa ga ó, bɨn bɨ kʉ du etie Krɨst a tiile bɨna ga ɛ.

Éfɛsɔs 3:5

Molu pihe, buobuo mɨmya mɨ bʉr, bé a baagʉa pɛʼle lwib odim yaa. No ó, banana, Zyɛm, nyi ka gwih ye é zi Sisim we. Nye a ka gwih lwib odim ye ó, lé etaare lɛʼle mɨsaŋ mɨlʉmlʉ mo Yesʉs-Krɨst bé e l'ogwiha o mɨlɔb.

1 Timotɛ 6:14

ó go duʼo etie enɨ, abe e l'ebar é mih mo Zyɛm. Mʉr beʼ l'abe e nkul etɛɛ go é yʉʉ sɔʼɔ, to pyal é dobo Tî ga wina Yesʉs-Krɨst óbula ze e.

2 Pyɛr 3:16

Nye elɛɛ bɨn mɨlɔb mɨmpwar myaa ó, é l'okalara bɨbɛh nye lé etile e. É bʉʉ okalara, nye a tile yɛɛ ó bɨsa ndɨ elara bʉʉ bʉr ɨ. Bʉr o ndɨ mɨmiʼ, baa ndɨ epɨŋla é l'ebò e cyen lɔɔ ɛ, é jɔʼ bé lé eláa miha mɨtila ɛ, bé ecene mɨlɔb mɨ tɨʼ guu mbi fih. Yé ó mpʉ bé lé ebɛa sa-sa nteme é jɔʼ bé lé eláa byʉʉ bɨpeh bɨ Kalara Zyɛm ɨ. Sa bé ójala e ye, yé ó nɨ!