2 Pyɛr 3:18 - Kálara Zyɛ̌m Edwán é mpʉ̌n

¹⁸ Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

Kálar Nzyɛ̌m : Ejwán é Sáá

¹⁸ Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

2 Pyɛr 3:18 ပူးပေါင်းရင်းမြစ်များ

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

Éfɛsɔs 4:15

To kœb ó, ǃbɨna si lɛɛ ga ocyecye e leme ncwɨncwɨa nɛʼɛ, bɨna bé ógwɨe le ebwaʼ ga. Bɨna bé ódi ga é zyɛŋa ga wina boo Krɨst, ndɨ lʉ ga wina ɛ.

1 Pyɛr 2:2

Gwɨmɨ ga ó, bɨn jwɨʼɨ mɨmpaŋ mɨyeʼla, myaa ndɨ ejala e bɨn ɨ. Myé ó ngo sa ó, bɨn gwɨa é zi we, bɨn ntɔʼ bi tiʼ molu mo mpoʼ mɨmɛh. Saʼ ga no mpʉ bɨcyee ndɨ egwɨm monyaŋ ɨ,

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

Éfɛsɔs 1:17

Me ejwɨʼla e Zyɛm Sɔŋ mo Tî ga wina Yesʉs-Krɨst, nye nteme Zyɛm Sɔŋ ga wina ndɨ e kum ɨ, ó nye ntɨhɨ bɨn Sisim we ó, bɨn cyebla, le nteme ó, nye gwihɨ bɨn mɨfela mɨlɔb mye. Myé óbe bɨn e nyɔm é l'efu ó, bɨn gʉŋa nye.

Kolosi 3:10

Bɨn bɨ bwar mɨkan modwan: nyʉl dwan ndɨ edwanba é ngwɨa ocyecye e. Nyʉl dwan waa, nye edu dweʼle mo Zyɛm Kwihbʉr.

2 Pyɛr 1:3

Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

2 Timotɛ 4:18

Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

2 Tesalonika 1:3

Obɨɔ ga bam aa! Bɨh bé ejala le edwe Zyɛm ekiba é bɨjɔʼ bibyɛh é lɔb win. Yé ekʉ jala nteme no, ebe, bɨn bé eto le ejyɛʼ taa buʼo boo Zyɛm. Kpɛl bɨn lé ekpɛl bʉr ɨ, yé ebwaʼ ó bwaʼa.

Rôm 11:36

Yé abe e mʉr, ebe, Zyɛm ó b'a cye bɨsa bibyɛh. Byé a kwɨmlɨ nteme ó, dumo e nye. Sa yiyɛh, yé tɨʼ ó, é l'efu le. Bɨna gumla ga nye njʉmdia e njʉmdia. Amɛn.

Mɨngwiha 1:6

Nye ó b'a niŋle bɨna ga é jwɨ̀ʼa ye, le esa ó, bɨna diʼe ga opara lé esea e Sɔŋ we Zyɛm ɨ. Kum e nkul, byé diʼe e nye njʉmdia e njʉmdia. Amɛn!

Yʉ̂d 1:25

Nye ome ó ndɨ Zyɛm, nye nteme Tiʼbʉr ga wina. Kum, mpwaʼ, nkul le jwɨɨ, byé dweŋɔ Zyɛm é zyɛŋa ga wina boo Tî ga wina Yesʉs-Krɨst. Byé a bɛa be ó mbi jɔʼ yiʼ apa taare. Byé dina ó tɨ, ze pyal é banana. Byé óto dolo njʉmdia e njʉmdia. Amɛn.

2 Pyɛr 1:11

No nteme ó Zyɛm óbeŋle bɨn le edib bɨn zi ó, bɨn niʼe é jwɨ̀ʼa mo Tî ga wina le Tiʼbʉr ga wina Yesʉs-Krɨst ɨ. Jwɨ̀ʼa ye yaa, yé ódi ó njʉmdia e njʉmdia.

2 Pyɛr 2:20

ǃƗ mʉr si gʉa Tî ga wina le Tiʼbʉr ga wina Yesʉs-Krɨst, le esyɛhle bɨbol bɨ si nwaʼ nɛʼɛ, ǃnye si bâʼle kʉ bir pie tɨʼ ó, ebebe laa, lé bâʼla mara nye wa, tiʼ ye, yé óka bebe, ntaa njɨ, laa mpʉ yé a taare be e,

2 Pyɛr 1:8

ǃƗ mɨnjwɨr mɨnɨ si nyin le egwɨe é l'ebò e cyen yin nɛʼɛ, bɨn bé aŋa ka ncyehbe nkʉ lɛŋ bɨtiʼ bin mbɛh, lé ebaʼ mobo. Bɨtiʼ byaa, byé óka sa nteme ó, bɨn gʉŋa Tî ga wina Yesʉs-Krɨst é kpɛhla.

Mataos 28:20

Bɨn bé à yeʼle be ó, bé duʼo motie mɨmɛh me a tiile bɨn ɨ. Mbe ga: me ódi é bɨn molu mɨmɛh, to pyal é l'esie e mbi jɔʼ yi.»

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

Yʉanes 5:23

ó bʉr bɨbɛh, bé dwiibɨ Mwan mo Zyɛm jwɨʼ gwar e gwar é mbi bé lé edwiibɨ Zyɛm Sɔŋ ɨ. Mʉr ndɨ adwiibɨ Mwan mo Zyɛm ɨ, nye adwiibɨ nteme Zyɛm Sɔŋ, mʉr a ntɨh nye e.

2 Pyɛr 1:2

Mocyɛʼ mo mpom le motala, mé swɨŋɨ é bɨn é ntuʼ-ntu-ntuʼ, duho é ngwɨa bɨn lé egʉa Zyɛm bé e Tî ga wina Yesʉs ɨ.