2 Pyɛr 3:16 - Kálara Zyɛ̌m Edwán é mpʉ̌n

¹⁶ Nye elɛɛ bɨn mɨlɔb mɨmpwar myaa ó, é l'okalara bɨbɛh nye lé etile e. É bʉʉ okalara, nye a tile yɛɛ ó bɨsa ndɨ elara bʉʉ bʉr ɨ. Bʉr o ndɨ mɨmiʼ, baa ndɨ epɨŋla é l'ebò e cyen lɔɔ ɛ, é jɔʼ bé lé eláa miha mɨtila ɛ, bé ecene mɨlɔb mɨ tɨʼ guu mbi fih. Yé ó mpʉ bé lé ebɛa sa-sa nteme é jɔʼ bé lé eláa byʉʉ bɨpeh bɨ Kalara Zyɛm ɨ. Sa bé ójala e ye, yé ó nɨ!

Kálar Nzyɛ̌m : Ejwán é Sáá

¹⁶ Nyě cɨcɛmá bɨ́n milɔ̌b mimpwár myaá ó, ɨ́ mekaná mɨ́mɛ̂h nyé dí ecɛma má. Ɨ́ mʉ́ʉ́ mékaná, nye á cɛma ó, bisâ bi dí elára bʉ́ʉ́ bʉ̂r bí. Bʉr o dí anʉa mílɛ́ʼlá, baá o dí le ocábcab bá, ɨ́ jɔʼ bé láá mɨ́haá mékaná yɨ́, bé lɨ́ edwir mílɔ̌b mi tɨ̂ʼ gúú mbi swîh. Yé ó mpʉ bé dí eboó sɨsâ ntémé ɨ́ jɔʼ bé láá byúú bípéh Mékaná mé Nzyɛ̌m yɨ́. Bʉr baá, bé guŋlo ó, mempɨ́ mɔ́ɔ́ bé bʉr o tɨ̂ʼ ngá lʉ́ŋa, ntɔ̂ʼ dwe tɨ̂ʼ má.

2 Pyɛr 3:16 ပူးပေါင်းရင်းမြစ်များ

Mataos 15:6

É mbea win, waa si sa no e, nye abe e nkul eka gul sɔŋ e nyɔŋ e tɨ. No yé ó: é jɔʼ bɨn ndɨ adwaabe osɔŋ e l'onyɔŋ bɨn ɨ, bɨn bé egbɛɛ lɔɔ Zyɛm é l'efu le edu mɨnjwɨr bɨmpam bin byé a ntɛŋ bɨn ɨ!

Ebrœ̂ 5:11

Bɨh bé é buo bɨsikʉlʉ bɨ edwe é lɔb wi. Sa gwar, yé é bul kɔbla lé edwe bɨn bya é banana, é lɔb elele e mɨlʉ min.

2 Pyɛr 2:14

mih mɔɔ lé esaa bʉba bé saʼ mɨfyɛba e be e. Bé agbala ba lé esa mɨsyem. Bé ekwab bʉr o ndɨ é pɨŋla é l'ebò e cyen lɔɔ ɛ. Bɨ gba nyʉl lé ejwɨʼ edu bɨgwɨma bɨ nyʉl bɨpuno wɔɔ é dwiii. Zyɛm, nyi káale be.

Jacques 1:8

ebe, nye ó mɨleme mɨmba. Ebò e cyen nye lé ekœʼ œ, lé ó ozyɛhozyɛh.

Filipi 3:19

Bé ófuʼla ó, dim cyecye. Bɨsa bɨ ozyɛm bé lé edwiibɨ ɨ, byé ó mɨmo myɔɔ. Bé ekʉ ka gumlo ó njɨ bɨsa ndɨ ebul samle be e, toŋlɔ-toŋlɔ njɨ bɨsa bɨ jobo yi.

1 Pyɛr 2:8

Yé ó tila é Kalara Zyɛm, tiibe e Krɨst ó: «Nye ó ekoʼ lé ódumo bʉr ɨ. Lé ó ebɔʼ bé óbɨm é mɨleme e.» Bé ekʉ duma, ebe, bé esa lɔɔ Zyɛm ebɨh. Yé ó nkɔb Zyɛm a bɛa tiʼe é leme we ó, bé óbi ɨ.

Mataos 22:29

Yesʉs ze bɨha e be ó: «Bɨn bé esa bɨgwìh, ebe, bɨn bé agʉa Kalara Zyɛm, nkʉ nkul we.

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

2 Pyɛr 2:1

Molu pihe, mɨmpʉmpʉl mɨ ogwiha o mɨlɔb, myé a si pyal-pyal é l'esama e bʉr mo Zyɛm. É jwɨʼ gwar e gwar yaa ó mɨmpʉmpʉl mɨ oyeʼle, myé ódɨ pyal é l'esama lɨn ɨ. Bé ódwe-dwe bɨsikʉlʉ byɔɔ ó, é mofo, ó bé lɨrɨ buʼo yin. Bé ókɛla buʼo ga yina, le ekɛla ó, bé agʉa Tî ga wina, mʉr a jɛna bwaʼbwaʼ tɔɔ é jɔʼ nye a kʉr be e. Bé ódaʼre ebebe é monyʉl mɔɔ. Ebebe laa, lé ópyal be motwɨra, ntɔʼ dimle be.

Mataos 15:3

Yesʉs ze bɨha e be ó: «Ebe yé bɨn ndɨ entaa motie mo Zyɛm ɨ? Ebe yé bɨn lé ebula du njɨ mɨnjwɨr bɨmpam bin byé a ntɛŋ bɨn ɨ?

1 Pyɛr 1:1

Mɛm, Pyɛr, lʉmlʉ mo Yesʉs-Krɨst ó lé etile bɨn kalara nwa. Me etile ó, bʉr o Zyɛm a pɛh, baa mu ojyoo, mu si myɛʼa, jala lal Pɔŋtos bé e waa Galat, e waa Kapadosia, ndwe e waa Azia, ka kɛl waa Bitini ɨ.

2 Pyɛr 3:2

Me egwɨm ó, bɨn toŋla mɨsaŋ mɨ ogwiha o mɨlɔb, le mokan bé a bɛa lɛɛ molu pihe e, ndwe e mɨtiʼa Tî ga wina le Tiʼbʉr ga wina a nʉa ɛ. Mɨtiʼa myaa ó bɨn bé a joʼo é zi mɨlʉmlʉ mye e.

2 Pyɛr 3:14

Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.