2 Pyɛr 3:15 - Kálara Zyɛ̌m Edwán é mpʉ̌n

¹⁵ Cye yiyɛh bɨn dina lé ebee ó, Da Yesʉs, nye akpahbe ze e, dɨʼe lɛɛ ga é bɨjɔʼ byaa ó: «Nye é buo bihbe é nko paʼ bʉʉ osyɛl be ebebe é l'efu ó, nye dweʼ be tiʼ molu mo mpoʼ mɨmɛh.» É mbi waa ó mɨɔ kpɛl ga wina Pol a tile bɨn ɨ. Nye a tile no ó, é l'ocyoo Zyɛm a dwe nye e.

Kálar Nzyɛ̌m : Ejwán é Sáá

¹⁵ Jɔʼ yɨ́yɛ̂h bɨ́n béé ó, Tî gá wɨ́ná, nyé apǎ báʼǎ nze yɨ́, lɛ́yɨ́ɨ́ gá ɨ́ bijɔʼ byaá ó: «Nye ɨ́ buo bíhwó ɨ́ páʼ bʉ́ʉ́ ósyɛ̂l bé ébébe, lɨ́ esú ó, nye tíʼɨɨ bê.» Nó ntémé ó, mɨ́ɔɔ́ kpɛ̌l gá wɨ́ná Pɔ̂l á cɛma bɨ̌n yɨ́. Nye á cɛma nó ó, lɨ́ ocwóó Nzyɛ̌m á dwe nye wɨ́.

2 Pyɛr 3:15 ပူးပေါင်းရင်းမြစ်များ

Rôm 2:4

Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

2 Pyɛr 3:9

Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.

1 Timotɛ 1:16

Ebe no ó Zyɛm a jwɨʼ me nkoo e, ebe, me ó b'a bul sahle é nko paʼ esa mɨsyem. Yesʉs-Krɨst a taare lé elɛʼle mpuo bihbe we ó, é jɔʼ nye a dihbe me e. Yé ó dweʼle nye lé elɛʼle bʉr bɨbɛh bé ójyɛʼ taa buʼo yɔɔ boo nye é molu lé eze e. Bé ójyɛʼ taa buʼo yɔɔ boo nye, ntɔʼ bi tiʼ molu mo mpoʼ mɨmɛh.

1 Pyɛr 3:20

Molu pihe, bé a taare be-be ó, bʉr o pyeh, lé esa lɔɔ Zyɛm ebɨh. É til molu yaa, Zyɛm a bono-bono ó e bihbe, to pyal é jɔʼ Noe a sil kpaʼ ntwaŋ byɛl ɨ. É til molu yaa yiyɛh, yé a kʉ be ó njɨ ma dœh e bʉr, agum buo, njɨ bʉr mwom, ó b'a tiʼe é byɛl waa tʉŋlʉ ɨ. Bé a tiʼe ó, gumo bé a ngbaa dwè é modibe e.

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

Lʉkas 21:15

ebe, me mʉr tɨ, me óbɛa dwe bɨn mokan e pɨʼ, é mbi ndɨ ó, bʉr o ndɨ esa bɨn mongan ɨ, bé óbe, abe e nkul eka pɨr, nkʉ tɨ mɨlɛa min ɨ.

Jacques 1:5

ǃƗ nuu mʉr é mbɛr Zyɛm win si bee ó, ocyoo, wé ejɨ sa nye sɔɔlʉ nɛʼɛ, nye jaʼa Zyɛm wa. Nye ódwe nye wa. Zyɛm, nye edwe bʉr bɨbɛh ó, é ntuʼ-ntu-ntuʼ, atam be.

Mɨlʉmlʉ 15:25

Ebe no, mɨleme, myé a be ó bɨh é ntɨɨɨŋ ó, bɨh pɛhɛ bʉʉ bʉr, lomlɔ bɨn ba, bé e l'obɨɔ o kpɛl bɨh, Barnabas bé e Pol ɨ.

1 Korɛnt 2:13

Bɨh bé edwe bɨn ó sikʉlʉ yaa. Bɨh bé alwib e mokan mo ocyoo o si nwa, njɨ e mokan Mbɨambɨa Sisim lé edwe bɨh ɨ. Ebe no ó bɨh lé entɛŋ bɨn sikʉlʉ Mbɨambɨa Sisim lé etaare dwe bɨh ɨ.

Éfɛsɔs 3:3

Nye a be ó si gwih me lwib odim ye ó, me gʉŋa ye, mpʉ bɨn mu lé ebee é zi bwa mokan me mu si tile bɨn ma.

1 Korɛnt 12:8

Mbɨambɨa Sisim, nye enol nwaʼ mʉr bɨntɔɔ ó, nye diʼe e l'ocyoo é lwib. Nye enol nuu mʉr bɨntɔɔ bɨ ngwɨa é bɨsa nye lé elwib ɨ.

1 Korɛnt 3:10

Mocyɛʼ mo mpom mo Zyɛm, mé ó b'a sa ó, me sea mpʉ cyela nkan. Me a si dihbe ecyel nkan. Nuu mʉr nyɛɛ ze sil fumo. Yé ejala ó, mʉr nyiwɛh diʼe ncye é mbi fuma nye lé efumo-fumo e,

Mɨlʉmlʉ 7:10

Zyɛm ze pɛʼ nye é mɨtuu e mɨndɛl mye mimyɛh. Nye ze sa ó, nye biʼe nkɔb é leme ncwɨncwɨa mo Faraɔŋ, njwɨɨbʉr lal Egipten. Nye a bee nye nteme ó e l'ocyoo. Nye ntɔʼ cyel nye é dia kpaman mo Faraɔŋ a dɨ jwɨ̀ʼ bʉr o b'Egipten ndwe e mbɛr bʉr mo Faraɔŋ wiwɛh ɛ.

Mɨlʉmlʉ 9:17

No ó nye a ze mʉa, to pyal é mbɛr waa. Nye ntɔʼ kɛl Sol mobo. Nye e nye ó: «Mɨɔ wam, Sol, Da Yesʉs, mʉr a pyal go temezi é jɔʼ go a be lé eze kaʼ ɛ, nyi lomo me ó, me saʼ ó, go bula bee, le nteme ó, go diʼe lwɨŋla e Mbɨambɨa Sisim.»

2 Pyɛr 3:2

Me egwɨm ó, bɨn toŋla mɨsaŋ mɨ ogwiha o mɨlɔb, le mokan bé a bɛa lɛɛ molu pihe e, ndwe e mɨtiʼa Tî ga wina le Tiʼbʉr ga wina a nʉa ɛ. Mɨtiʼa myaa ó bɨn bé a joʼo é zi mɨlʉmlʉ mye e.