2 Pyɛr 3:14 - Kálara Zyɛ̌m Edwán é mpʉ̌n

¹⁴ Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.

Kálar Nzyɛ̌m : Ejwán é Sáá

¹⁴ Bʉr ó kpɛ̌l bâm! Mpʉ mɨ́ná dí ebóno gá móhó waá yɨ́, sáʼ gá sɨ́n lɨ́ edi e mepyɛbla páʼ nyɨ́n, tó pyâl ɨ́ jɔʼ nyé óbáʼǎ nze yɨ́. Sáŋáá gá ó, bɨ̌n díʼee mpʉ nyʉ̂l mé Krîst dí abe e mebar nyɨ́. Diʼee gá abe le ebébe bé óboʼlo bɨ́n e tɨ̂ʼ lɨ́.

2 Pyɛr 3:14 ပူးပေါင်းရင်းမြစ်များ

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

1 Tesalonika 3:13

Nye gbaʼ bɨn nkul é monyʉl ó, mɨleme min, myé diʼe é sɔɔɔ, alɨŋa ba, abe e mobe é jɔʼ bɨn bé ócyɛb é mih mo Zyɛm Sɔŋ ga wina ɛ. Diʼe ga no, to pyal é dobo Tî ga wina Yesʉs óbula ze, bé e mɨsaŋ beengles mye mimyɛh ɛ.

Filipi 1:10

Ebe no ó bɨn bé óbe e nkul edweʼe sa ndɨ é bul jɨŋɔ ɛ. É dobo Krɨst óbula ze e, nye ókœb ó, bɨn mu ó bʉr o b'ocyecye, abe e mobe.

1 Korɛnt 15:58

Ebe no, obɨɔ o kpɛl bam aa! Cyɛba ga é nkʉʼʉ. Gbaʼ ga monyʉl lé esea syɛɛ mo Da Yesʉs é jɔʼ yiyɛh. Gʉŋa ga ó, syɛɛ bɨn lé esea nye e, yé ákwoʼ dwè ntuʼ.

1 Yʉanes 3:3

Yé be ó, mʉr fih mʉr kɛ̀l, leme we, wé ó lwɨŋla e mbɛla waa nɛʼɛ, lɛɛ ó, mʉr waa, nye ekʉ puba, ó nye beʼ saŋ mʉr. Ebe no ó nye ónʉa dweʼle tiʼ mo Yesʉs, Mʉr ndɨ ti ɨ.

1 Korɛnt 1:8

Nye waa nteme ó ngo gba bɨn nkul é monyʉl, to pyal é l'esie, abe e sa ebebe nye a ngbaa nwahle bɨn e tɨʼ é dobo Tî ga wina Yesʉs-Krɨst óbula ze e.

Filipi 2:15

Ebe no ó bɨn bé óbe e mɨleme é sɔɔɔ ɛ. Ebò e cyen lɨn, lé óbe ó, alɨŋa ba. Bɨn bé óbe ó bwan mo Zyɛm, abe e sa ebebe bé a ngbaa nwahle bɨn e tɨ. Bɨn bé óbul pan mpʉ baatwitwɛn ndɨ é jobo kʉ, teme ozyɛhozyɛh o bʉr o b'a lɨŋa, jyɛl ɨ diʼ ɨ.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Lʉkas 12:43

ǃƗ tî we óbe si to, ze bula, ze bee nye lé esea syɛɛ yaa nɛʼɛ, mocyɛʼ mo mpom, mé ósʉŋɔ é mbi syɛl mosa waa!

Lʉkas 2:29

«Da, gɨ kʉ sa mpʉ go a kɛʼ me e! Gɨ sa ó, me laŋa é tiʼ yi, leme, wé osi loŋlo e motala,

Jacques 1:27

Mpaŋ buʼo ndɨ é ncyɛh-ncyɛh é mih mo Zyɛm Sɔŋ ɨ, yé ó, mʉr toʼ le egul bwɔɔnul ndwe e mɨkuho mɨ bʉba, bʉr o ndɨ é mɨtuu ɨ, sa nteme okan é mbi nyɛɛ lé etiʼe e, ebe, bɨsa bɨ jobo yi, byé amu jaa go nye é nyʉl mpʉ mobar.

Filipi 3:20

É paʼ ga wina, bɨna ga bɛɛ, bé ó bʉr o ndɨ egumo e jobo kʉ ɨ. Bɨna mu ó lé ebono ga Tiʼbʉr ga wina, Da Yesʉs-Krɨst. Nye óduho é jobo kʉ, ze kaʼ é si nwa,

Mataos 24:26

«Ebe no, ǃɨ mʉr si lɛɛ e bɨn ó: “Mbe ga: Lœma mulo mo Zyɛm ó ndɨ kaʼ é feha si nwa!” nɛʼɛ, mʉr ato ga gʉ! ǃƗ mʉr si lɛɛ ó: “Mbe ga: nye ó kaʼ é tiʼe yiʼ!” nɛʼɛ, mʉr abuʼla ga nye,

1 Timotɛ 6:14

ó go duʼo etie enɨ, abe e l'ebar é mih mo Zyɛm. Mʉr beʼ l'abe e nkul etɛɛ go é yʉʉ sɔʼɔ, to pyal é dobo Tî ga wina Yesʉs-Krɨst óbula ze e.

1 Pyɛr 1:7

Bɨn bé ebɔma e mobʉbla maa ó, bɨn nkʉʼ gʉa bee pie tɨʼ nkʉ bɨn bé ó e buʼo mpa. Taa buʼo bɨn lé ejyɛʼ boo Zyɛm ɨ, yé ó bɨn é bul buo dime, laa gol. Gol ndɨ sa yé ódim ɨ, pa taare gbaŋɔ é duro e molul, ó yé gʉa nyin nkʉ yé ó mpaŋ gol cyecye, a dwɛʼra e buʼo ga yina! Ebe no ó bʉr, bé ógumlo Zyɛm, le edwiibɨ nye é dobo Yesʉs-Krɨst óbula ze e.

2 Pyɛr 3:1

Obɨɔ o kpɛl bam aa! Kalara mba me lé etile bɨn ó nwa. Me etile-tile bɨn no ó, me nkʉʼ jɨm bɨn bɨtoŋla, bɨn nkʉʼ pahle-pahle bye é mɨleme ndɨ abe mbaʼra e bɨkʉʉŋʉ ɨ.

2 Pyɛr 3:16

Nye elɛɛ bɨn mɨlɔb mɨmpwar myaa ó, é l'okalara bɨbɛh nye lé etile e. É bʉʉ okalara, nye a tile yɛɛ ó bɨsa ndɨ elara bʉʉ bʉr ɨ. Bʉr o ndɨ mɨmiʼ, baa ndɨ epɨŋla é l'ebò e cyen lɔɔ ɛ, é jɔʼ bé lé eláa miha mɨtila ɛ, bé ecene mɨlɔb mɨ tɨʼ guu mbi fih. Yé ó mpʉ bé lé ebɛa sa-sa nteme é jɔʼ bé lé eláa byʉʉ bɨpeh bɨ Kalara Zyɛm ɨ. Sa bé ójala e ye, yé ó nɨ!

Mataos 25:7

No ó mɨndu mosehe mɨnɨ mimyɛh, myé a ze jɨma, ze saa ó, bé bɨnɨ mɨsaŋ kʉ, molama mɔɔ nkʉʼ pan.