2 Pyɛr 3:12 - Kálara Zyɛ̌m Edwán é mpʉ̌n

¹² Cye yiyɛh bɨna dina lé ekœʼ ga ebò e cyen laa ɛ, yé elɛʼle ó, bɨna bé ebono ga dobo Zyɛm óbula ze e. Bɨna bé esea ga nteme ó, syɛɛ yé ósa ó, nye kpahba ze e. É moho waa ó jobo e l'ejyoo le ebantɛn, byé ójɔa siʼe, ntɔʼ dinba.

Kálar Nzyɛ̌m : Ejwán é Sáá

¹² Jɔʼ yɨ́yɛ̂h mɨ́ná dú gá kʉ̌ tyen waá yɨ́, mɨná bónó gá ó, móhó Nzyɛ̌m ngá báʼǎ nze wɨ́. Mɨná séá gá ntémé ó, syɛ́ɛ́ ngá sâ ó, nye kpâhwa nze yɨ́. Ɨ́ móhó waá ó, jʉ́o le ejwoo le baántɛ́n ngá jɔǎ siʼe, ntɔ̂ʼ dinwa. Bisá Nzyɛ̌m á komlo byé e tɨ̂ʼ bí, byé ójǎ siʼe, buma mínjʉl.

2 Pyɛr 3:12 ပူးပေါင်းရင်းမြစ်များ

2 Pyɛr 3:10

É dobo Da Yesʉs óbula ze e, nye ópyal bʉr ó, motwɨra, é mpʉ ndiblʉ. Jobo e l'ejyoo le ebantɛn, byé ójaa e bwaʼbwaʼ duu. Bɨsa bɨtwaʼa Zyɛm a cye, ntɔʼ me kʉ e si e tɨʼ ɨ, bibyɛh, byé ójɔa siʼe, ntɔʼ dinba. Si nwaʼ ndwe e bɨsa bibyɛh bʉr lé esa tɨʼ ɨ, byé óka gʉa gʉŋɔ.

2 Pyɛr 3:7

Lwib mo Zyɛm gwar e gwar yaa ó ndɨ ebaʼle jobo, le ejyoo le si nwa. Yé ódɨ baʼle bye ó, to pyal é dobo le etiʼ e mɨlɔb. Byé òdiʼɔ. Bʉr o ndɨ adwaabe Zyɛm ɨ, bé ódim cyecye é moho waa.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Yʉ̂d 1:21

Gbaʼ ga monyʉl lé edi é kpɛl mo Zyɛm. Bona ga dobo Tî ga wina Yesʉs-Krɨst óbula ze e. Nye óze ó, ze jwɨʼ bɨna ga nkoo, le eliʼle bɨn, to pyal é tiʼ molu mo mpoʼ mɨmɛh.

Filipi 1:6

Mɨ kʉ gʉa ó, Zyɛm, nyi taare lé esa mpaŋ syɛɛla é mɨleme min tʉŋlʉ. Mɨ kʉ gʉa nteme ó, nye óto le esa no, to pyal é jɔʼ nye ósil komlo bɨn é dobo Yesʉs-Krɨst óbula ze e.

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Mataos 16:28

Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ, bé aŋa dwè, bé l'apa bee Mwan mo Mʉr lé eze cyel jwɨ̀ʼa ye cyecye.»

2 Pyɛr 3:4

ebe, bé ólɛɛ-lɛɛ ó: «Lɛa nye a lɛɛ-lɛɛ ó, nye óze e, wé ó kʉ be lwib mbɛh. Oda, bɨ bɛa dime mih, nye l'aze. Sa yiyɛh, yé ó jwɨʼ gwar e gwar e mpʉ yé a bɛa be, taare é l'etɔɔrʉ, é jɔʼ Zyɛm a cye sa yiyɛh ɛ.»

2 Pyɛr 3:11

É mpʉ yé ndɨ ó, bɨsa biʼ bibyɛh, byé ódim no e, dɨʼe pahle ga! Wáa mbi ebò e cyen bɨn lé ejala le ekœʼ œ? Ebò e cyen laa, lé ó laa ndɨ ejala e mɨsaŋ mɨ bʉr ɨ, bé e bʉr o ndɨ edwaabe Zyɛm ɨ.