2 Pyɛr 3:11 - Kálara Zyɛ̌m Edwán é mpʉ̌n

¹¹ É mpʉ yé ndɨ ó, bɨsa biʼ bibyɛh, byé ódim no e, dɨʼe pahle ga! Wáa mbi ebò e cyen bɨn lé ejala le ekœʼ œ? Ebò e cyen laa, lé ó laa ndɨ ejala e mɨsaŋ mɨ bʉr ɨ, bé e bʉr o ndɨ edwaabe Zyɛm ɨ.

Kálar Nzyɛ̌m : Ejwán é Sáá

¹¹ Yé bé bisá bîʼ bíbyɛ̂h, byé ógbahɔɔ nó, wáǎ mbǐ kʉ̌ tyen bɨ́n jálá le edû wɨ́? Yé ó kʉ̌ tyen dí ejala e bʉr o dí tí, baá o dí egúmo e Nzyɛ̌m bá wɨ́.

2 Pyɛr 3:11 ပူးပေါင်းရင်းမြစ်များ

1 Pyɛr 1:15

Zyɛm, waa a jebe bɨn ɨ, nye ó ndɨ ti. Ebe no ó bɨn lé ejala le edi mɨsaŋ mɨ bʉr be, baa ndɨ elɛʼle no é nko paʼ ebò e cyen lɨlɛh bé lé ekœʼ œ.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

2 Pyɛr 3:12

Cye yiyɛh bɨna dina lé ekœʼ ga ebò e cyen laa ɛ, yé elɛʼle ó, bɨna bé ebono ga dobo Zyɛm óbula ze e. Bɨna bé esea ga nteme ó, syɛɛ yé ósa ó, nye kpahba ze e. É moho waa ó jobo e l'ejyoo le ebantɛn, byé ójɔa siʼe, ntɔʼ dinba.

1 Timotɛ 6:11

Gwɔɔ mʉr mo Zyɛm! Cɛra e bɨsa bɨnɨ bibyɛh. Duʼo njɨ syɛɛla ndɨ cɨcyel ɨ. Dwaaba Zyɛm, lé ejyɛʼ taa buʼo yo boo nye, le ekpɛl bʉr. Diʼe mʉr bihbe. Tala nteme njwɨr.

Jacques 3:13

É mbɛr Zyɛm win, zé ndɨ cɨcyoo le ngwɨa ɛ? Mʉr ndɨ no e, nye ejala le elɛʼle ocyoo we waa ó, é zi mbɨambɨa ebò e cyen nye lé ekœʼ œ. Nye saʼ mɨmpaŋ bɨsyɛɛla, le etala njwɨr e bʉr bɨbɛh. Mpaŋ ocyoo, wé ó nɨ.

Filipi 3:20

É paʼ ga wina, bɨna ga bɛɛ, bé ó bʉr o ndɨ egumo e jobo kʉ ɨ. Bɨna mu ó lé ebono ga Tiʼbʉr ga wina, Da Yesʉs-Krɨst. Nye óduho é jobo kʉ, ze kaʼ é si nwa,

2 Pyɛr 1:3

Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.

1 Timotɛ 6:3

Tî ga wina Yesʉs-Krɨst a si kʉ dwe bɨna ga mpaŋ sikʉlʉ lé eyeʼle bɨna ga mpʉ mʉr jala le edwaabe Zyɛm ɨ. Yé be ó, mʉr fih mʉr kɛ̀l, nye amɛʼle sikʉlʉ nɨ, nkʉ du ye, bula to dwe bʉr bɨsikʉlʉ bɨfih nɛʼɛ, lɛɛ ó, nye mu ó lé enkɛɛ nyʉl.

1 Timotɛ 4:12

Anyamle mɛʼle ó, mʉr pyehɨ go ebe go dina ma soho. Obuʼla, bé ejala le enʉa dweʼle tiʼ yo lé ejoʼo lwib yo ndwe le egʉa leme ncwɨncwɨa go, buʼo yo, ndwe é mpʉ go lé ekœʼ ebò e cyen é pememe é mih mo Zyɛm ɨ.

Mataos 8:27

Bʉr baa ze jehe nye mɨnʉm mɨmbeʼ, ntɔʼ dîŋɔ ó: «Wiʼ mbi mʉr, wé zé, ndɨ, nkuo e maŋ, bana sa nye mojoʼo wi?»

Jacques 1:24

Jɨh tɨʼ nyi kʉ dwir koo, nye ejɨha mpʉ mpom wé be e.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

1 Tesalonika 1:5

ebe, é jɔʼ bɨh bé a lɛɛ bɨn Mbɨambɨa Lɔɔ ɛ, bɨn bé a baanʉa lɔɔ waa e l'epɨh. Yé ó, ebe, é jɔʼ gwar yaa, Zyɛm a si lɛʼle bɨn nkul nɨnɨ we tɨ. Sisim we, wé a si fulo nteme é bɨn. Bɨn bé a ka gʉa é jɔʼ yaa ó, lɔɔ waa, wé a kʉ be ó cyecye. Bɨn bé egʉa nteme mpʉ bɨna bé a be-be ga ɛ. Bɨh bé a tiʼe-tiʼe no ó, é l'efu le edi bɨn e nyɔm.

1 Timotɛ 6:6

To kœb ó, edwaabe Zyɛm lɛɛ, lé e buobuo nyɔm ó, nkʉ mʉr lé edwaabe Zyɛm ɨ, nye edwɛʼ njɨ mobi nye lé ebi-bi ɨ.

2 Pyɛr 1:6

É ngwɨa, bɨn bé à kɛl mɛra leme. É mɛra leme, kɛlɨ ga bihbe. É bihbe, kɛlɨ ga edwaabe Zyɛm.

Ebrœ̂ 13:5

Mʉr alaʼ ga lʉ é kpɛl mɔn. Filɨ ga mɨleme si é bim bɨn lé ebi ɨ, ebe, Zyɛm a lɛɛ ó: «Me abe e nkul eliʼe go é ntɛʼɛ nkʉ ntwiŋ go.»

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Rôm 13:11

Saʼ ga no, ebe, bɨn bé egʉa jɔʼ bɨna ga mu ɨ. Banana, yé ó jɔʼ bɨn lé ekʉ jala le ejɨma é bɨdwo e. Jɔʼ Zyɛm a bɛa tiʼe é leme we ó, nye dwe ó bɨna ga tiʼ molu mo mpoʼ mɨmɛh ɛ, yé mu ó kunokuno le epyal, laa mpʉ yé a taare be é jɔʼ bɨna bé a taare jyɛʼ ga taa buʼo ga yina boo Zyɛm ɨ.

Rôm 13:12

Pum mu ó lé ekʉ laa. Mɛn, wé mu ó lé ekunbo. Bɨna birɨ ga be bɨsyɛɛla bɨ apum. Bɨna bwara ga mokʉa mo dɔm é l'efu ó, bɨna lwimla ga e me é moho.

2 Pyɛr 3:10

É dobo Da Yesʉs óbula ze e, nye ópyal bʉr ó, motwɨra, é mpʉ ndiblʉ. Jobo e l'ejyoo le ebantɛn, byé ójaa e bwaʼbwaʼ duu. Bɨsa bɨtwaʼa Zyɛm a cye, ntɔʼ me kʉ e si e tɨʼ ɨ, bibyɛh, byé ójɔa siʼe, ntɔʼ dinba. Si nwaʼ ndwe e bɨsa bibyɛh bʉr lé esa tɨʼ ɨ, byé óka gʉa gʉŋɔ.