2 Pyɛr 3:10 - Kálara Zyɛ̌m Edwán é mpʉ̌n

¹⁰ É dobo Da Yesʉs óbula ze e, nye ópyal bʉr ó, motwɨra, é mpʉ ndiblʉ. Jobo e l'ejyoo le ebantɛn, byé ójaa e bwaʼbwaʼ duu. Bɨsa bɨtwaʼa Zyɛm a cye, ntɔʼ me kʉ e si e tɨʼ ɨ, bibyɛh, byé ójɔa siʼe, ntɔʼ dinba. Si nwaʼ ndwe e bɨsa bibyɛh bʉr lé esa tɨʼ ɨ, byé óka gʉa gʉŋɔ.

Kálar Nzyɛ̌m : Ejwán é Sáá

¹⁰ Ɨ́ jɔʼ Tî Yésʉs óbáʼǎ nze yɨ́, nye ópyâl bʉ̂r ó, metwɨrâ, mpʉ̌ ndíblʉ̌. Jʉ́o le ejwoo le baántɛ́n, byé ótɨ̂l e duú ɨ́ buo buo. Bisá Nzyɛ̌m á komlo byé e tɨ̂ʼ bí, nye ódîʼ bíbyɛ̂h. Sí yɨ̂ʼ ti e bisá bíbyɛ̂h bi dí esumɔɔ tɨ̂ʼ bí, byé ódíʼɔɔ.

2 Pyɛr 3:10 ပူးပေါင်းရင်းမြစ်များ

Mɨngwiha 21:1

Me a si bee edwan e jobo ndwe e l'edwan e si, ebe, jobo efoʼ bé e si efoʼ, byé a be ó si laa. Maŋ, mé a baaka be e dia.

Mataos 24:35

Kʉ e si, byé ólaa; mɨlɔb myam myɛɛ, myé ódi njʉmdia e njʉmdia.»

2 Pyɛr 3:7

Lwib mo Zyɛm gwar e gwar yaa ó ndɨ ebaʼle jobo, le ejyoo le si nwa. Yé ódɨ baʼle bye ó, to pyal é dobo le etiʼ e mɨlɔb. Byé òdiʼɔ. Bʉr o ndɨ adwaabe Zyɛm ɨ, bé ódim cyecye é moho waa.

Mɨngwiha 16:15

Tî ga wina, nye elɛɛ ó: «Mbe ga, me ó ma ze nɨ! Me ópyal bɨn ye ó, mpʉ ndiblʉ, mʉr abuʼla. Mocyɛʼ mo mpom, mé óswɨɨ é waa ndɨ edi nkehe, mɨkan mɨmbœra é nyʉl ɨ. Nyɛɛ, nye aŋa nyin fufwah, nkʉ sɔma.»

1 Tesalonika 5:2

ebe, bɨn bʉr o tɨ, bé ekʉ gʉa é kpɛhla ó, é dobo Da Yesʉs óbula ze e, nye ópyal bʉr ó, motwɨra, mpʉ mɨndiblʉ ndɨ ebɛa pyal-pyal bʉr é mɨpum ɨ.

Markus 13:31

Kʉ e si, byé ólaa; mɨlɔb myam myɛɛ, myé ódi njʉmdia e njʉmdia.»

2 Pyɛr 3:12

Cye yiyɛh bɨna dina lé ekœʼ ga ebò e cyen laa ɛ, yé elɛʼle ó, bɨna bé ebono ga dobo Zyɛm óbula ze e. Bɨna bé esea ga nteme ó, syɛɛ yé ósa ó, nye kpahba ze e. É moho waa ó jobo e l'ejyoo le ebantɛn, byé ójɔa siʼe, ntɔʼ dinba.

Mɨngwiha 3:3

Ebe no, toŋla ga sikʉlʉ bɨn bé a joʼo é molu pihe e. Toŋla ga nteme mpʉ bɨn bé a taare nʉa ye e. Gwɨma ga mobebe mɨn. Bɨn bé à dwir mɨleme. ǃBɨn si bene di nkehe nɛʼɛ, gʉŋa ga ó, me ópyal bɨn mpʉ ndiblʉ, bɨn l'abuʼla. Bɨn bé aŋa gʉa ewala me óze e.

Lʉkas 12:39

ebe, bɨn bé egʉa ó, nkʉ mʉr mbɛr a be ó be, gʉa ewala ndiblʉ, wé a be ó, wé ópyal nɛʼɛ, mpa nye a di ó nkehe. Nye a ngbaa be ó, abir ó, wé kɛʼɛ nye mbɛr, díbe.

Mɨngwiha 20:11

No ó, me ze bee dia taʼa nɨnɨ, yé a be é pumo-pumo e. Me ze bee nteme waa a be tɨʼ ndindil ɨ. Si nwaʼ ndwe e jobo, byé a si dim é mih me.

1 Korɛnt 5:5

bɨn bé à cen mʉr waa boo Satan, ó Satan lɨrɨ nye é nko paʼ bɨpuno bye. é nko paʼ sisim we, nye óbi tiʼ molu mo mpoʼ mɨmɛh é dobo Tî ga wina óbula ze e.

Rôm 8:20

Sa gwar, byé mu lé egʉa ó, byé é tɨtoʼo, jɔʼ yiyɛh byé dina é dia yɔɔ ɛ. Sa gwar, ntʉʼ mbi waa byé a gwɨm di ɨ. Zyɛm nye mʉr tɨʼ ó b'a dil bye é dia tɨtoʼo yaa é til jɔʼ yi. Bɨna mu ó lé ekʉ bono e mbɛla é leme ó,

Yʉ̂d 1:6

Sa mba, yé ó, toŋla ga nteme beengles, mpʉ bé a be, adihbe edi é bɨdia bɨ taʼa byɔɔ ɛ. Bé a si liʼe mɨmpaŋ bɨdia byɔɔ byaa, ntɔʼ saŋɔ bɨdia bɨfih, Zyɛm ntɔʼ gba be é l'edurʉ tʉŋlʉ, kaʼ be gʉ. Bé ódi mɨkɛʼa ó, njʉmdia e njʉmdia. É l'edurʉ laa ó bé lé ebono, to pyal é l'esie e mbi jɔʼ yi. É jɔʼ yaa ó Zyɛm ótiʼe be mɨlɔb ɨ.

1 Korɛnt 1:8

Nye waa nteme ó ngo gba bɨn nkul é monyʉl, to pyal é l'esie, abe e sa ebebe nye a ngbaa nwahle bɨn e tɨʼ é dobo Tî ga wina Yesʉs-Krɨst óbula ze e.

1 Tesalonika 5:4

Obɨɔ ga bam aa! Bɨn bé abe é l'edurʉ. Bɨn bé aŋa twɨra dobo Da Yesʉs óbula ze e. Lé aŋa pyal bɨn mpʉ ndiblʉ.

2 Pyɛr 3:11

É mpʉ yé ndɨ ó, bɨsa biʼ bibyɛh, byé ódim no e, dɨʼe pahle ga! Wáa mbi ebò e cyen bɨn lé ejala le ekœʼ œ? Ebò e cyen laa, lé ó laa ndɨ ejala e mɨsaŋ mɨ bʉr ɨ, bé e bʉr o ndɨ edwaabe Zyɛm ɨ.

Mɨngwiha 6:14

Jobo, yé a si dim é mih é piii, é mpʉ mɨtila lé edim-dim é jɔʼ bé lé epile mbom kalara ɛ. Mocwɨʼ mɨmɛh ndwe e mine mɨmɛh, byé a si pʉʼa é bɨcye byɔɔ.