2 Pyɛr 2:9 - Kálara Zyɛ̌m Edwán é mpʉ̌n

⁹ Yé be ó, Da a be si syɛb Lot é mɨtuu nɛʼɛ, lɛɛ ó, nye nteme ógʉa mpʉ nye ódɨ tiʼ bʉr bɨbɛh ndɨ edwaabe nye e, é jɔʼ bé lé entaa mobʉbla ɛ. Nye egʉa nteme mpʉ nye ókab ozyɛhozyɛh o bʉr bɨntɨʼa, le emɛr be é mpila é dobo le etiʼ e mɨlɔb ɨ.

Kálar Nzyɛ̌m : Ejwán é Sáá

⁹ Yé bé Dâ Nzyɛ̌m á si nyɛɛ sâ bʉr baá nó wá, nó ntémé, nye ókʉ́ gʉ́ǎ mpʉ nyé ósyɛb bʉ̂r o dí egúmo e né bá ɨ́ mebʉ́blá yɨ́. Nye lɨ́ egʉ́a ntémé mpʉ nyé ókab ónzyɛ́h ó bʉ̂r bintɨ́ʼá, le egbâ bé ɨ́ mpila, lɨ́ ebónǒ móhó étíʼ é mílɔ̌b yɨ́.

2 Pyɛr 2:9 ပူးပေါင်းရင်းမြစ်များ

1 Korɛnt 10:13

Mobʉbla bɨn bé a ntaa ɛ, mé epyal bɨn e bʉr bɨbɛh no. To kœb ó, Zyɛm, nye ó mʉr ebuʼla. Nye aŋa bir ó, bɨn boblɔ e mbi mobʉbla wé óntaa bɨn é nkul ɨ. É jɔʼ mobʉbla, mé ópyal-pyal bɨn ɨ, nye ókar bɨn zi fih. Bɨn bé òjyɛl tɨ, bɨn nteme l'aka sa bɨsyɛɛla bɨ ebebe bɨn bé a ngbaa sa ɛ.

Mɨngwiha 3:10

No ó, me a lɛɛ e bɨn bɛɛ ó, bɨn dihba. Bɨn ntɔʼ ze baʼle lɔɔ wam waa. Mpʉ bɨn bé a joʼo me no e, me óbaʼle bɨn, ebe, bɨn bé amu jaa ni é bɨntɨʼa mu lé epyal é mʉr nyiwɛh é si nwaʼ ɛ.

2 Timotɛ 3:12

Mʉr nyiwɛh lé ekpɛl dwiibɨ Zyɛm, waa ndɨ é zyɛŋa wɔɔ boo Yesʉs-Krɨst ɨ, nye ótíilɔ.

2 Pyɛr 3:7

Lwib mo Zyɛm gwar e gwar yaa ó ndɨ ebaʼle jobo, le ejyoo le si nwa. Yé ódɨ baʼle bye ó, to pyal é dobo le etiʼ e mɨlɔb. Byé òdiʼɔ. Bʉr o ndɨ adwaabe Zyɛm ɨ, bé ódim cyecye é moho waa.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

2 Pyɛr 2:4

Ebe, jɔʼ beengles bé a sa syem ɨ, Zyɛm a baakamle e be. Nye a kʉ ka guho be ó njɨ é Bɨ-siʼe. Nye a dil be gʉʼ é mpila ó, lé ebono dobo le etiʼ e mɨlɔb.

Rôm 2:5

Cye yiyɛh go dina lé esa elele e lʉ, nkʉ bene lé edwir leme e, go ebul bɨbaa bɨ ebebe Zyɛm lé eniʼe go e. Byé óka láŋɔ ó, é dobo Zyɛm ókpaa empime le e bʉr bɨbɛh ɛ. Dobo laa nteme ó nye ólɛʼle mʉr nyiwɛh mpʉ nye lé etiʼe bʉr mɨlɔb é l'ocɨcyel ɨ.

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

Mataos 10:15

Me elɛɛ bɨn cyecye ó nɛɛ: é dobo le etiʼ e mɨlɔb, bʉr o Sodɔm e Gomɔr, bé aŋa bul kabɔ bɨntɨʼa mpʉ bʉr o kwar waa.»

Yʉ̂d 1:6

Sa mba, yé ó, toŋla ga nteme beengles, mpʉ bé a be, adihbe edi é bɨdia bɨ taʼa byɔɔ ɛ. Bé a si liʼe mɨmpaŋ bɨdia byɔɔ byaa, ntɔʼ saŋɔ bɨdia bɨfih, Zyɛm ntɔʼ gba be é l'edurʉ tʉŋlʉ, kaʼ be gʉ. Bé ódi mɨkɛʼa ó, njʉmdia e njʉmdia. É l'edurʉ laa ó bé lé ebono, to pyal é l'esie e mbi jɔʼ yi. É jɔʼ yaa ó Zyɛm ótiʼe be mɨlɔb ɨ.