2 Pyɛr 2:6 - Kálara Zyɛ̌m Edwán é mpʉ̌n

⁶ Zyɛm a si dwe bʉr o bɨnkana bɨ Sodɔm e Gomɔr mobe, nye ntɔʼ diʼ bye e siʼe. Nye a sa syɛɛla yaa ó, lé elɛʼle mpʉ bʉr o ndɨ adwaabe nye e, bé ófuʼla ɛ.

Kálar Nzyɛ̌m : Ejwán é Sáá

⁶ Nzyɛ̌m á si dwe binkana bí Sodôm e Gómɔr bintɨ́ʼá, nye nzě dîʼ byé, dwir byé meswií. Nó, nye á sâ mpʉ́nʉ̌ ó, lɨ́ edwe mɨ́ná gá mveʼle édû. Minjéʼe-Nzyɛ̌m, myé ósûʼla ntémé ó njɨ jwɨʼ gwár yaá.

2 Pyɛr 2:6 ပူးပေါင်းရင်းမြစ်များ

Yʉ̂d 1:7

Sa lɛl, yé ó, toŋla ga nteme bʉr o Sodɔm e Gomɔr, ndwe e bʉr o b'a di é bwa bɨnkana byé a be é nkɔra yaa ɛ. Bʉr baa, bé a si sa bɨmala, le edu mbi bʉr bé ndɨ ajala le ekœb é duo e. Bé a ka bi bɨntɨʼa ó, é siʼe tʉŋlʉ, yaa lé eduo njʉmdia e njʉmdia ɛ. Zyɛm a sa syɛɛla yaa ó, lé elɛʼle mpʉ bʉr ofih, bé ósia nteme e bɨntɨʼa é siʼe yaa ɛ.

1 Korɛnt 10:11

Bé a bɔma e bɨsyɛɛla byaa ó, dweʼle yɔɔ, yé nkʉʼ bal bʉr, bʉʉ bʉr ze tile é lʉ wɔɔ é Kalara Zyɛm ó, bɨna liʼɨ ga lé epahle tɨ, ndwe le edweʼe sa bɨna mu lé ebee ga é l'esie e mbi jɔʼ yiʼ ɨ.

Yʉ̂d 1:15

é l'efu ó, nye tiʼa bʉr bɨbɛh mɨlɔb le edwe bʉr bɨbɛh ndɨ adwaabe nye e, mobe. Mɨsyem myɔɔ, myé enyin é bɨsyɛɛla bɨ ebebe byɔɔ bibyɛh. Zyɛm ólɛʼle osyɛl o mɨsyem, baa ndɨ adwaabe nye e, mpʉ bé a sa syem lé elwib bɨlwib bɨ mpyoo, tiibe e nye e.»

Mataos 10:15

Me elɛɛ bɨn cyecye ó nɛɛ: é dobo le etiʼ e mɨlɔb, bʉr o Sodɔm e Gomɔr, bé aŋa bul kabɔ bɨntɨʼa mpʉ bʉr o kwar waa.»

Mataos 11:23

A gwɔɔ, Kapernaʉm, zê go óbɨnɔ, to pyal pyala é jobo kʉ ɛ? Tɨtoʼo! Go ófilɔ si, to pyal kwar odwè! Nkʉ mosima mé a syɛɛlɨ bɨn ye e, mé a be ó be, syɛɛlɨ ɨ Sodɔm nɛʼɛ, mpa nkana yaa, yé dina ó tɨ, ze pyal é muh é dobo lɨ.

Rôm 9:29

Ezayi a bɛa lɛɛ nteme ó: «Nkʉ Zyɛm Nkul nyiwɛh a be ó be, l'aliʼe bɨna ga e mpoŋbʉr nɛʼɛ, mpa bɨna bé a kʉ fuʼla ga ó, mpʉ Sodɔm, yé a be e; mpa bɨna bɨ kʉ nwɨɨla ga e Gomɔr.»

Ebrœ̂ 4:11

Ebe no, bɨna gbaʼ ga monyʉl lé eni é l'egbala laa. Bɨn bé amu sa ebɨh lé ekœʼ ebò e cyen bɨmpam ga bina, bɨn ntɔʼ lɨŋa é buʼo.