Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pyɛr 2:4 - Kálara Zyɛ̌m Edwán é mpʉ̌n

4 Ebe, jɔʼ beengles bé a sa syem ɨ, Zyɛm a baakamle e be. Nye a kʉ ka guho be ó njɨ é Bɨ-siʼe. Nye a dil be gʉʼ é mpila ó, lé ebono dobo le etiʼ e mɨlɔb.

အခန်းကိုကြည့်ပါ။ ကော်ပီ

Kálar Nzyɛ̌m : Ejwán é Sáá

4 Ebě, Nzyɛ̌m á bé abîr bééngeles bé á sâ syóm bá. Nye á jaa guho bé ó, njɨ ɨ́ bɨ́ siʼe. Nye ntɔ̂ʼ gbâ bé ɨ́ mpǐl, lɨ́ ebónǒ móhó étíʼ é mílɔ̌b.

အခန်းကိုကြည့်ပါ။ ကော်ပီ




2 Pyɛr 2:4
25 ပူးပေါင်းရင်းမြစ်များ  

Sa mba, yé ó, toŋla ga nteme beengles, mpʉ bé a be, adihbe edi é bɨdia bɨ taʼa byɔɔ ɛ. Bé a si liʼe mɨmpaŋ bɨdia byɔɔ byaa, ntɔʼ saŋɔ bɨdia bɨfih, Zyɛm ntɔʼ gba be é l'edurʉ tʉŋlʉ, kaʼ be gʉ. Bé ódi mɨkɛʼa ó, njʉmdia e njʉmdia. É l'edurʉ laa ó bé lé ebono, to pyal é l'esie e mbi jɔʼ yi. É jɔʼ yaa ó Zyɛm ótiʼe be mɨlɔb ɨ.


«Pie tɨ, nye ólɛɛ e baa ndɨ nye é mbo emyɛl ó: “Pʉʼa ga gumo me ndɨ ɨ, bʉr o Zyɛm a bɛa káale e. Toʼ ga é siʼe lé eduo njʉmdia e njʉmdia ɛ, siʼe Zyɛm a bɛa tira é l'efu mo Njwɨɨ moleme bé e beengles be e,


Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.


No ó, Njwɨɨ moleme, mʉr a kʉ gomlo bɨbɛh é bebebebe zi ɨ, nye ómɛrɔ, guhɔ é Bɨ-siʼe. Tɨʼ ó pir lé eduo, adime-dime e. Bé óguho nye ó, é gumo bé a taare guho tir nɨ bé e mpʉmpʉl ngwiha mɨlɔb ɨ. Bé ósia e siʼe yaa tɨ, moho e pum mɨcye, njʉmdia e njʉmdia.


Yesʉs ntɔʼ lɛɛ e be ó: «Me a si bee Satan lé eduho é jobo kʉ, ze e kam kaʼ si é kum, kʉ be mpʉ ndweh mpie.


Mʉr lé eto dolo lé esa mɨsyem ɨ, nyiha, nye ó waa mo Njwɨɨ moleme, ebe, Njwɨɨ moleme ó ndɨ etin e mɨsyem, duho é l'etɔɔrʉ. To kœb ó, Mwan mo Zyɛm a ze é si nwaʼ ó, nye nkʉʼ gbɛɛ bɨsyɛɛla mo Njwɨɨ moleme.


Beengles mo Zyɛm bɛɛ, bʉr o ndɨ elaa bɨbɛh é nkul ɨ, bé abe lé ekɛl molwɨɨ é jɔʼ bé lé epur be é mih mo Da ɛ.


Zyɛm a baakamle nteme e bʉr omya. Nye a si ntɨh mpɨɨ nɨnɨ é si nwaʼ lé ejʉ bʉr o b'a baadwaabe nye e. Nye a kʉ ka kamle ó njɨ e tiʼ mo Noe bé e bʉʉ bʉr tambɛl, ebe, nye ó b'a dwe-dwe bʉr bɨsikʉlʉ byé a be cɨcyel ɨ.


Moleme maa ze jwɨʼla e Yesʉs ó, nye l'aka gba twii mojwɨʼa, ó mé kaʼ to ó é Bɨ-siʼe.


Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.


ntɔʼ behe Yesʉs. Nye ó: «Yesʉs, Mwan mo Zyɛm ndɨ Lʉ bɨsa bibyɛh ɛ! Go esaa yé e me? Paʼ kʉ de mɨnkɛla é die mo Zyɛm ó, go aŋa dwe me ntɨʼa!»


Bé ntɔʼ lɛɛ okʉkʉ ó: «Mwan mo Zyɛm, go esaa yé e bɨh wâ? Zê go lé eze kab bɨh bɨntɨʼa é jɔʼ etiʼ e mɨlɔb l'apa pyal ɨ?»


Bé ebâʼle nwɨɨla nteme ó e l'oboʼo o maŋ, baa lé epyɛl mogul é ntomo-ntomo e. Bé esa ebebe, ajoʼɔ ba fwon. Pie tɨ, bé eka nwɨɨla ó e baatwitwɛn ndɨ adu bɨcye byɔɔ ɛ. Ebe no ó Zyɛm lé ekʉ baʼle-baʼle be bɨdia byɔɔ njɨ é l'edurʉ le ankom-nkom ɨ. Edurʉ laa, lé ódi-di no ó, njʉmdia e njʉmdia.


Yé be ó, Da a be si syɛb Lot é mɨtuu nɛʼɛ, lɛɛ ó, nye nteme ógʉa mpʉ nye ódɨ tiʼ bʉr bɨbɛh ndɨ edwaabe nye e, é jɔʼ bé lé entaa mobʉbla ɛ. Nye egʉa nteme mpʉ nye ókab ozyɛhozyɛh o bʉr bɨntɨʼa, le emɛr be é mpila é dobo le etiʼ e mɨlɔb ɨ.


Zyɛm pa taare be, akamle e l'oYʉden, bʉr nye a taare komlo mpʉ mɨmpaŋ mɨlɔɔ mɨ lɨ ɨ, a dwɛʼra e bɨn! Nye aŋa kamle e bɨn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ