2 Pyɛr 2:3 - Kálara Zyɛ̌m Edwán é mpʉ̌n

³ Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.

Kálar Nzyɛ̌m : Ejwán é Sáá

³ Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

2 Pyɛr 2:3 ပူးပေါင်းရင်းမြစ်များ

2 Korɛnt 2:17

No ó, bɨh bɛɛ, bé abe mpʉ obɛma o mɨlɔb mo Zyɛm. Zyɛm a lomo bɨh ó, loma. Lwib yaa, yé eduho bɨh é mɨmo si. Bɨh bé elwib mɨlɔb mye ó, é mih mo Zyɛm, é lɔb zyɛŋa wih boo Krɨst.

1 Tesalonika 2:5

Bɨn bé egʉa nteme ó, bɨh bé a baabe lé ekʉa bɨn é zi moseʼla. Bɨh bé a baadwe bɨn sikʉlʉ yaa e bʉʉ otwɨɨtwɨɨ. Zyɛm, nye ó mboʼla wih é nko paʼ waa.

Rôm 16:18

Mɨmbi mɨ bʉr myaa, ntʉʼ Tî ga wina Krɨst, bé lé esea. Bé ekʉ ka sea syɛɛ ó njɨ é l'efu e mɨmo myɔɔ! Bé edimle bʉr l'apa gʉa ebɛʼ paʼra embɨa e l'ebebe e, lé ekʉa be é zi lwib mopɨʼ ndwe e moseʼla.

Yʉ̂d 1:15

é l'efu ó, nye tiʼa bʉr bɨbɛh mɨlɔb le edwe bʉr bɨbɛh ndɨ adwaabe nye e, mobe. Mɨsyem myɔɔ, myé enyin é bɨsyɛɛla bɨ ebebe byɔɔ bibyɛh. Zyɛm ólɛʼle osyɛl o mɨsyem, baa ndɨ adwaabe nye e, mpʉ bé a sa syem lé elwib bɨlwib bɨ mpyoo, tiibe e nye e.»

Títos 1:11

Yé ekʉ jala ó, go dibla be mɨnʉm. Bé egomlo mɨmbɛr mɨ bʉr é bebebebe zi, ndwe le eyeʼle sa ndɨ ajala ɛ. Bé esa no ó, é l'efu ó, bé biʼe myɛna ndɨ ambɨa ɛ, é zi sikʉlʉ yaa. Yé é bul sa yɛɛ fwon lé ebi myɛna no!

1 Timotɛ 6:5

Esyɛb laa ó ndɨ esa ó, bʉr saʼ zyee lé esa mosono paʼra wɔɔ. Bé esa-sa no ó, bé e bʉʉ bʉr o ndɨ e bɨbol mɨpɛhla, baa b'a dɛʼɔ ocyecye e. Bé eniŋe ó, bé óbi-bi bɨmɔn é jɔʼ bʉr, bé ópaʼle be é mpʉ bé lé egʉa dwaabe Zyɛm ɨ.

2 Pyɛr 2:9

Yé be ó, Da a be si syɛb Lot é mɨtuu nɛʼɛ, lɛɛ ó, nye nteme ógʉa mpʉ nye ódɨ tiʼ bʉr bɨbɛh ndɨ edwaabe nye e, é jɔʼ bé lé entaa mobʉbla ɛ. Nye egʉa nteme mpʉ nye ókab ozyɛhozyɛh o bʉr bɨntɨʼa, le emɛr be é mpila é dobo le etiʼ e mɨlɔb ɨ.

2 Pyɛr 2:1

Molu pihe, mɨmpʉmpʉl mɨ ogwiha o mɨlɔb, myé a si pyal-pyal é l'esama e bʉr mo Zyɛm. É jwɨʼ gwar e gwar yaa ó mɨmpʉmpʉl mɨ oyeʼle, myé ódɨ pyal é l'esama lɨn ɨ. Bé ódwe-dwe bɨsikʉlʉ byɔɔ ó, é mofo, ó bé lɨrɨ buʼo yin. Bé ókɛla buʼo ga yina, le ekɛla ó, bé agʉa Tî ga wina, mʉr a jɛna bwaʼbwaʼ tɔɔ é jɔʼ nye a kʉr be e. Bé ódaʼre ebebe é monyʉl mɔɔ. Ebebe laa, lé ópyal be motwɨra, ntɔʼ dimle be.

2 Pyɛr 1:16

Bɨh ó b'a sa ó, bɨn gʉŋa mpʉ Tî ga wina Yesʉs-Krɨst a nyin e buobuo nkul ɨ. Yé a baabe ebe pɨʼ bɨh bé a nʉa, duho é bɨkɨkɛna bɨ mpʉl ɨ. Sa yé a sa ó, bɨh lɛʼla bɨn no e, yé a be ó bɨh bé a si bee mpwaʼ we e mih mɨh.

1 Pyɛr 5:2

Kobla ga daa e bɨntœme Zyɛm a timle bɨn ɨ, abe e moyemla nkʉ tina, njɨ ebe, mʉr tɨʼ, nye ekʉ gbaa. Saʼ ga no é pɛhla ó, bɨn bé esea ó Zyɛm syɛɛ. Mʉr beʼ l'abaʼle bʉr o Mbɛr-Zyɛm ebe bɨgwɨma bɨ ebi bɨsa tɨ. Nye saʼ no ebe mbɨambɨa gwɨma leme we.

Títos 1:7

Yé ejala ó, mʉr lé edi é dia mbɔʼlʉ é mbɛr Zyɛm we e, nye diʼe waa ndɨ adweŋɔ mobe e, ebe, mbɔʼlʉ é mbɛr Zyɛm, nye ambɨa, be mʉr pyeh, nkʉ kpɔɔ, nkʉ fufwɔʼ monwoʼ, nkʉ mʉr ndɨ é feha ɛ, nkʉ waa lé esaa bɨsa é mozi ndɨ ozyɛhozyɛh ɛ.

Yʉ̂d 1:11

A vwaʼ e bʉr baa, ebe, bé ekœʼ ebò e cyen mo Kan. Bé a fim mɨkam, ntɔʼ pɔhba ó, mpʉ mo Balam, ebe, bé a gwɨm-gwɨm ó, njɨ ebi myɛna. Bé a ka to dwè ó, mpʉ jyɛɛ mo Kore, bé a dwè é jɔʼ bé e boo nɔɔ, bé a kaŋa e Moyiz ɨ.

Yʉ̂d 1:7

Sa lɛl, yé ó, toŋla ga nteme bʉr o Sodɔm e Gomɔr, ndwe e bʉr o b'a di é bwa bɨnkana byé a be é nkɔra yaa ɛ. Bʉr baa, bé a si sa bɨmala, le edu mbi bʉr bé ndɨ ajala le ekœb é duo e. Bé a ka bi bɨntɨʼa ó, é siʼe tʉŋlʉ, yaa lé eduo njʉmdia e njʉmdia ɛ. Zyɛm a sa syɛɛla yaa ó, lé elɛʼle mpʉ bʉr ofih, bé ósia nteme e bɨntɨʼa é siʼe yaa ɛ.

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

1 Pyɛr 2:8

Yé ó tila é Kalara Zyɛm, tiibe e Krɨst ó: «Nye ó ekoʼ lé ódumo bʉr ɨ. Lé ó ebɔʼ bé óbɨm é mɨleme e.» Bé ekʉ duma, ebe, bé esa lɔɔ Zyɛm ebɨh. Yé ó nkɔb Zyɛm a bɛa tiʼe é leme we ó, bé óbi ɨ.

1 Timotɛ 3:8

Jwɨʼ gwar e gwar yaa nteme, odiakɔn, bé ejala le etiʼe é modile, abe e l'alwiblwib. Bé ajala le elɔʼba é monwoʼ, nkʉ saa bɨmɔn byɔɔ é mozi ndɨ ozyɛhozyɛh ɛ.

1 Timotɛ 3:3

abe nunwoʼ, nkʉ mʉr ndɨ é feha ɛ. Nye ejala le ebe ó é tala njwɨr. Nye abe mʉr bɨtom. Nye alaʼ lʉ é kpɛl mɔn.

1 Tesalonika 5:3

Bʉr, bé ólɛɛla paʼra wɔɔ ó: «Sa yiyɛh mu ó bɨna ga mbɨmbɨa. Sa ebebe, yé abe e nkul eka sa bɨna ga.» É jɔʼ yaa, ebebe, lé ópyal be motwɨra, ntɔʼ dimle bɨbɛh. Si óliʼ tɨtoʼo. Bé aŋa be e nkul esyɛhle mobebe maa. Bé óbe ó mpʉ anya-ebum. É jɔʼ min lé emɛr nye e, nye abe e nkul esyɛhle mokpaa mo min.

Yʉanes 2:16

Nye e bʉr o b'a be lé ebɛma mopɨba ó: «Pɛʼɛ ga mopɨba mɨn mɨmɛh wâ! Daʼ liŋ ga Mbɛr mo Sɔŋ wam mpah engar!»

Lʉkas 22:47

Yesʉs dina lé elwib, ka twɨra nɛʼɛ, ntuntuma bʉr, yi ze pyal é kpɨm. Mʉr a cyɛb be zi dolo e, a be die ó Yʉdas, mʉr ngwar é l'Esama le ompʉn ewʉm e l'oba! Nye ntɔʼ dihle nko Yesʉs a be e, ó nye duʼo emuʼ le.

Lʉkas 20:20

Bé ze taare lé ebaʼɔ nye, ze lomɔ bʉr o mpyɔm, nwɨɨla e l'ocɨcyel o bʉr, ó bé lam ó nye é mbi lwib nye óbɨha e be e, bé òkɛha nye é mobo mo ngoman.

Lʉkas 18:8

Me elɛɛ bɨn ó, nye ókpahbe tiʼe mɨlɔb myɔɔ é l'ocɨcyel. Sa gwar, é dobo Mwan mo Mʉr óbula ze é si nwaʼ ɛ, zê nye ópyal, kœb mʉr ngwar dina lé ejyɛʼ taa buʼo ye boo nye e?»

Yʉ̂d 1:16

Bʉr baa, bé ó jɔʼ yiyɛh lé elwib é bebebebe, tiibe e Zyɛm. Bé é jɔʼ yiyɛh ó, lé etine-tine nkɔb nye a dwe-dwe be e. Bé ekʉ ka du ó njɨ bɨgwɨma byɔɔ le elwib bɨlwib bɨ jaale. Bé ekʉa bʉr é zi moseʼla, bɛɛ lé egʉa ó, bé ódira nyɔm wɔɔ e moseʼla maa.

Mataos 23:14

A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ, bɨn bé esà mɨkuho, nʉa bɨsa bibyɛh myé ndɨ eliʼ e tɨʼ ɨ. Bɨn bé ejwɨʼla-jwɨʼla nteme e Zyɛm ó, bul mokan, lé esa lɛʼla. Ebe no ó bɨn bé óbul dweŋɔ mobe le ekabɔ bɨntɨʼa.]