2 Pyɛr 2:2 - Kálara Zyɛ̌m Edwán é mpʉ̌n

² Bé ógomlo buobuo bʉr é bebebebe zi, ó bé saʼ bɨmala zam e l'ekomo. Bé ósa ó, bʉr fœʼœ sikʉlʉ é lɔb zi ocyecye bɨna lé edu ga ɛ.

Kálar Nzyɛ̌m : Ejwán é Sáá

² Kʉ̌ tyen wɔ́ɔ́ ntémé, wé ódímle bʉ̂r ɨ́ buo buo, ebě, bʉr oswîh, bé ósâ bímolá nzam le ekomo lɨ́ ebaŋa byê. Sá tɨ̂ʼ ó ngá tíne bʉ̂r ó, bé swéʼee díé é búʼó gá yɨ́ná, dí le otyeetye yɨ́.

2 Pyɛr 2:2 ပူးပေါင်းရင်းမြစ်များ

Rôm 2:24

Yé ó mpʉ yé ndɨ tila é Kalara Zyɛm ɨ. Yé ó tila ó: «Bʉr o ndɨ abe oYʉden ɨ, bé epyeh die mo Zyɛm ó, ebe bɨn.»

Yʉ̂d 1:10

To kœb ó, bʉr onɨ, bé elwɨɨ-lwɨɨ ó, sa yiyɛh bé ndɨ ejeʼe e. Yaa bé lé egʉa ɛ, yé ó lé ebula dimle be! Bé ó kʉ be mpʉ otir, sa ndɨ apahle sɔʼɔ ɛ!

Mɨngwiha 13:14

ebe, nye a si dweŋɔ nkul esa bɨdweʼle bɨ nkul we no é mih mo tir monyan efoʼ waa. Nye egomlo odil o si nwaʼ bɨbɛh é bebebebe zi é lɔb esa be mosima. Nye elɛɛ e be ó, bé kpaʼa dweʼle yé ónwɨɨla e tir monyan efoʼ, waa a pa kparɔ e fòŋ, nyɛɛ l'adwè e.

Yʉ̂d 1:15

é l'efu ó, nye tiʼa bʉr bɨbɛh mɨlɔb le edwe bʉr bɨbɛh ndɨ adwaabe nye e, mobe. Mɨsyem myɔɔ, myé enyin é bɨsyɛɛla bɨ ebebe byɔɔ bibyɛh. Zyɛm ólɛʼle osyɛl o mɨsyem, baa ndɨ adwaabe nye e, mpʉ bé a sa syem lé elwib bɨlwib bɨ mpyoo, tiibe e nye e.»

2 Pyɛr 2:15

Bé a si liʼe cɨcyel zi, gʉmla é bebebebe zi, ntɔʼ dim lé edu zi mo Balam, mwan mo Bosɔr. Nye ó b'a kpɛl myɛna nye a bi pie bɨsyɛɛla bɨ ozyɛhozyɛh nye a dɨ sa ɛ.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Títos 2:8

Lwib yo, yé duʼo mpaŋ sikʉlʉ bɨna lé ejwɨʼ ga ɛ. Ebe no ó bʉr bé óbe, akœb sa elɛɛ é l'ebebe, tiibe e lwib yo e. Bʉr o dɔm onɨ, bé óka joʼo fwon nteme, bé l'abe e sa ebebe bé ólɛɛ, tiibe e bɨna ga.

Mɨlʉmlʉ 24:14

No ó, me ekʉ mɛʼle yɛɛ ó, me edwiibɨ Zyɛm bɨmpam bih lé edu Zi Tiʼ. Zi waa, nye ó buʼo bɛɛ lé elɛɛ ó, yé é bebe e. Mɛm, me ebuʼla sa yiyɛh ndɨ tila é motie mo Moyiz ndwe e sikʉlʉ ogwiha o mɨlɔb bé a dwe e.

Mɨlʉmlʉ 16:17

Nye ze taare lé edu bɨh e Pol pihe, e tim é nʉm. Nye a lɛɛ-lɛɛ ó: «Bʉr ba, bé ó osyɛl o mosa mo Zyɛm ndɨ Lʉ bɨsa bibyɛh ɛ. Bé ó ndɨ etuno edib e zi ebi tiʼ molu mo mpoʼ mɨmɛh.»

Mataos 24:24

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé óbuo. Bé ósa bɨbwaʼbwaʼ bɨdweʼle bɨ nkul wɔɔ ndwe e bɨsa bɨ jehe lé esaa egomlo mɨpɛha mɨ bʉr mye é bebebebe zi, ǃbé ókoʼo wa.

2 Pyɛr 2:21

ebe, yé a ngbaa bul mbɨa é nko paʼ wɔɔ ó, mpa bé a baataare kœʼ é zi lé elɛʼle bʉr ebò e cyen ndɨ cɨcyel ɨ, abe, bé osi kœʼ tɨ, é kœʼ kœʼ nɛʼɛ, bé ntɔʼ ka bula tumo koo e motie ndɨ ti, maa Zyɛm a bɛa tiile be e.

Títos 2:5

Mé gʉa pahle mɨlɔb. Mé diʼe é pememe. Mé sea é mɨmbɛr myɔɔ, lé ecwɨa e bʉr. Mé saʼ ojʉm bɔɔ mojoʼo. Ebe no ó bʉr, bé óbe, l'afœʼ lɔɔ Zyɛm ɨ.

1 Timotɛ 5:14

Ebe no ó me lé etɨe mɨkuho mɨ bʉba dina mompɨh ó, myé toʼ é moba ɛ. Myé nkʉʼ bya bwan, le ebaʼle mɨmbɛr mɨ bʉr myɔɔ. Mʉr lé esa bɨna mongan ɨ, nye amu jaa kœb ó, mɨkuho myaa, myé edib nye zi ó, bʉr o dɔm bɨna, bé fœʼœ bɨna ga tɨ.

Mɨlʉmlʉ 19:9

Sa gwar, mpʉ bʉʉ bʉr bɛɛ, bé a sa elele e mɨlʉ, saŋɔ lɔɔ Zyɛm ebɨh, le elwɨɔ baa ndɨ edu Zi Tiʼ ɨ, Pol ze duho é sama yɔɔ, ntɔʼ nʉa ompʉn, to e be é mpah sikʉlʉ mo Tiranos. Tɨʼ ó bé e boo nɔɔ, bé a sa bɨlɛba dobo lɨlɛh ɛ.

Mɨlʉmlʉ 18:26

Nye ze taare lé elwib é mpah mɨnjwɨʼla oYʉden tʉŋlʉ é kpɛŋlɛm, abe e bʉa. É jɔʼ Priska bé e Akilas, bé a joʼo nye e, bé ze nʉa nye, ntɔʼ kʉ pɛʼle nye zi mo Da Zyɛm, laa mpʉ nye a taare dweŋɔ sikʉlʉ tɨʼ ɨ.

Mɨlʉmlʉ 14:2

Bʉʉ oYʉden, baa b'a sa lɔɔ Zyɛm ebɨh ɨ, ze soʼlo bʉr o bɨkul bɨfih ó, bé beʼ e mɨpɛhla mɨ ebebe é nko paʼ obuʼla.

Mɨlʉmlʉ 13:10

Nye e nye ó: «Gwɔɔ mwan mo Njwɨɨ moleme, mʉr dɔm ndɨ elwimla e sa yiyɛh ndɨ é l'ocɨcyel ɨ. Go ó lwɨŋla e bɨlwib bɨkʉʉŋʉ le mpʉl, mɨmbi mimyɛh. Zê go aŋa gwaʼ lé eze e mbʉl é mɨlɔb mo Da ɛ?

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Markus 13:22

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé ópyal, lé eze le esa bɨdweʼle bɨ nkul wɔɔ e bɨsa bɨ jehe, lé esaa egomlo bʉr o Zyɛm a pɛh ɛ, é bebebebe zi, nkʉ bé ókoʼo.

Markus 12:14

No ó bé a ze lɛɛ e nye ó: «Yeʼle, bɨh bé egʉa ó, go elɛɛ ó ocyecye. Sa mʉr fih lé ebee é we paʼ ɛ, yé alɛɛ go sɔʼɔ. Go ádwaabe bʉr é lɔb mompom mɔɔ. Go edwe-dwe bɨh sikʉlʉ ó, lé eyeʼle mpʉ mʉr lé ejala le ekœʼ ebò e cyen Zyɛm lé ekpɛl ó, bʉr kœʼœ œ. No ó, lɛŋɨ bɨh: Zê motie ga mɨna, mé ekamle mʉr lé ejɛna tœa mo Kɛɛza ɛ? Zê yé kɔmlʉ ó, mʉr jɛna nye ya ɛ? Zê bɨna jɛna ga ɛ? Zê bɨna beʼ l'ajɛna ga ɛ?»

Mataos 22:16

No ó bé a ze lomo bʉʉ ompʉn bɔɔ nko nye a be e, bé e bʉr o mpoʼo Erod. Bé e nye ó: «Yeʼle, bɨh bɨ gʉa ó, go elɛɛ ó ocyecye. Go nteme, go edwe bɨh sikʉlʉ tiibe e Zyɛm é l'ocyecye. Sa mʉr fih lé ebee é we paʼ ɛ, yé alɛɛ go sɔʼɔ. Go ádwaabe bʉr é lɔb mompom mɔɔ.

Mataos 7:14

Yé é kɔbla ó, mʉr cwɨŋɨ é zi lé eto pyal é tiʼ njʉmdia ɛ! Ebe nye lé ecwɨɨ tɨʼ ɨ, lé é ban. Bʉr o lé ecwɨɨ tɨʼ ɨ, bé abuo.»

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

2 Pyɛr 2:12

Oyeʼle baa bɛɛ, bé epyeh ó, sa bé ndɨ agʉa ɛ. Bé ó mpʉ otir o montiʼ, luʼo pɨʼ. To kœb ó, tir, nye ekʉ byɛl njɨ ó, nye mɛrɔ; nye òjʉŋɔ. Jwɨʼ gwar e gwar yaa ó bʉr baa, bé ópɛʼɔ modwɛʼla ɛ.

Mɨlʉmlʉ 22:4

É paʼ bʉr o b'a du-du Zi Tiʼ ɨ, me a si tíile be, to pyal é l'efie. Me a si naʼ bʉba e bʉrʉm mobo é nyʉl, cen be é mbʉʼ.

2 Pyɛr 2:7

To kœb ó, nye a be ó si syɛb Lot, cɨcyel mʉr, é bim efie laa tʉŋlʉ. Mbea Lot a bee-bee ontɔɔ o motie lé esa bɨmala zam e l'ekomo e, nye a be ó e tuu é leme,

2 Pyɛr 2:18

Bé elwib-lwib ó e mokan mo jaale, maa ndɨ mbɛh ɛ. Bé ekwab bʉr o b'a ngbaa pʉʼa é sama bʉr o bé e boo nɔɔ, bé a dɨ sa syem ɨ. Bé ekwab be no ó, lé elɛʼle be egba monyʉl mɔɔ lé esa bɨmala zam e l'ekomo.

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

Yʉ̂d 1:7

Sa lɛl, yé ó, toŋla ga nteme bʉr o Sodɔm e Gomɔr, ndwe e bʉr o b'a di é bwa bɨnkana byé a be é nkɔra yaa ɛ. Bʉr baa, bé a si sa bɨmala, le edu mbi bʉr bé ndɨ ajala le ekœb é duo e. Bé a ka bi bɨntɨʼa ó, é siʼe tʉŋlʉ, yaa lé eduo njʉmdia e njʉmdia ɛ. Zyɛm a sa syɛɛla yaa ó, lé elɛʼle mpʉ bʉr ofih, bé ósia nteme e bɨntɨʼa é siʼe yaa ɛ.