2 Pyɛr 2:19 - Kálara Zyɛ̌m Edwán é mpʉ̌n

¹⁹ Bé ekɛʼ be ó, bé ópɛʼ be é dia olʉa, dil be é dia otî, bɛɛ yɛɛ njɨ molʉa mo pɨʼ ontʉlontʉl, ebe, sa yiyɛh mʉr lé ebaran e ye, yɛɛ lé entaa nye é nkul ɨ, mʉr waa, nye ó elʉa é l'efu e sa yaa.

Kálar Nzyɛ̌m : Ejwán é Sáá

¹⁹ Bé kɛʼ bé ó, bé ópɛʼ bé lɨ́ otúʼǎ, dil bé ɨ́ dǐ ónzyɛh o bʉ̂r. Tó kœb ó, bé bʉr o tɨ̂ʼ, bé ó mpǎŋ bitúʼǎ, lɨ́ edû métum me dí etyen mʉ̂r lɨ́ eswie má, ebě, sá yɨ́yɛ̂h dí ejwɨ́ɨ mʉ̂r yɨ́, mʉr waá, nye ó túʼǎ sâ yaá.

2 Pyɛr 2:19 ပူးပေါင်းရင်းမြစ်များ

Yʉanes 8:34

Yesʉs, nye e be ó: «Me elɛɛ bɨn cyecye ó nɛɛ: mʉr nyiwɛh lé esa syem ɨ, nye ó elʉa mo Syem.

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

1 Pyɛr 2:16

Zyɛm a sa ó, bɨn diʼe é dia otî. É dia otî yin yaa, yé ajala le efuʼla sa bɨn buuro ebɨ-leme lɨn e tɨʼ ɨ. Kœʼœ ga ebò e cyen lé elɛʼle mpʉ bɨn ndɨ molʉa mo Zyɛm ɨ.

Galásia 5:1

Krɨst a dwih bɨna ga é dia olʉa ó, bɨna diʼe ga é dia otî. Ebe no, cyɛba ga é nkʉʼʉ. Amɛʼle ga ó, nuu mʉr dwihɨ bɨn é dia otî, ntɔʼ dil bɨn é dia olʉa.

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

2 Timotɛ 2:26

Bʉr o ndɨ mɨmɛra é mpila mo Njwɨɨ moleme e, bé é mpila ó, bé saʼ mpʉ nyɛɛ lé egwɨm ɨ. Sa gwar, ocyecye mo Zyɛm, wé óbɛm sa ó, bé duho é mpila yaa é pololo.

2 Pyɛr 2:20

ǃƗ mʉr si gʉa Tî ga wina le Tiʼbʉr ga wina Yesʉs-Krɨst, le esyɛhle bɨbol bɨ si nwaʼ nɛʼɛ, ǃnye si bâʼle kʉ bir pie tɨʼ ó, ebebe laa, lé bâʼla mara nye wa, tiʼ ye, yé óka bebe, ntaa njɨ, laa mpʉ yé a taare be e,

Mɨlʉmlʉ 19:16

Mʉr a be e bɨbla sisim ɨ, ntɔʼ nkaŋa be é monyʉl, ntaa be é nkul. Bé ntɔʼ buma mɨkam, pyalɔ kʉl, duhɔ é mbɛr we fufwah e monyʉl é gʉra-gʉra.

2 Pyɛr 1:4

Ebe no, bɨna mu ó si bi ga monkɛʼ ndɨ é buo dime e. É jɔʼ bɨna lé ebuʼla ga monkɛʼ me e, bɨna bé esyɛhle ga bɨbol mofulu bʉr o si nwaʼ ndɨ e bye, duho é bɨgwɨma byɔɔ ɛ. É zi waa ó bɨna lé ekœʼ ga ebò e cyen ndɨ elɛʼle njwɨr mo Zyɛm nye mʉr tɨʼ ɨ.