2 Pyɛr 1:8 - Kálara Zyɛ̌m Edwán é mpʉ̌n

⁸ ǃƗ mɨnjwɨr mɨnɨ si nyin le egwɨe é l'ebò e cyen yin nɛʼɛ, bɨn bé aŋa ka ncyehbe nkʉ lɛŋ bɨtiʼ bin mbɛh, lé ebaʼ mobo. Bɨtiʼ byaa, byé óka sa nteme ó, bɨn gʉŋa Tî ga wina Yesʉs-Krɨst é kpɛhla.

Kálar Nzyɛ̌m : Ejwán é Sáá

⁸ Métum maá sí nyɨ̂n ɨ́ bɨ̌n nó, bɨ̌n bé ogʉ́a Tî gá wɨ́ná Yésʉs-Krîst. Ngwɨ́á waá, wé ádi ntémé wé omér. Wé óbe ó mbáʼrá e bisyɛ́ɛla bimpâ wé dí ebyâ bí. Bɨ̌n bé ótô le esâ bísyɛ́ɛla byaá dóló ó, ɨ́ nzɨ̌ ngwɨ́á waá.

2 Pyɛr 1:8 ပူးပေါင်းရင်းမြစ်များ

Títos 3:14

Yé ejala ó, bʉr o ndɨ paʼra ga wina ɛ, bé jwɨʼɨ lé esa mɨmpaŋ bɨsyɛɛla. Ebe no ó bɨn bé ógʉa egul baanteʼenteʼe, é mbi ndɨ ó bɨn beʼ l'aka baʼ mobo e.

Kolosi 3:16

Mɛʼla ga ó, lwib mo Krɨst, yé loŋla mɨleme min. Dɨʼe dweela ga sikʉlʉ paʼra win, yaa ndɨ e l'ocyoo e. Dɨʼe dweela ga motɨɨ paʼra win. Jɛŋɨ ga Zyɛm oSam, e bɨjɛɛ bɨ Mbɛr-Zyɛm ndwe e bɨjɛɛ bɨfih Mbɨambɨa Sisim ódɨ lɛʼle bɨn ɨ. Bɨjɛɛ byaa, byé óduho bɨn é mɨmo si, lé edwe Zyɛm ekiba.

Yʉanes 15:2

Mɨlɔɔ mɨ tɨʼ mimyɛh ndɨ agumo mpumo e, nye etiʼe mye. No ó, mɨlɔɔ mimyɛh ndɨ e mpumo e, nye etiʼe-tiʼe bɨntoʼdu lé epah tɨʼ ɨ, le ekomlo mye ó, myé guma mpumo é buobuo.

Ebrœ̂ 6:12

Bɨh bé agwɨm ó, bɨn saʼ ontwii. Bɨh bé ekʉ ka gwɨm ó njɨ bɨn nʉŋa dweʼle tiʼ mo bʉʉ obuʼla mo Zyɛm. Bé e buʼo ndwe e bihbe. Bɛɛ nteme ó ngo bi sa Zyɛm a kɛʼ be, jala e nkɔb wɔɔ ɛ.

Filipi 1:9

Mɨnjwɨʼla me lé ejwɨʼla é l'efu lɨn ɨ, myé ó: kpɛl yin, yé bwaʼa bwaʼa. Kpɛl yin, yé gwɨa é l'ocyoo le pɨʼ.

1 Tesalonika 4:1

Ebe no, obɨɔ ga bam aa! Sa me lé eka tile bɨn é l'epihe e, yé ó nɛɛ: bɨh bé a si tɨe bɨn mpʉ bɨn lé ejala le ekœʼ ebò e cyen Zyɛm lé ekpɛl ó, bʉr kœʼœ œ. Bɨn nteme mu ó lé esa no. Dam be no, bɨh bé ejwɨʼla e bɨn, le etɨe bɨn é die mo Da Yesʉs ó, bɨn toʼ le esa no é buobuo.

1 Korɛnt 15:58

Ebe no, obɨɔ o kpɛl bam aa! Cyɛba ga é nkʉʼʉ. Gbaʼ ga monyʉl lé esea syɛɛ mo Da Yesʉs é jɔʼ yiyɛh. Gʉŋa ga ó, syɛɛ bɨn lé esea nye e, yé ákwoʼ dwè ntuʼ.

2 Pyɛr 1:2

Mocyɛʼ mo mpom le motala, mé swɨŋɨ é bɨn é ntuʼ-ntu-ntuʼ, duho é ngwɨa bɨn lé egʉa Zyɛm bé e Tî ga wina Yesʉs ɨ.

Filemɔŋ 1:6

Mpʉ bɨna ndɨ é zyɛŋa wina ɛ, bɨna mu ó e buʼo gwar. Bɨna mu ó lé egʉa nteme bɨsa bɨ embɨa bibyɛh bɨna ndɨ e bye é zyɛŋa wina boo Krɨst ɨ. No ó, zyɛŋa-mɨleme waa, nye ejala le egwɨe le eto dolo.

2 Tesalonika 1:3

Obɨɔ ga bam aa! Bɨh bé ejala le edwe Zyɛm ekiba é bɨjɔʼ bibyɛh é lɔb win. Yé ekʉ jala nteme no, ebe, bɨn bé eto le ejyɛʼ taa buʼo boo Zyɛm. Kpɛl bɨn lé ekpɛl bʉr ɨ, yé ebwaʼ ó bwaʼa.

Filipi 2:5

Diʼe ga e leme ncwɨncwɨa, mpʉ Yesʉs-Krɨst a kpɛl bɨn ɨ.

2 Korɛnt 13:5

Pahla ga bɨn bʉr o tɨ, bɨn beŋɨ nkʉ bɨn dina ó lé ejyɛʼ taa buʼo yin boo Zyɛm, nkʉ bɨn bé aka sa no. Bɨn bʉr o tɨ, saŋa egʉa ga nkʉ bɨn bé ekebe moveʼle le entaa mobʉbla. Zê bɨn bé agʉa ó, Yesʉs-Krɨst ó ndɨ é bɨn ɛ? Yé be ó, yé abe no nɛʼɛ, gʉŋa ga ó, bɨn bɨ ku moveʼle maa.

Kolosi 2:7

Buʼo bɨn ndɨ e ye e, yé paha mɨkaale. Yé toʼ dolo lé egwɨe le ebwaʼ. Jyɛʼɛ ga taa buʼo yin boo nye, mpʉ bé a dwe bɨn sikʉlʉ tɨʼ ɨ. Toʼ ga dolo lé edwe Zyɛm kum.

2 Korɛnt 9:14

ǃBé si bee bɨn lé egul bʉr nɛʼɛ, bé óbul kpɛl bɨn, le ejwɨʼla e Zyɛm é l'efu lɨn é buobuo ebe mpwaʼ ncwɨncwɨa nye a lɛʼle bɨn ɨ.

2 Korɛnt 8:2

Bé a si kʉ boblɔ é zi mɨtuu e mɨndɛl bé a sia e mye e. Dam be é l'enteʼe le egoblo lɔɔ, bwaʼbwaʼ bɨsʉhʉ byɔɔ, byé a si kʉ nyin é pono é zi mɨndwɛa myɔɔ.

1 Timotɛ 5:13

No ó nteme, bé ejyɛnba lé encyehbe dobo lɨlɛh. Bé eto le eto mɨmbɛr e mɨmbɛr myɛh, njɨ lé enaa-naa bʉr. Yé abe ó, jyɛʼ yɔɔ, yé ó njɨ lɔb edi dia jwɨh. Bé esa nteme ó, mpuʼ lé egba nʉm é mɨlɔb myoonkan, le elwib bɨlwib ndɨ asiŋa ɛ.

1 Tesalonika 3:12

Da Yesʉs cyɛba bɨn é mɨleme, ó leme ncwɨncwɨa bɨn ndɨ e we e, wé nyinɨ. Nye saʼ nteme ó, bɨn kpɛlɨ nteme bʉr ofih é buobuo, kpɛl yaa, yé nkʉʼ bwaʼ. Yé syɛŋɨ no, bɨn kpɛlɨ be mpʉ bɨh lé ekpɛl bɨn ɨ.

2 Korɛnt 8:7

Bɨn bé ó obil o bɨsa é mih mo Zyɛm, laa bʉʉ bʉr. Bɨn bé é bul laa bʉʉ bʉr é bim buʼo yin ndɨ ɨ. Bɨn bé elwib e mokan é lʉo-lʉo, laa bʉʉ bʉr, ndwe le egʉa ocyecye, ka kɛl bim bɨn lé egba monyʉl mɨn lé esa syɛɛ-Zyɛm ɨ, le é bim bɨn lé ekpɛl bɨh ɨ. É mpʉ yé ndɨ no e, saʼ ga mbɨambɨa syɛɛ yaa e mɨleme min mimyɛh, nteme laa bʉʉ bʉr!

Rôm 12:11

Gbaʼ ga monyʉl lé esa syɛɛ, abe e l'epɨh. Mbɨambɨa Sisim, nye kubla é mɨleme min tʉŋlʉ. Sea ga e Da Yesʉs.

Yʉanes 5:42

Sa gwar, me egʉa bɨn: me egʉa ó, bɨn bé akpɛl Zyɛm!

Mataos 25:26

«No ó masa we a ze lɛɛ e nye ó: “Go sa bɨbla pwɨpwɨh syɛl mosa yi! Go a be ó si gʉa ó, me pim-pim ó, é mompʉʼ mo wʉnʉ moonkan, le epɛʼ-pɛʼ mode é peme me a baabè mompœʼ tɨʼ ɨ.

Mataos 20:6

Yé mu kunokuno e mowala motɛn mo bii kʉʼ nɛʼɛ, nyi ze bâʼle pyal kʉl, kœb bʉʉ bʉr ocɨcyel lé encyehbe. Nye ze dî e be ó: “Ebe yé bɨn lé edi wâʼ lé encyehbe, moho lé elaa bɨn mbɛh ɛ?”

Mataos 20:3

«No ó, yé mu kunokuno e mowala bu mo mɛn nɛʼɛ, nyi ze bâʼle pyal kʉl, bee bʉʉ bʉr ofih lé encyehbe é l'ebɨm e nkana.

Mataos 13:22

Nuu nteme, nye enwɨɨla ó e mpœʼ yé a kur é mɨndwinʉ ɨ. Nye a si kʉ joʼo lɔɔ Zyɛm. Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle nye, ntɔʼ kaʼ lɔɔ Zyɛm, wé l'aka johlo.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

2 Pyɛr 1:3

Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.

2 Pyɛr 2:20

ǃƗ mʉr si gʉa Tî ga wina le Tiʼbʉr ga wina Yesʉs-Krɨst, le esyɛhle bɨbol bɨ si nwaʼ nɛʼɛ, ǃnye si bâʼle kʉ bir pie tɨʼ ó, ebebe laa, lé bâʼla mara nye wa, tiʼ ye, yé óka bebe, ntaa njɨ, laa mpʉ yé a taare be e,

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.