2 Pyɛr 1:7 - Kálara Zyɛ̌m Edwán é mpʉ̌n

⁷ É l'edwaabe Zyɛm, kɛlɨ ga efo paʼra obɨɔ e l'obɨɔ. É l'efo paʼra obɨɔ e l'obɨɔ, kɛlɨ ga kpɛl.

Kálar Nzyɛ̌m : Ejwán é Sáá

⁷ Ɨ́ kʉ̌ tyen mpâ, esó páʼ bɨ́ɔɔ́ e bɨ́ɔɔ́. Lɨ́ esó páʼ bɨ́ɔɔ́ e bɨ́ɔɔ́, kpɛ̌l.

2 Pyɛr 1:7 ပူးပေါင်းရင်းမြစ်များ

Ebrœ̂ 13:1

Kpɛl obuʼla, yé toʼ dolo lé egwɨe.

Rôm 12:10

Kpɛla ga paʼra win mpʉ mɨɔ e mɨɔ lé ejala le ekpɛla ɛ. Dwaaba ga bʉʉ bʉr é l'esama lɨn.

1 Tesalonika 3:12

Da Yesʉs cyɛba bɨn é mɨleme, ó leme ncwɨncwɨa bɨn ndɨ e we e, wé nyinɨ. Nye saʼ nteme ó, bɨn kpɛlɨ nteme bʉr ofih é buobuo, kpɛl yaa, yé nkʉʼ bwaʼ. Yé syɛŋɨ no, bɨn kpɛlɨ be mpʉ bɨh lé ekpɛl bɨn ɨ.

Galásia 6:10

Ebe no, ǃbɨna si bi ga epʉla tɨʼ nɛʼɛ, bɨna gbaʼ ga monyʉl ó, bɨna cwɨa ga e bʉr bɨbɛh. Sa gwar, kʉ bul cwɨa ga e bʉr o Mbɛr-Zyɛm ga wina, ndɨ bʉr o buʼo gwar ɨ.

1 Yʉanes 4:21

Ndwe nteme, Zyɛm a tiile bɨna ga etie ó, mʉr nyiwɛh lé ekpɛl Zyɛm ɨ, nye kpɛlɨ nteme mɨɔ we.

1 Yʉanes 3:16

É mbi wiʼ ó bɨna lé edweʼe ga sa ndɨ mpaŋ kpɛl ɨ: Yesʉs-Krɨst a si dwè, jala e bɨna ga. No nteme ó bɨna mu ó e mpɔla boo bʉʉ obuʼla ɛ. Bɨna bé ejɛna ga mpɔla waa ó, lé edwè, jala e l'obuʼla.

1 Yʉanes 3:14

Bɨna bé egʉa ga ó, bɨna bé a pàh, ntɔʼ bi tiʼ molu mo mpoʼ mɨmɛh ó, ebe kpɛl bɨna lé ekpɛl ga obuʼla ɛ. Mʉr ndɨ akpɛl bʉr ɨ, nye dina ó ndwè.

1 Pyɛr 2:17

Dwaaba ga bʉr bɨbɛh. Kpɛlɨ ga obuʼla o Mbɛr-Zyɛm. Dwaaba ga Zyɛm. Dwaaba ga mʉr lal ga wina kɛɛza.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Kolosi 3:14

É bɨsyɛɛla byaa bibyɛh, kpɛla ga, ebe, kpɛl ó ndɨ elar bɨn, ó bɨn diʼe mɨlɛra é mɨpaʼ mimyɛh.

1 Pyɛr 3:8

Sa epihe, yé ó nɛɛ: diʼe ga e mbi pɛhla ngwar. Joʼa ga njwɨʼa-nkoo ngwar. Kpɛla ga paʼra win kpɛl obuʼla. Lɛʼla ga kpɛl ndɨ eduho é leme tʉŋlʉ ɨ. Filɨ ga monyʉl si paʼra win.

1 Tesalonika 5:15

Mʉr abuulo ebebe e l'ebebe. Saʼ ga bɨsyɛɛla bɨ ncwɨncwɨa paʼra win boo bʉr bɨbɛh.