Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pyɛr 1:6 - Kálara Zyɛ̌m Edwán é mpʉ̌n

6 É ngwɨa, bɨn bé à kɛl mɛra leme. É mɛra leme, kɛlɨ ga bihbe. É bihbe, kɛlɨ ga edwaabe Zyɛm.

အခန်းကိုကြည့်ပါ။ ကော်ပီ

Kálar Nzyɛ̌m : Ejwán é Sáá

6 Ɨ́ ngwɨ́á, bɨ̌n e kɛ́l émâr é léme. Lɨ́ emâr é léme, bíhwó. Lɨ́ bíhwó, kʉ̌ tyen mpâ.

အခန်းကိုကြည့်ပါ။ ကော်ပီ




2 Pyɛr 1:6
40 ပူးပေါင်းရင်းမြစ်များ  

Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.


Sa lé ejɨŋɔ é nko paʼ win ɨ, yé ó bihbe. ǃBɨn si be e bihbe waa nɛʼɛ, bɨn bé ósa gwɨma mo Zyɛm é jɔʼ yaa. Bɨn bé óbi sa nye a kɛʼ bɨn ɨ.


É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.


Bʉr o ndɨ efwɛmla ɛ, bé emɛr mɨleme é mɨlɔb é buobuo é l'efu ó, bé ntaŋa, bœrɔ mopʉʼlʉ ndɨ elaa mpʉ ngul mpaa ɛ. No ó, bɨna bɛɛ, bé esaa ga ó, bɨna biʼe ga myɛna mé ódi njʉmdia e njʉmdia ɛ.


Lɛŋɨ otamabʉr o Mbɛr-Zyɛm ó, bé ajala le efwaʼ monwoʼ. Bé diʼe e modile, lé ekœʼ ebò e cyen é mpaŋ pɨʼ. Bé beʼ baa lé ejyɛʼ taa buʼo yɔɔ boo Zyɛm, du mpʉ mpaŋ sikʉlʉ bɨna lé ejwɨʼ ga ɛ, ndɨ ɨ. Bé diʼe bʉr o ndɨ ecwɨa e bʉʉ bʉr ɨ, e baa ndɨ é bihbe e.


etala e njwɨr ndwe e mɛra leme. Bɨsyɛɛla bɨnɨ, byé abe kɔmlʉ é motie mo Zyɛm.


Wâʼ é gumo yi, yé elɛʼle ó, yé ejala é nko paʼ mɨsaŋ mɨ bʉr ó, myé diʼe e bihbe, du motie me, le ejyɛʼ taa buʼo yɔɔ boo Yesʉs.


“Me egʉa lelelele syɛɛ bɨn lé ejaʼra e ye e, ndwe e mbi bɨn lé ejaʼra e mɨtuu ɨ. Me egʉa nteme ó, bɨn bé adihbe osyɛl be ebebe. Bɨn bɨ pahle bʉr o ndɨ elɛɛ ó, bé ó mɨlʉmlʉ mo Zyɛm ɨ, bɛɛ yɛɛ abe mye. Bɨn bɨ dweʼe ó, bé ó baanya-bɨkʉʉŋʉ.


Yé ejala ó, nye beʼ mʉr lé egʉa bɨlan e l'ojyoo e. Leme we, wé duʼo njɨ embɨa. Nye kœʼœ ebò e cyen é mpaŋ pɨʼ. Nye diʼe cɨcyel, e leme é sɔɔɔ é mih mo Zyɛm. Nye gʉŋa emɛr leme.


É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.


Bɨh bé esa nye mɨnjwɨʼla nteme ó, nye gulɨ bɨn é mɨleme, ó bɨn sea bɨsyɛɛ bɨ nkul mɨmbi mimyɛh é zi nkul we bɨna lé egumlo ga ɛ. Bɨn bé esea-sea no ó e bihbe, lé ejaʼra e mɨtuu, bɨn yɛɛ e bɨsʉhʉ.


Bɨh bé elɛʼle é zi bɨsyɛɛla bih ó, bɨh bé ó kʉ be cyecye osyɛl o mosa mo Zyɛm. Bɨh bé esa no ó: lé esa zyee, lé edihbe mɨtuu e mɨndɛl, lé edihbe edi é mpila bɨsyɛɛ, lé edi e leme cyela kʉ,


Sa bɨna l'apa bee ga ɛ, ǃɨ mɨleme ga mina si be e mbɛla ó, bɨna bé óbee ga ye nɛʼɛ, kʉ gʉa ó, bɨna bé ejala le edihbe ga mpono waa.


Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.


Pol ze taare lé eyeʼle nye mɨlɔb mo Zyɛm, taare é mpʉ mʉr lé ejala le ekœʼ ebò e cyen é l'ocɨcyel ɨ, le mpʉ mʉr lé ejala le emɛr leme é lɔb ebebe e, to pyal é mbi Zyɛm ótiʼe bʉr bɨbɛh mɨlɔb ɨ. Felik ntɔʼ joʼo bʉa. Nye e nye ó: «Go ejala le efiʼ é banana! É jɔʼ me óbe e l'epʉla ɛ, me óbaŋle go.»


No ó mʉʉ mompœʼ mɛɛ, mé a kur ó, é si mocyɛʼ, sa nɨ lé edweʼle bʉr o b'a be e mɨmpaŋ mɨleme. É jɔʼ bé a joʼo lɔɔ Zyɛm ɨ, bé a si baʼle we é mɨleme myɔɔ le egumo mpumo é bɨtiʼ byɔɔ, ndwe le esa bihbe.»


Sa yiyɛh ndɨ tila é Kalara Zyɛm ɨ, yé a tilɔ no ó, é l'efu ó, bɨna jwɨʼɨ ga bɨsikʉlʉ ndɨ tɨʼ ɨ. Kalara waa, nye egba bɨna ga nkul é monyʉl. Nkul waa, ndwe e bihbe bɨna lé ebi ga ɛ, byé esa ó, mɨleme ga mina, myé lwɨŋlɨ e mbɛla.


«Zyɛm, nye elɛɛ ó: “Yé be ó, yé ó tila ó, mʉr fih mʉr kɛ̀l ó jala le eto é l'okomo nɛʼɛ, nye óbana to. Yé be ó, yé ó tila ó, mʉr fih mʉr kɛ̀l ó jala le ejʉŋɔ e fòŋ nɛʼɛ, nye nteme óbana jʉŋɔ e fòŋ.”» (Wâʼ é gumo yi, yé elɛʼle ó, yé ejala é nko paʼ mɨsaŋ mɨ bʉr mo Zyɛm ó, bé diʼe nteme e bihbe ndwe e buʼo.)


Yé ó mɛm mɨɔ win Yʉanes. Bɨna ga bé ó é zyɛŋa-mɨleme obuʼla tʉŋlʉ. Bɨna ga bé ó bʉr o ndɨ ebɔma e tíila gwar ɨ. Bɨna ga bɨbɛh, bé ó é jwɨ̀ʼa mo Yesʉs. Bɨna ga bɨbɛh, bé edihbe mɨtuu mɨmpwar ebe nye. Bé a si mɛr me, pɨrɔ me é dine Patmos. Bé a sa me no ó, ebe lɔɔ Zyɛm me a be lé elɛɛ ɛ, ndwe e mboʼla me lé eboʼlo, tiibe e Yesʉs ɨ.


É mpʉ yé ndɨ ó, bɨsa biʼ bibyɛh, byé ódim no e, dɨʼe pahle ga! Wáa mbi ebò e cyen bɨn lé ejala le ekœʼ œ? Ebò e cyen laa, lé ó laa ndɨ ejala e mɨsaŋ mɨ bʉr ɨ, bé e bʉr o ndɨ edwaabe Zyɛm ɨ.


Abraham a be ó si dihbe mpono. Ebe no ó nye a bi sa Zyɛm a kɛʼ nye e.


Bɨh bé agwɨm ó, bɨn saʼ ontwii. Bɨh bé ekʉ ka gwɨm ó njɨ bɨn nʉŋa dweʼle tiʼ mo bʉʉ obuʼla mo Zyɛm. Bé e buʼo ndwe e bihbe. Bɛɛ nteme ó ngo bi sa Zyɛm a kɛʼ be, jala e nkɔb wɔɔ ɛ.


Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.


Bé ósa jaale, lé ejɨ nyin ó, bɛɛ ó ndɨ edwaabe Zyɛm. To kœb ó, bé ókɛla ó, buʼo ga yina, yé abe e nkul. Cɛra e bʉr onɨ.


Gwɔɔ mʉr mo Zyɛm! Cɛra e bɨsa bɨnɨ bibyɛh. Duʼo njɨ syɛɛla ndɨ cɨcyel ɨ. Dwaaba Zyɛm, lé ejyɛʼ taa buʼo yo boo nye, le ekpɛl bʉr. Diʼe mʉr bihbe. Tala nteme njwɨr.


To kœb ó, edwaabe Zyɛm lɛɛ, lé e buobuo nyɔm ó, nkʉ mʉr lé edwaabe Zyɛm ɨ, nye edwɛʼ njɨ mobi nye lé ebi-bi ɨ.


Tî ga wina Yesʉs-Krɨst a si kʉ dwe bɨna ga mpaŋ sikʉlʉ lé eyeʼle bɨna ga mpʉ mʉr jala le edwaabe Zyɛm ɨ. Yé be ó, mʉr fih mʉr kɛ̀l, nye amɛʼle sikʉlʉ nɨ, nkʉ du ye, bula to dwe bʉr bɨsikʉlʉ bɨfih nɛʼɛ, lɛɛ ó, nye mu ó lé enkɛɛ nyʉl.


Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»


Bé ejala le elɛʼle bʉr ó, bé e bɨsyɛɛla bɨ ncwɨncwɨa lé ejala e bʉba lé edwaabe Zyɛm ɨ.


Saʼ Zyɛm mɨnjwɨʼla nteme é l'efu e mɨnjwɨɨbʉr ndwe e baa bɨbɛh ndɨ e nkul mojwɨ̀ʼa ɛ. Ebe no ó bɨna bé ódi ga é motala, abe e ntɨʼa ɛ. É bɨtiʼ ga bina, bɨna bé ódwaabe ga Zyɛm le edwiibɨ nye.


Da cyɛba bɨn é mɨleme, ó bɨn kpɛlɨ nye. Nye saʼ nteme ó, bɨn dihba mɨtuu é mpʉ Krɨst a dihbe mye e.


No ó, é nko paʼ wih, é jɔʼ bɨh lé epyal é myʉʉ mɨmbɛr mɨ Zyɛm ɨ, bɨh bé edoʼo e bihbe e buʼo bɨn ndɨ e bye e, ebe, é jɔʼ bé lé etíile bɨn, le esa bɨn jeele e laŋ ɨ, bɨn bé edihbe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ