2 Pyɛr 1:4 - Kálara Zyɛ̌m Edwán é mpʉ̌n

⁴ Ebe no, bɨna mu ó si bi ga monkɛʼ ndɨ é buo dime e. É jɔʼ bɨna lé ebuʼla ga monkɛʼ me e, bɨna bé esyɛhle ga bɨbol mofulu bʉr o si nwaʼ ndɨ e bye, duho é bɨgwɨma byɔɔ ɛ. É zi waa ó bɨna lé ekœʼ ga ebò e cyen ndɨ elɛʼle njwɨr mo Zyɛm nye mʉr tɨʼ ɨ.

Kálar Nzyɛ̌m : Ejwán é Sáá

⁴ Mɨná mû bi gá ó, menkɛ̌ʼ nyé á boo kɛʼ mɨná gá, maá me dí ɨ́ buo ódimé má. Ɨ́ jɔʼ mɨ́ná bûʼlá gá menkɛ̌ʼ maá yɨ́, mɨná bé lɨ́ ebi gá ntémé njwɨr mé Nzyɛ̌m tɨ̂. Bʉr ó sí yɨ̂, bé mû ó lɨ́ ebo, duho ɨ́ mpwaʼ bigwɨ́má bísâ. Nó mɨná bɨɛ bé ókpɛ́ɛ gá bigwɨ́má byaá.

2 Pyɛr 1:4 ပူးပေါင်းရင်းမြစ်များ

2 Korɛnt 3:18

No ó, egor laa, lɨ pʉʼa é mompom ga mɨna. Ebe no ó bɨna ga mu lé ekʉ bee ga moncɛnba mo Da Yesʉs é sʉlʉlʉ ɨ, moncɛnba mo tɨʼ lé ekʉ pan nteme, duho é bɨna ga. Bɨna mu ó lé edwirɔ ga é l'efu ó, bɨna nkʉʼ gʉa nwɨɨla ga e nye, ndwe le elɛʼle bʉr kum we. Da ó lé edwir bɨna ga no, nyɛɛ waa bɨna lé ejebe ga ó, Mbɨambɨa Sisim ɨ.

Kolosi 3:10

Bɨn bɨ bwar mɨkan modwan: nyʉl dwan ndɨ edwanba é ngwɨa ocyecye e. Nyʉl dwan waa, nye edu dweʼle mo Zyɛm Kwihbʉr.

Ebrœ̂ 12:10

Osɔŋ ga bɨna, bé a kʉ turo bɨna ga mɨlʉ ó, njɨ é ma jɔʼ. Bé a si bee embɨa lé esa bɨna ga no. No ó, Zyɛm Sɔŋ ga wina nyɛɛ, nye eturo bɨna ga mɨlʉ ó, njɨ é l'efu e nyɔm ga wina. Nye esa no ó, bɨna nkʉʼ kœʼ ga ebò e cyen ndɨ é pememe e, ebò e cyen ga lɨna lé enwɨɨla e laa le.

1 Yʉanes 3:2

Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

2 Korɛnt 6:17

Ebe no ó Da lé elɛɛ ó: «Duha ga é sama yɔɔ. Bɔʼa ga e be. Anyamle kuna ga e sa ndɨ elœʼ mʉr é mih mo Zyɛm ɨ. No ó me ómɛʼle lé ebaʼle bɨn me ye e.

Galásia 6:8

Mʉr lé edu bɨgwɨma bɨ nyʉl bɨpuno we e, nye óbi efie, duho é bɨsyɛɛla bɨ tɨ. To kœb ó, waa lé edu zi Mbɨambɨa Sisim lé ekpɛl ɨ, nye óbi tiʼ molu mo mpoʼ mɨmɛh é zi mo Mbɨambɨa Sisim.

1 Yʉanes 2:25

No ó, Zyɛm Sɔŋ nye mʉr tɨʼ a be ó si kɛʼ bɨna ga tiʼ molu mo mpoʼ mɨmɛh.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Ebrœ̂ 9:15

Ebe no ó Krɨst ndɨ mosàa-mɔm lé eduula paʼra wina boo Zyɛm ɨ. Nye a cyelɔ é dia mosàa-mɔm yaa ó, Zyɛm nkʉʼ de edwan e mpʉn ɨ. Nye a de mpʉn waa ó, e bʉr nye a jebe e, ó bé biʼe tiʼ molu mo mpoʼ mɨmɛh nye a kɛʼ be e. Ebe, Krɨst a si kɛha tiʼ ye lé ejala e mɨsyem ga mina, ó nye kʉrɨ bɨna ga. Mɨsyem myaa, myé a dɨ mɛr bɨna ga ó, taare é jɔʼ bɨna bé a be ga é mpʉn nye a taare de e bɨmpam ga bina ɛ.

2 Korɛnt 1:20

Ebe, monkɛʼ mɨmɛh Zyɛm a liʼe bʉr be e ma ɛ, nye edira me ó, njɨ é zyɛŋa ga wina boo Yesʉs. Ebe no nteme ó bɨna lé elɛɛ ga ó: «Amɛn» ɨ. Bɨna bé edwiibɨ ga Zyɛm ó tɨ, é zi mɨnjwɨʼla myaa.

Galásia 3:16

Mbi ngwar e ngwar waa ó Zyɛm a kɛʼ Abraham ndwe e mʉr mpoŋbʉr we mɨmpaŋ bɨsɔʼɔ ɛ. Yé abe tila é Kalara Zyɛm ó: «bʉr o mpoŋbʉr». Yé a kʉ ka tilɔ ó njɨ mʉr ngwar é mpoŋbʉr we. Nye a lɛɛ ó: «Me edwe ó, bɨn e mʉr mpoŋbʉr go.» No, yé ó, mʉr mpoŋbʉr mo Abraham waa ó ndɨ Yesʉs-Krɨst!

Rôm 9:4

Bɨɔ bam, bwa b'Ɨzraɛl, bé ó baa Zyɛm a pɛh ó, bé nkʉʼ cyelɔ é dia bwan o mobœʼa be. Bé ó b'a taare bee kum we. Nye a taare de mpʉn ó e be. Bé ó b'a joʼo motie nye a tiile e. Bé ó b'a taare lɛʼlɔ mpʉ bé lé ejala le edwiibɨ Zyɛm ɨ. Bé ó b'a taare bi monkɛʼ mo Zyɛm.

Éfɛsɔs 4:13

É mbi waa, bɨna ga bɨbɛh, bé óbe ga ó zyɛŋa, cwɨɨ é zi buʼo gwar. Bɨna bé ógʉa ga Mwan mo Zyɛm é kpɛhla. Bɨna bé óbi ga pɨʼ otamabʉr, ntɔʼ gbabla le elele é mɨpaʼ mimyɛh, lé efuʼla nʉa cye mo Krɨst nye mʉr tɨ.

Jacques 1:27

Mpaŋ buʼo ndɨ é ncyɛh-ncyɛh é mih mo Zyɛm Sɔŋ ɨ, yé ó, mʉr toʼ le egul bwɔɔnul ndwe e mɨkuho mɨ bʉba, bʉr o ndɨ é mɨtuu ɨ, sa nteme okan é mbi nyɛɛ lé etiʼe e, ebe, bɨsa bɨ jobo yi, byé amu jaa go nye é nyʉl mpʉ mobar.

2 Pyɛr 3:9

Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.

2 Pyɛr 3:13

Zyɛm a kɛʼ bɨna ga ó edwan e jobo e l'edwan le ejyoo, ndwe e l'edwan e si. Sa ndɨ ekœb dia tɨʼ ɨ, yé óbe ó yaa ndɨ cɨcyel ɨ. Bɨna ga bé é mpono lé ekʉ bono bye.